Mateu 16:18 - Kakaɨyari Niukieya

¹⁸ Netsɨ mɨpaɨ nekamatinahɨaweni 'ekɨ Pekuru pekanihɨkɨtɨni, 'ikɨ tetetsie nepɨwatsutɨani memɨyutixexeɨriwani nehetsɨa miemete, meta mɨkɨ mepɨka'a'iwarieni tsepa memukwi'iwaxɨ.

Mateu 16:18 ပူးပေါင်းရင်းမြစ်များ

Kitsariyaxi 28:16

'Ayumieme Yawé naimekɨmɨyɨwe mɨpaɨ paine: «Ne Tsiyunitsie tete nepayeni 'inɨatsiekame, tete 'uta'etsikiname witsi'aneme tenaritsie miemetɨme, kemɨ'ane hetsiena mɨtiwiyani 'aixɨa 'iyari puyeikani.

Kurutsetari 1:18

Mɨkɨ kanitamu'utɨni, tewi waiyarieya hepaɨ te'anenekaku, tame temɨtatixexeɨriwa. Titsutɨwame hɨkɨtɨtɨ, mɨkɨ mɨkite memanuku'uni wamexɨakame kanihɨkɨtɨni, naimekɨ mexɨakame mayanikɨ.

Wani 1:42

Ketsutsi hetsɨa kaneiwitɨni, Ketsutsi 'ixeiyaka mɨpaɨ kaniutayɨni: —'Ekɨ Tsimuni pekanihɨkɨtɨni, Wani pemɨnu'aya. Tsepaxi pepɨtiterɨwarieni (taniukikɨ Pekuru Tete manuyɨne).

Hepɨrayutsixi 12:28

'Ayumieme pamɨpariyutsi teke'ipitɨaka mɨkatayuitɨarieni tati'aitɨwame temupitɨariekɨ, hakewa mɨre'aita mɨkɨ, mana pɨkatayuitɨarieni, mɨpaɨ tekete'uximayaka Kakaɨyari hetsiemieme pamɨpariyutsi te'ipitɨatɨ. 'Aixɨa 'anemekɨ kemɨtinake, teheyexeiyatɨ meta teheyemakatɨ.

Nɨ'ariekate 2:47

Kakaɨyari hepaɨtsita 'aixɨa meputiyuanekai meta yunaitɨ teɨteri 'aixɨa mepɨteku'eriwakai wahepaɨtsita. Tukarikɨ Ti'aitame waxewiriyatɨ mɨkɨ pɨwaxeɨriekai memɨtawikweitsitɨariwakai.

1 Timuteu 3:15

mexɨka nekahenuaweni, ketinemaika kemɨreuyewetse kehepaɨ mɨtiuyeikani Kakaɨyari kie kiekatari watsata, mɨkɨ mekanihɨkɨtɨni memɨyutixexeɨriwa Kakaɨyari mayeniere hetsɨa miemete, muka'utɨka meta tsutɨmeyari tita yuri mɨraine.

Kitsariyaxi 54:17

Tsepa tepɨa matsimemiwame 'ahetsiemieme mutawewiya yapɨkatiyurieni, kemɨ'ane mɨmatsixanetani mɨkɨ tenieyatsie pepuwiere. 'Ikɨ kanihɨkɨtɨni te'uximayatamete memɨte'ukuhayewiyarie, tita mɨtiheitserie nehetsie mɨyetɨa ―Yawé mɨpaɨ kanaineni―.

'Epetsutari 5:32

'Ikɨ niuki matsi kanitɨrɨkaɨyeni, tsepa mɨ'awietsiekai, Kɨritsitu hetsiemieme memɨyutixexeɨriwa wahepaɨtsita nepaine.

'Epetsutari 3:10

matsiɨkɨtɨ mayanikɨ hikɨ, memɨyutixexeɨriwa yametehekɨatakaku, mɨkɨ muyuawitsie memɨte'aita heitserie memexeiya yamemɨtehetimanikɨ, mɨiremekɨ kemɨtimaiwe Kakaɨyari, tahetsie yatimatsiɨkɨkaku.

