Mateu 18:10 - Kakaɨyari Niukieya

¹⁰ »Yumarima 'aixɨa xeime xepɨkananaimaka 'ikɨ tɨɨri. Mɨpaɨ nepɨxerahɨawe, mɨkɨ waniuki tuayamete yuheyemekɨ 'amekaniu'uwani ne'ukiyari taheima makawe hɨxie, mepɨte'ikuxaxatɨwa.

Mateu 18:10 ပူးပေါင်းရင်းမြစ်များ

Nɨawari 91:11

Mɨkɨtsɨ yuniuki tuayamete kaniwatanɨ'amɨkɨ naime 'ahuyeta memetsi'ɨwiyanikɨ.

Hepɨrayutsixi 1:14

¿Kamɨtsɨ niuki tuayamete yunaitɨ 'iyarite mekatehɨkɨ, Kakaɨyari memɨte'uximayatsiriwamete, memɨtanɨ'ariwa memɨwaparewienikɨ kemɨ'ane wahetsie mɨtinakirɨme memɨtawikweitsitɨarienikɨ?

Nɨawari 34:7

Yawé niuki tuayameya tihɨweme kaneyenɨ'awani memeyexeiya mɨwa'ɨwiyanikɨ, wa'aurie kaniuyeikani waparewienike.

Rukaxi 16:22

»Merikɨtsɨ tixaɨtɨ mɨkarexeiya kaniumɨni, Kakaɨyari hetsɨa miemete niuki tuayamete mekanenutiwitɨni 'Apɨrahami 'aurie. Metatsiere xiku tiumɨ tiukateukie.

Mateu 24:31

Meta kuxineta hɨtsieriekaku pɨwatanɨ'axɨani yuniuki tuayamete, hikɨ mɨkɨ mepɨwakuxeɨrieni memanayexeiyarie, naitsarie kiekatari muyuawi hetɨa.

Rukaxi 1:19

Hikɨ niuki tuayame mɨpaɨ katinitahɨawe: —Ne Kɨrawieri nekanihɨkɨtɨni, Kakaɨyari hɨxie nekaniuweni. Yanemɨmatitahɨawekɨ nekaneyenɨ'arieni, nemɨmatsitaxatɨanikɨ 'ikɨ niuki 'aixɨa manuyɨne.

Mateu 18:14

Mɨpaɨ yaxeikɨa, xe'ukiyari taheima makawe pɨkayuwaɨriya meuyeweni xewitɨ 'ikɨ tɨɨri.

Mateu 18:6

Peru, kemɨ'ane yamɨtiyurieni 'axamɨtiyurienikɨ xewitɨ 'ikɨ tɨɨri yuri memɨte'erie nehetsie, 'aixɨa kaniyɨnikeyu matsi xɨka tete matayari mahete 'akatɨtɨarienike meta xɨka haramaratsie heukahɨiyanike meukatewatsie.

Mateu 2:19

Merikɨtsɨ 'arike Herurexi 'umɨku, Kutse yuheinɨtsita kanixeiya Ti'aitame hetsɨa mieme niuki tuayame 'Ekipitu kwieyaritsie heyeikatɨ,

Mateu 2:13

Merikɨtsɨ mehekɨnekuri mɨkɨ, Kutse yuheinɨtsita Ti'aitame hetsɨa mieme niuki tuayame kaniuxeiya, mɨpaɨ katinitahɨawe: «Kenanukukexi, keniwaranuwitɨki nunutsi meta maamaya, 'Ekipitu paitɨ xekeneuyuta'una. Mana xekenekuteni, kepaukake yanemɨtayɨni. Herurexi nunutsi kanitiwaumɨkɨ 'imienike».

Mateu 1:20

Merikɨtsɨ mɨpaɨ tiku'eriwakaku, hikɨ Ti'aitame hetsɨa mieme niuki tuayame kaniuxeiya yuheinɨtsita mɨpaɨ 'utaineme: «Kutse 'aku Rawiri pemɨnu'aya, pepɨkamaka Mariya pemɨtiwitɨnikɨ 'a'ɨya mayani, 'Iyari Mɨtiyupata ya'ane 'ipitɨaku, hetsiena pɨyeya 'ikɨ nunutsi.

1 Tetsarunikatari 4:8

'Ayumieme, kemɨ'ane mixani'erie 'ikɨ tewi pɨkaxani'erie, matsi Kakaɨyari pɨta pɨxani'erie, kemɨ'ane mɨtatimikwa Yu'iyari Mɨtiyupata.

