Mateu 19:5 - Kakaɨyari Niukieya

⁵ meta mɨpaɨ mutayɨ: “'Ayumieme 'uki kaniyupatamɨkɨ, yupaapa yumaama wahetsɨa kaniyeyeimɨkɨ, yɨ'ɨyatsie katiniwiyamɨkɨ pɨta, memɨyuhutakai xeiwaiyari mekanakɨnikuni meyuxewitɨ”?

Mateu 19:5 ပူးပေါင်းရင်းမြစ်များ

1 Kurinitutari 7:4

'Uka heitserie pɨkahexeiya yuwaiyari hepaɨtsita, kɨnaya pɨta heitserie kanexeiyani. Yaxeikɨata 'uki heitserie pɨkahexeiya yuwaiyari hepaɨtsita, 'ɨyaya pɨta heitserie kanexeiyani.

1 Kurinitutari 7:2

Peru rukutsixi memɨyumɨirekɨ, 'ukitsi yuxexuitɨ yɨ'ɨitama mekewarexeiyani, 'ukarita yuxexuitɨ yɨkɨnama mekewarexeiyani.

'Epetsutari 5:31

Kemaine: «'Ayumieme 'uki kaniyupatamɨkɨ, yupaapa yumaama wahetsɨa kanayeyeimɨkɨ, yɨ'ɨyatsie pɨta katiniwiyamɨkɨ, memɨyuhutakai xeiwaiyari mekanakɨnikuni meyuxewitɨ».

1 Kurinitutari 6:16

¿Mɨpaɨ xekatemate, kemɨ'ane 'uka tuminikɨ muyuwitɨnɨatsie mɨtiwiya, yuhamatɨa xeiwaiyari mekanakɨkani meyuxewitɨ? Kemaine 'utɨarikayari: «Yuhutatɨ xeiwaiyari mekanakɨnikuni meyuxewitɨ».

Nɨawari 45:10

Keneu'ena, 'uka yemekɨ keneu'a'ɨwiya: 'Akiekari kenatɨmaiya meta 'a'iwama.

Xumatari 12:9

Yakɨ xeikɨa xekayɨatɨ xeketeneyukanaki'erieka. Xe'ixeɨmatɨ tita 'axamɨti'ane, tita 'aixɨa mɨti'anetsie xeketenewiyani.

Nɨawari 63:8

Ne'iyari yuheyemekɨ 'ahetsie pɨtiwiya, 'amamá 'atserieta mieme pɨnetsikuhana.

1 Tsamuheri 18:1

Merikɨtsɨ Rawiri Tsahuri yuhamatɨa metekuxatatɨ mete'utahayewakari, 'anatɨtɨ Tsahuri Rawiri pɨka'upitɨa para yukie mɨyemiekɨ yupaapa hetsɨa, 'ahura xeikɨa muyeikanikɨ ti'uximayatsirietɨ. Meta Kunatani Rawiri waɨkawa naki'erietɨ kanayani meta yɨkɨmana kemɨtiyunaki'erie hepaɨ katininaki'eriekitɨni.

Hutarieka 'inɨari 11:22

»Xɨka yaxetekakɨne xeyukweriwayurietɨ naime 'ikɨ 'aitsikatsie hikɨ nemɨxeyetuirie, Yawé yukakaɨyari xɨka xenaki'erieka, xɨka huyetana xe'uhuni heitseriekamekɨ hetsiena xetewiyatɨ.

Hutarieka 'inɨari 10:20

Yawé mɨ'akakaɨyari pe'ayemakaxetɨ kenayexeiyani. Mɨkɨtsie xeikɨa ketinewiyani meta kepemɨtayɨni mɨkɨ kemɨtitewakɨ yakeneutaineni.

Hutarieka 'inɨari 4:4

Peru xeme, yunaitɨ kemɨ'ane heitseriemekɨ yaxemɨtekahukai Yawé takakaɨyari hetsie xetewiyatɨ, hikɨ 'akuxi xekanayeneniereni.

Tsutɨarika 34:3

Mɨya 'iyuriekaketa kanitihiwe'erieni 'aixɨa katinixeiyakaitɨni pitiwitɨnikekai.

1 Te'aitamete 11:2

hipame nuiwarite waniwema mepɨhɨkɨtɨkai Yawé wahetsiemieme mɨpaɨ putayɨkai, mɨpaɨ tiwarahɨawetɨ 'ixaheritsixi: «Xepɨkawawitɨtɨweni meta mɨkɨ mepɨkaxewitɨtɨweni, ne yurikɨ mɨpaɨ nekanaineni xɨka xewarutiwitɨni mɨkɨ mepɨxeheuyexɨrieni xe'iyaritsie para xemɨwarayexeiyanikɨ hipame pɨta kakaɨyarixi». Mɨkɨ 'ukari Tsarumuni kaniwarutiwitɨni meta kaniwarutihiwe'erieni.

2 Tsamuheri 1:26

Kunatani, 'ahetsiemieme waɨkawa nepɨneheiwerie, ne'iwa hepaɨ nepɨmatinaki'eriekai. Matsi waɨkawamekɨ nepɨmatsinaki'erikai keyuri 'ukarawetsixi ketemɨtewanaki'erie.

Marakiyaxi 2:15

¿Tamɨ Yawé xeiwaiyari katixe'ayeitɨa 'a'ɨya hamatɨa, xewaiyari meta xe'iyari? Meta ¿ketitayari tixe'utaxewiriyaxɨ? Mɨpaɨ xeteyuxewikaku xeniwema pɨwareuyehɨwa Kakaɨyari hetsiemiemete. 'Ayumieme yu'iyari xekene'ɨwiyani, yu'ɨitama xepɨkawaruku'e'eiriwani temariyari xemɨwarutiwitɨ.

Mateu 19:6

'Ayumieme mepɨkayuhutari, matsi mekaniyuxewini xeiwaiyari mepɨhɨkɨ. 'Ayumieme, tita Kakaɨyari mɨtiutaxewiriyaxɨ, tewi pɨkawataxɨrɨwani.

1 Tsamuheri 25:43

Meta Rawiri 'Akinuhani Ketsireri kiekame kanawitɨkɨkaitɨni, merikɨte mɨkɨ yuhutatɨ mepɨ'ɨitamamatɨkai.