Temaiwawemete 24:7

Xewitɨ tewi 'axamutiyuriene yutemawietɨ hatsuaku timaiwetɨ pɨka'ayani, meta teɨteri wahɨxie 'aixɨa mɨtayɨni pɨkayɨwe.

Kuwi 38:17

¿Mɨki kitenie petiuxeiyatsitɨarie? ¿Waɨkawa muyeyɨwi kitenie petiuxei?

Matsiɨkɨtɨ kemɨratɨa 21:14

Kiekari tetsariyayari tamamata heimana hutame tsutɨmeyari kanexeiyakaitɨni, xexuimetsie kememɨtetetewa tamamata heimana huta nɨ'ariekate Muxa hetsiemieme mekana'utɨkateitɨni.

Nɨ'ariekate 8:1

Hikɨ Tsauru 'iyarieya 'aixɨa pɨ'anekai 'Etsitewani mumieriekɨ. Hikɨ 'ana Kerutsaremetsie memɨyutixexeɨriwakai waɨkawamekɨ mekaneutaweiyariexɨani memu'uximatɨariekaikɨ, yunaitɨ mekaneutayeixɨani naitsarie kiekari mukumanetsie Kureyatsie meta Tsamariyatsie, nɨ'ariekate xeikɨa mekaniuyuhayewa.

Nɨawari 9:13

Yawé, kenenenenimayaka, keneneuxeiya kememɨnete'uximatɨa memɨnetsiheka. Mɨki teukiyapa kenenatihani,

1 Timuteu 3:5

kemɨ'ane 'atsimɨkatimate yukie kiekatari mɨtiwa'aitɨakakɨ, ¿keri tiwa'ɨwiyani memɨyutixexeɨriwa Kakaɨyari hetsɨa miemete?

Karatsiyatari 2:9

Mɨpaɨ metemaitɨ kenemɨtiumikiwa Kakaɨyari 'aixɨa tiuka'iyarikaku, Kakuwu, Tsepaxi meta Wani, memɨtetuika mekanihɨkɨtɨkaitɨni, mɨkɨ tahetsie meputimei ne meta Werunawe, tepɨtaxewini me'utiyuatɨ, xeme nuiwarite memɨkahuriyutsixi wahetsɨa xemɨyehukɨ, tameri huriyutsixi memɨxitekie wahetsɨa temɨyehukɨta me'utiyuatɨ,

Mateu 18:17

Xɨka mɨkɨ kawaru'enieni, yaketiniwarutahɨawi memɨyutixexeɨriwa, mexɨka kawaru'enieni memɨyutixexeɨriwa, kemɨ'ane tanuiwaritsie mɨkamieme hepaɨ ketineuxeiya yatɨni tiyukwamaname hepaɨ.

Mateu 11:23

Xemeta Kaperunaumetari, ¿muyuawitsie paitɨ xe'anuwitɨkienike xeteyu'erie? Hawaikɨ, mɨkite wahetsɨa xepeukaxɨriyani pɨta. Xɨka Tsurumatsie mariwemekɨ tiuyɨnike kemɨtiuyɨ xehetsɨa, mɨkɨ kiekari 'apukumakakeyu 'akuxi hikɨ.

Mateu 10:2

'Ikɨ nɨ'ariekate tamamata heimana huta mɨpaɨ mekatenitetewaka: Tsimuni meri Pekuru mɨtitewakai, meta 'iwaya 'Atɨrexi, Kakuwu meta 'iwaya Wani, mɨkɨ Tsewereu memɨniwemamatɨkai,

Nɨawari 69:12

Kitenie memutayaxike nehepaɨtsita niuki mekanixɨatɨaka, memɨtarɨwe 'axa'anemekɨ mekaneniutakwikani.