1 Kurinitutari 11:22

¿Kamɨtsɨ kiite xekatehexeiya hakewa xemɨtehekwanikɨ meta xemɨtehe'ienikɨ? Nutsɨ xepuwatewiyatsitɨaku mɨkɨ tixaɨtɨ memɨkatehexeiya, xewaxani'erietɨ mɨkɨ memɨyutixexeɨriwa Kakaɨyari hetsɨa miemete. ¿Keri netixetahɨawe? ¿'Aixɨa netiutaineni xehepaɨtsita? 'Ipaɨ kexemɨteyurie, matsi 'aixɨa nepɨka'utaineni xehepaɨtsita.

1 Kurinitutari 16:11

'Ayumieme xewitɨ pɨkaheitawe'erieka. Xekeneparewi nehetsɨa mɨta'anikɨ 'aixɨa 'anemekɨ, ne nekanikwewieka 'iwamarixi wahamatɨa.

Xumatari 14:10

¿'Ekɨri titayari petiniukima 'a'iwa? ¿'Ekɨtari, titayari petitawe'erie 'a'iwa? Tanaitɨ Kakaɨyari 'uwenieya hɨxie tekaniuti'uikuni.

Nɨ'ariekate 27:23

Tɨkarikɨ Kakaɨyari niukieya tuayame kaneyuhekɨata nehɨxie kemɨ'ane hetsie nemɨtiwiya meta nemɨti'uximayatsirie,

Nɨ'ariekate 12:23

'Ana yapauka Ti'aitame niukieya tuayame katinikwinitɨani, Kakaɨyari hepaɨtsita 'aixɨa mɨka'utainekaikɨ, hikɨ Herurexi 'utakwitsieka kaniumɨni.

Nɨ'ariekate 12:15

Mɨkɨ mɨpaɨ mekatenitahɨawe: —Yakɨ pekaniutaineni. Matsi mɨkɨ pehɨkɨ, mɨkɨ katiniwakɨhɨawekaitɨni. Mɨkɨta mɨpaɨ mekaniutiyuanekaitɨni: —Niuki tuayameya kaneyɨaneni.

Nɨ'ariekate 10:3

Hikɨ xeitukaritsie tau kɨa kakaiku heinɨtsi hepaɨ 'aneme kaniuxeiya. Kakaɨyari niukieya tuayame hepana 'amiekame kaniuxeiya, mɨpaɨ tikɨhɨaweme: —Kuxineriyu 'aku.

Nɨ'ariekate 5:19

Matsi tɨkarikɨ niuki tuayame Yawe hetsɨa mieme katsariyanata pɨreuyepiexɨa, pɨwaranuyewitɨ.

Nɨawari 17:15

Peru ne matsi heitseriekamekɨ 'ahɨxie nepumatsihexeiya. 'Ahɨxie kepauka nemanutaniere nematsihexeiyatsie mɨkɨkɨri ne'iyari 'aixɨa peyɨni.

Nɨawari 15:4

kemɨ'ane Kakaɨyari muwa'uxie mɨkawanaki'erie, peru mɨwanaki'erie Yawé memayemakaxe, mɨraye'atɨwa kemɨtayɨni tsepa tiuka'eniwatɨ,

1 Te'aitamete 22:19

Tawarita Mikahiyaxi mɨpaɨ kaniutayɨni: —Keneu'eni 'ekɨ Yawé niukieya: Yawé nepuxei yu'uwenitsie 'akaime 'auriena yunaitɨ kuyaxi muyuawitsie miemete mepɨti'ukai, tserietana meta 'utatana.

1 Timuteu 4:12

Xewitɨ pɨkamatsitawe'erieka temaikɨ 'akuxi pemɨhɨkɨkɨ. Matsi mɨkɨ yuri memɨte'erie mɨpaɨ memɨ'anenenikɨ 'inɨari kena'ayeitɨwani kepemɨtiutaniuka, kepemɨtiuyeika, kepemɨti'akanaki'erie, keyapemɨtikamie 'aniukikɨ meta kepemɨti'itiya.

1 Kurinitutari 9:22

Mɨkɨ memɨkatsetseɨye newakuxaxatɨwatɨ, nekatseɨyetɨ nepayuyeitɨwa, nemɨwata'inienikɨ mɨkɨ memɨkatsetseɨye. Yunaime newakuxaxatɨwatɨ, naime nekanayuyeitɨwani xɨka 'aku naimekɨ newatawikweitsitɨamɨkɨ hipame.

Xumatari 15:1

Kaneuyewekani tame temɨyɨwawemete teminewienikɨ titakɨ memɨkateyɨwawe mɨkɨ memɨwerarani. Taxaɨtame xeikɨa temɨnaki'akakɨ tepɨkayɨaka.

