Mateu 15:4 - Kakaɨyari Niukieya

⁴ Kakaɨyari mɨpaɨ katiniuta'aita: “Yaketinekamieni kememaitɨka 'apaapa meta 'amaama”, metatsiere: “Kemɨ'ane 'axamutaineni yupaapa meta yumaama wahepaɨtsita, ke'umierieni”.

Mateu 15:4 ပူးပေါင်းရင်းမြစ်များ

Memeyekɨ 20:12

»Keniwareu'enieka 'apaapa meta 'amaama, mɨpaɨ petiyurienetɨ 'apepɨreutere kwiepa Yawé 'akakaɨyari mɨmatsipitɨa.

Mawari 20:9

»Xɨka xewitɨ yupaapa 'axatiutahɨawe meta yumaama, mɨkɨ ke'umierieni: yupaapa yumaama hepaɨtsita 'axamutayɨkɨ, mɨkɨ mɨmierienikɨ hetsiena pɨtinakeni.

Memeyekɨ 21:17

»Kemɨ'ane yupaapa yatɨni yumaama yuniukikɨ 'axa'aneme 'ipitɨani, mɨkɨ ke'umierieni.

Hutarieka 'inɨari 5:16

»Yaketinekamieni 'apaapa 'amaama kememaitɨka, yaxeikɨa Yawé 'akakaɨyari kemɨmati'aitɨa, mɨpaɨ petiyurienetɨ 'apepɨreutere 'ena kwiepa Yawé 'akakaɨyari mɨmatsiyetuirie.

Temaiwawemete 23:22

Kene'enieka 'apaapa mumatsi'ayexei, 'amaama pepɨka'uxieka kepauka waɨkawa mɨtseɨyeni yuwaiyaritsie.

Mawari 19:3

»Xeme yunaitɨ yumaamama meta yupaapama xeketeniwareuyehɨwirieka. 'Uxipiya tukari xekena'eriwani ne Yawé xekakaɨyari nekanihɨkɨtɨni.

Mateu 19:19

keniwareu'enieka meta keniwa'ɨwiyani 'apaapa meta 'amaama”, meta “'ahepaɨ tewi kenenaki'erieka kepemɨti'anaki'erie 'ekɨ”.

'Epetsutari 6:1

Tɨɨri xekeniwa'enieka yupaapama Ti'aitame hetsie xetewiyatɨ, mɨpaɨ xɨka xeteyurieka pɨheitserie.

Temaiwawemete 20:20

Kemɨ'ane yupaapa yumaama wahepaɨtsita 'axamutaine, mɨkɨ kanimɨmɨkɨ yemekɨ yɨwipa kaniyuhayewakɨ.

Hutarieka 'inɨari 27:16

“'Axake'u'itɨarieni kemɨ'ane yupaapa yatɨni yumaama mɨkawa'enieni”. Yunaitɨ teɨteri mɨpaɨ meke'utiyuani: “'Aixɨa pɨ'ane”.

Xumatari 3:31

'Ayumieme nepaine, ¿Tixaɨtɨ katihɨkɨtɨme tetehayeitɨa 'inɨari niukiyari xɨka yuri tete'erieka? Pɨkatixaɨtsietɨ. Tepitseiriya pɨta 'inɨari niukiyari.

Temaiwawemete 30:17

»Kemɨ'ane yupaapa mɨka'enie, meta yumaama mɨkaheu'enie, kwatsari mana mayeweritsie memu'uwa hɨxiteya meke'utikwani, meta maraikatsixi 'ayeniereme waiyarieya meke'utakwani.

Mateu 4:10

Hikɨ Ketsutsi mɨpaɨ katinitahɨawe: ―Kenemie Kauyumarie. 'Utɨarika mɨpaɨ kanaineni: “Ti'aitame mɨ'akakaɨyari xeikɨa kenayexeiyani”.

Kitsariyaxi 8:20

ne mɨpaɨ nekatinixehahɨaweni: «'Inɨari niukiyari meta kepemɨtiwatahekɨatɨanikɨ mɨ'ayumiemetsie xeketenewiyani». Kemɨ'ane mɨkɨtsie tiwiyatɨ mɨtihayewa, 'uxa'atɨni pɨkakahekɨariwiyarieni.

Mateu 15:3

Ketsutsi mɨpaɨ katiniwaruta'eiya: —¿Titayarita xeme yaxekateyurie Kakaɨyari kemɨti'aita, yuyeiyaritsie xetewiyatɨ?

Mateu 15:5

Xemeta, 'apɨta, mɨpaɨ xekateni'ɨkitani kename xewitɨ yɨwe mɨpaɨ mɨtitahɨawe yupaapa yatɨni yumaama: “Nepɨkayɨwe nemɨmatsi'uparewieni, naime nemɨrexeiya Kakaɨyari nemɨtiyetuirikɨri”.