Tsutɨarika 22:17

'Aixɨa nepɨmatsiyurieni waɨkawamekɨ, 'anuiwarima yɨmɨireme nepuwarayeitɨani xurawetsixi muyuawitsie memɨtama wahepaɨ meta xiekari haramara tetsita mɨtika hepaɨ. Meta 'anuiwarima mepɨte'ayu'iwani kemɨ'ane memɨwaraye'unie wakiekarite mepɨwanawairieni.

Matsiɨkɨtɨ kemɨratɨa 11:15

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

1 Kurinitutari 15:55

«¿Hakewa 'aku pepɨrayu'iwa, 'ekɨ pemɨtatsikwikai? ¿Hakewa 'aku pepɨtatsihetseni, 'ekɨ pemɨtatsikwikai?»

Kitsariyaxi 38:10

«Ne mɨpaɨ neputainekai: “'Ari kauka mɨki teukiyata nenikayune, kaukari tukari nekahexeiyatɨ nenayani”.

Kitsariyaxi 28:6

Mɨkɨ 'iyari pupitɨani heitseriemekɨ yamɨtiyurienenikɨ kemɨ'ane mɨtita'aita, meta kuyaxi pɨwapitɨani memuyuwaɨriyanikɨ kiekaritsie mɨranutahakitɨretsie memɨtetahɨkakɨ.

Nɨawari 107:18

Naitɨ 'ikwaite pɨkawanakekai me'ixeiyatɨ meputihewakai, 'etsiwatɨkaku mekaniukwikaitɨni.

2 Tsamuheri 18:4

Ti'aitame mɨpaɨ kaniutayɨni: —'Aixɨa kani'aneni, xehepaɨtsita kehepaɨ 'aixɨa mɨ'ane mɨpaɨ ne nekatinikayeimɨkɨ. Mɨpaɨ 'utayɨka, kiekari kitenie 'aurie kaniutikeni, mexi kuyaximama me'anuyekɨkakai xeitsienituyaritsixi meta xeimiriyaritsixi.

Nɨawari 127:5

'Aixɨa xepɨ'itɨarie kemɨ'ane 'ɨrɨ 'uitɨwameta xemihɨniya mɨkɨ 'ɨrɨ 'aixɨa mɨ'anenekɨ. Mɨkɨkɨ hatsuaku mepɨkatewiyatsitɨarieni memɨwaraye'unie wahɨxie kepauka memɨtaxanetsieni yemekɨ 'itsɨkate wahɨxie.

Nɨawari 129:2

yumɨiretɨ mepɨnetsi'uhiweritɨa temaikɨyaritsie paitɨtɨ, peru yemekɨ mepɨkanetsiha'iwawe.

Kunatsi 2:6

nepukurupirɨmekai hɨri muyu'utɨkatsie hata paitɨ. Neheyemekɨ neheyame nepɨne'eriekai, nemanuani nepɨkaheyɨwekai. Yawé nekakaɨyari, peru 'ekɨ netukari peputawikweitsitɨa.

Mateu 4:18

Kepauka harakuna tetsita muyemiekai Karereya kwieyaritsie, kaniwaruxeiya yuhutame yu'iwamakame: xewitɨ Tsimuni Pekuru mɨtitewakai, meta 'Atɨrexi. Mana wipikɨ mekateniwiwietɨwekaitɨni harakunatsie, mɨkɨ memɨketsɨweiyametetɨkaikɨ.

Mateu 7:24

»'Ayumieme, kemɨ'ane mi'enie 'ikɨ neniuki kenemutayɨ, meta yamɨtikatɨa mɨkɨ tewi mɨtimaiwepaɨ kani'aneni, mɨkɨ kaniyutakitɨani tetetsie.

Nɨ'ariekate 20:28

Xekeneyukweriwayurieka xeme, xekeniwakweriwayurieka mɨkɨta muxatsi wakɨmana 'Iyari Mɨtiyupata xehɨritɨariekame mɨxe'ayeitɨa, xemɨwa'ɨwiyanikɨ mɨkɨ yunaime Ti'aitame hetsɨa miemete memɨyutixexeɨriwa, mɨkɨ mɨwarunanai yuxuriyakɨ.