Xumatari 14:21

'Aixɨa pɨyɨnikeyu matsi xɨka wai pekakwa'anike xɨka winu peka'anuye'enike, xɨka tixaɨtɨ pekatiyurienenike kɨmana 'a'iwa matiwautsenikɨ mɨtiketamɨrekɨ mɨtaweranarekɨ.

Matsiɨkɨtɨ kemɨratɨa 8:2

Hikɨ niuki tuayamete 'atahutame Kakaɨyari hɨxie memɨti'u nekaniwaruxeiya, mɨkɨ kuxineta yuxexuitɨ mekaniuta'ɨitɨarieni.

Karatsiyatari 6:1

Peru ne'iwama, xɨka xewitɨ 'axatiuyurieme 'utaxeiyarieni, xeme 'axemu'uwa 'Iyaritsie xetewiyatɨ, xekeneheitseritɨaka kemɨ'ane mɨpaɨ mɨtiuyuri, tixaɨtɨ xekate'ayuyeitɨatɨ yu'iyaritsie. Matsi xeyukweriwayurietɨ, kapa xemeta xe'uta'inierienikɨ 'axaxemɨteyurienikɨ.

2 Kurinitutari 10:10

Mɨpaɨ pɨraniuwa: «Xapakɨ kemaine pahete pɨtɨrɨkawi, peru yuwaiyaritsie 'uwa 'uyeikatɨ pɨkayɨwe, yuniukitsie pɨxani'eriwa».

2 Kurinitutari 10:1

Hikɨ ne Papuru nekanixewawirieka, kemɨtiyukanaki'erie meta 'aixɨa kemɨtiuka'iyarikɨ Kɨritsitu, mɨpaɨ nepaine. Tahɨxie te'utinierekaku tixaɨtɨ nepɨkatihɨkɨ xeniu xehetsɨa ne'uyeikatɨ, 'ateewa ne'uyeikatɨ pɨta nepɨnewaɨriya kenemɨtixe'utahɨawe.

Rukaxi 10:16

»Kemɨ'ane mɨxe'enie, ne pɨnetsi'enie, kemɨ'ane mɨxexani'erie, ne pɨnetsixani'erie, kemɨ'ane ne mɨnetsixani'erie, kemɨ'ane mɨnetsiheyenɨ'a pɨxani'erie».

Mateu 12:20

Haka mutapɨnarie pɨka'anumura, meta pɨka'itɨni kɨxeme witayari mɨkwauniyake, 'atsita yatiyuriemeke mɨrayu'iwakɨ tita mɨtiheitserie.

Tsakariyaxi 13:7

Mɨpaɨ kanaineni Yawé Naimekɨmɨtɨrɨkaɨye: «'Ixipara, kenanukukexi, nemuxatsi wahɨweme kenaye'unietɨ, kenaye'unietɨ tewi 'aixɨa nemɨtimate. Muxatsi wahɨweme keneumi'a memɨtaxɨriexɨanikɨ muxatsi hikɨ neta muxatsi 'etsimemɨpepe nepɨtiwakwinitɨani».

Tsakariyaxi 4:10

Kepauka Tsuruwaweri xemɨxeiya tepɨa 'atukame ti'inɨnɨatame, 'anake mepuyukatemamawieni 'iya kemɨ'ane yuri memɨkate'i'eririekai 'etsiwa xeikɨa mɨtitsutɨakaitsie. 'Ikɨ 'atahuta Yawé hɨxiteya kanihɨkɨtɨni, naitsarie kwiepa mɨtaneniere».

'Etsitexi 1:14

'Ahurawa memuti'ukai mekanihɨkɨtɨkaitɨni: Kaxitsena, Tsetaxi, 'Arimata, Taritsi, Meretsi, Maritsena meta Memukani, 'atahutatɨ te'uximayatamete Peritsiya meta Meriya kiekatari mekanipitɨariekaitɨni ti'aitame hamatɨa memɨtekuxatanikɨ meta mɨkɨ meteni'uximayakaitɨni ti'aitame hetsiemieme waɨkawa mɨra'aitsietsie.

2 Tsamuheri 14:28

'Awitsaruni Kerutsareme 'ukaitɨ huta wiyari kaniuyurieni ti'aitame hɨxie kaheta'axetɨ.

Hepɨrayutsixi 9:24

Kɨritsitu Tuki Mɨpatsieta pɨkaheutaha mamakɨ mɨwewiyata, yuri tuki 'ɨkiyarita, mɨkɨ 'ɨkitsikayarita pɨkaheutaha, matsi muyuawitsie miemeta pɨta kaneutahani, hikɨ Kakaɨyari hɨxie kaniuyeikani, tahetsiemieme mɨtaniunikɨ.