Mateu 18:12 - Kakaɨyari Niukieya

¹² »¿Kexeteku'eriwa? Xɨka tewi xeitsienituyari warexeiyani yumuxatsi, xɨka xewitɨ mɨkɨ heuyeweni, ¿katiwaku'eirieni hɨritsie nauka tewiyari heimana tamamata heimana 'atanauka memɨyupaɨme, katiwaumie meuyewe?

Mateu 18:12 ပူးပေါင်းရင်းမြစ်များ

'Etsekieri 34:12

Muxatsi wa'ɨwiyame hepaɨ kemɨtiwata'ɨwiya meheuyexɨrieyu, mɨpaɨta ne nepɨtiwaxeiyani nemuxatsima meta naitsarie mɨpaɨ nepɨtiwatawikweitsitɨani, haiwitɨri mɨyɨyɨwi tukariyari 'aye'ayu meta tsepa kememɨteheutayeixɨakai.

'Etsekieri 34:16

Memeuyexɨri muxatsi nekaniwatiwaumɨkɨ, 'ateewa paitɨ memekɨ nekaniwa'atɨamɨkɨ, kemɨ'ane memɨte'uka'eniwani nekaniwati'uayemamɨkɨ, meta kemɨ'ane memɨwerarani nekaniwatitɨrɨkariyamɨkɨ, matsi memɨwaiyatɨka meta memɨtɨrɨkawi nekaniwakumaweriyamɨkɨ. Ne heitseriemekɨ nepɨwaruwitɨximeni.

'Etsekieri 34:28

Tawariri nuiwarite memɨtama mepɨkawatikwani, meta tawariri teyukwa'amete mepɨkawatikwani. 'Aixɨa 'iyari mepu'uwani, nixewitɨ pɨkawamariutani.

'Etsekieri 34:6

Nemuxatsima meheuyexɨrieka 'ɨtsita mekaniu'uwani hɨritsiepai, kwiepa naitsarie mekaneutayeixɨani, nixewitɨ pɨkawara'eriwa pɨkawakuwaune.

Kitsariyaxi 53:6

Teyunaitɨ tepeuyexɨriekai, muxatsi wahepaɨ, teyuxexuitɨ tepu'uwakai kemɨtatinake, peru Yawé hetsiena pɨtiɨhɨa naime 'axatemɨte'uyurikɨ.

1 Pekuru 2:25

Matsi muxatsi memeuyexɨri hepaɨ xepɨyɨakai, hikɨrixɨa ta'aurie xe'axɨrieka muxatsi wahɨwemetsie xepɨte'uwi, kemɨ'ane xe'iyari mɨ'ɨwiya hetsɨa.

Mateu 12:11

Mɨkɨ mɨpaɨ katiniwaruta'eiya: —Xewitɨ xeme xɨka muxa hexeiyani, xɨka 'uxipiya tukaritsie hewatixawakaku heukaweni, ¿katiwatihana? Xɨari puwatihana.

Keremiyaxi 50:6

»Neteɨterima muxatsi xeikuraruyari memeuyexɨri hepaɨ mepɨ'ane, wahɨwemete mepɨwarutayutsitɨa, hɨritsie yuxaɨta me'u'uwame mepɨwarayeitɨa. Xeime hɨriyaritsie me'u'uwatɨ xeime hɨriyaritsieta mepekɨka, yukuraru mehatɨmaiyaka.

Nɨawari 119:176

Muxa meuyewe hepaɨ nekaniuyɨni, kenaye'a ti'a'uximayatsiriwame kenawaumie, 'a'aitsikate nemɨkahatɨmaiyawekɨ.

Mateu 21:28

»¿Kexeteku'eriwa 'ikɨ hepaɨtsita? Tewi yuniwema kaniwarexeiyakaitɨni yuhutame. Xeime hetsɨa nuaka mɨpaɨ katinitahɨawe: “Neniwe, hikɨ ketine'uximayatamie kaxie haraweriyarita”.

1 Kurinitutari 10:15

Temaiwawemete nemɨtiwakuxaxatɨwa hepaɨ, mɨpaɨ nekatinixekuxaxatɨwani xeme. Yɨkɨmana xekeneu'inɨata tita nemɨtikuxata.

Mateu 22:42

—¿Kexeteku'eriwa Kɨritsitu hepaɨtsita? ¿Kemɨ'ane pɨranuiwari? Mɨkɨ mɨpaɨ mekatenita'eiya: —Rawiri kaninuiwarieyatɨni.

1 Te'aitamete 21:17

Merikɨtsɨ Yawé 'Eriyaxi Titsiwe kiekame mɨpaɨ katiniutahɨawe:

'Etsekieri 34:4

Kemɨ'ane muxa mɨwerani xepɨkaparewie, xɨkatikuyeni xepɨka'i'ɨwiya, mɨrekwinitɨarie xepɨka'uayema, meta meuyewe xepɨka'anukuwawa metatsiere huye memuku'eiri. Matsi pɨta muxatsi xepɨtewakwinitɨa xepɨwananaima.

Mateu 18:13

Yurikɨ mɨpaɨ nepɨxerahɨawe, xɨka 'aku heitaxeiya, mɨkɨ muxakɨ kaniyutemawieka matsi waɨkawa, kemɨkatiyutemawie memɨkaheuyexɨri wahekɨ nauka tewiyari heimana tamamata heimana 'atanauka memɨyupaɨme.