Mateu 2:1 - Kakaɨyari Niukieya

¹ Merikɨtsɨ Ketsutsi Wereni paitɨ hetinuiwaku Kureya kwieyaritsie, kepauka Herurexi mana mɨti'aitametɨkai. 'Ana yukwiepa meheyekɨneka temaiwawemete tayeta mepayenexɨa, kiekaritsie Kerutsareme mekaniu'axɨani,

Mateu 2:1 ပူးပေါင်းရင်းမြစ်များ

Mikeyaxi 5:2

Matsi 'ekɨ, Wereni 'Epɨrata, kiekari 'etsipemɨyewa Kura nuiwarimama watsata, 'ahetsie pɨyeyani 'Ixaheritsie mɨtita'aita, tsutɨa paitɨ kiekatari puwanuiwari, watukari mɨka'inɨari.

Wani 7:42

Tamɨ 'utɨarika mɨpaɨ karanuyɨne, Kɨritsitu Rawiri pɨxiɨyarieyatɨni, kiekaritsie Rawiri manukateitsie pɨtinuiwa Werenitsie».

Rukaxi 2:11

'Ikɨ tɨkaritsie tiyuwikweitsitɨwame kanetinuiwa xehetsiemieme, Rawiri kiekariena katineyɨni, Kɨritsitu kanihɨkɨtɨni, Ti'aitame kanihɨkɨtɨni.

Kitsariyaxi 11:10

'Iya tukaritsie 'Itsahi nanarieya panukukeni teɨteri wa'inɨari hepaɨ, mɨkɨ hepa nuiwarite mepɨtinautsa, meta witsi'anetɨ payani hakewa mɨkɨ metayerɨni.

Tsutɨarika 49:10

Kura xewitɨ pɨka'inawairieni ti'aitame 'itsɨya, nuiwarimama yuheyemekɨ mepɨteta'aita. Kepaukake munuani yurikɨ ti'aitame, 'aixɨa mɨtiuka'iyari meuyewetse hɨxiena yamemɨtekahunikɨ kwiepa memɨtama.

Mateu 2:5

Mɨpaɨ mekatenitahɨawe: ―Wereni paitɨ Kureya kwieyaritsie, mɨpaɨ mɨtiu'ɨtɨakaikɨ Kakaɨyari niukameya:

Mateu 1:25

Peru pɨka'ikumaɨwakai, 'arikeke yumexɨakame nunutsi 'utinuiwitɨakuke, hikɨ Ketsutsi pɨtiterɨwaxɨ.

Rukaxi 2:15

Merikɨtsɨ niuki tuayamete muyuawitsie meheutiyunixɨaku, mɨpaɨ mekateniyɨkɨhɨawekaitɨni muxatsi wahɨwemete: «Hikɨmɨtsɨari tepɨyehu Wereni paitɨ, tepi'ixɨariyu kemainekai, Ti'aitame kemɨtatiutahɨawixɨ».

Rukaxi 1:5

Merikɨtsɨ kepauka Herurexi mɨti'aitametɨkai Kureya kwieyaritsie, mawari wewiwame 'akaniuyeikakaitɨni Tsakariyaxi titewatɨ, mawari wewiwame 'Awiyaxi teɨterimama wahamatɨa katini'uximayakaitɨni. 'Ɨyaya 'Eritsaweti mɨkɨta 'Aruni nuiwarieyatsie mieme kanihɨkɨtɨkaitɨni.

1 Te'aitamete 4:30

Mɨkɨ matsi pɨwara'iwaxɨ timaiwetɨ yunaime temaiwawemete tau manatineika hepa kiekatari meta 'Ekipitu kiekatari.

Tsutɨarika 25:6

Meta 'Apɨrahami hipame yɨ'ɨitama waniwema tiwayetuirieka kaniwarenɨ'ani, mexi'akuxi 'a'uyeikakai, 'Itsahaki hamatɨa memɨkatitenikɨ, tau manatineika hepatsie kaniwarenɨ'ani.

Mateu 2:19

Merikɨtsɨ 'arike Herurexi 'umɨku, Kutse yuheinɨtsita kanixeiya Ti'aitame hetsɨa mieme niuki tuayame 'Ekipitu kwieyaritsie heyeikatɨ,

Mateu 2:3

Kepauka ti'aitame Herurexi mɨtiutamari kaniuyeha'ani, meta yunaitɨ Kerutsareme kiekatari.

Tsutɨarika 10:30

mɨkɨ Metsa kwieyaritsie mepɨtitekai meta Tsepaxi paitɨ, tau manatineika hepatsie mɨhɨriyatsie.

Kuwi 1:3

'atahuta miriyari muxatsi puwakutsiyaritɨkai, kameyutsixi haika miriyari, tuurutsixi kwietsanamete 'auxɨwime tsienituyari meta puxuri 'ukari 'auxɨwi tsienituyari, meta memɨte'i'uximayatsirie mepɨyumɨirekai. Mɨkɨ tewi yemekɨ waɨkawa mɨrexeiya pɨhɨkɨtɨkai yunaime puwara'iwakai mana tau manatineika hepatsie memɨtamakai.

Tsutɨarika 41:8

Nutuixietɨ yu'iyaritɨatɨ ximeri kananukukeni. Katiniwarutanɨ'airieni 'awie temaiwawemete 'ekipitutari. Katiniwarutaxatɨani kemɨtiuheinɨ, peru nixewitɨ pɨka'itahekɨatɨa heinɨtsikaya.

'Itsɨkate 17:7

Xewitɨ temaikɨ rewi tewiyari Wereni Kura kwieyaritsie kiekame, Kura xiɨyarimama watsata kaniuyeikakaitɨni,

Mateu 2:7

Hikɨ Herurexi temaiwawemete kaniwaruta'inieni 'awie. Kaniwaruta'iwawiya heitseriemekɨ kepauka muyuhekɨataxɨ xurawe.

Mateu 2:16

Hikɨ kepauka mɨtiutamari Herurexi kememɨte'ikwamanaxɨ temaiwawemete, kwinimieme katiniuyeha'ani. Hikɨ katiniuta'aita tɨɨri memɨwakwinikɨ yunaime huta wiyari memɨkahɨtɨka 'akuxi, Wereni memɨtitekai meta naitsarie 'auriena memɨtitekai, kememɨte'itahɨawixɨ temaiwawemete tukari hepaɨtsita.

1 Kemɨtiuyɨ 2:51

Tsarima, Wereni paapaya, meta Karepi, Weti-Karexi paapaya matɨa.