Mateu 15:10 - Kakaɨyari Niukieya

¹⁰ Merikɨtsɨ Ketsutsi yu'aurie waruta'inieka teɨteri, mɨpaɨ katiniwarutahɨawe: —Xekeneu'enana meta xeketenemaiwaweni.

Mateu 15:10 ပူးပေါင်းရင်းမြစ်များ

Kurutsetari 1:9

Yatetehetimaika 'anapaitɨ hikɨke, tame 'ayumieme tepɨkatehayewa tetanenewietɨ xehetsiemieme, mɨpaɨ tete'iwawirietɨ Kakaɨyari, xemɨhɨpɨnenikɨ yaxetemaitɨ tita mɨtinake Kakaɨyari, naimekɨ xetemaiwawetɨ, 'Iyaritsie timieme xetemaitɨ naimekɨ,

Rukaxi 24:45

'Ana wa'iyari kaniwatiyepieni memeitimanikɨ tita 'utɨarika xapayari mɨtixatakai.

'Epetsutari 1:17

mɨpaɨ netinenenewietɨ, Tati'aitɨwame Ketsutsi Kɨritsitu Kakaɨyarieya, ta'ukiyari witsimɨ'ane, mɨpaɨ ketixepitɨaka yu'iyaritsie xemɨtemaiwawenikɨ, naitɨ mɨtimatsiɨkɨnikɨ xehetsiemieme xe'imaikaku.

Mateu 24:15

»Hikɨ kepauka xemixeiya muyepatsietsie “'axamɨti'ane mɨkatipatsie mawariyari”, Kakaɨyari niukameya Tanieri kemutayɨ (titerɨwame ketimaiweni tita mɨtixata),

Mateu 13:19

Kemɨ'ane mi'eni 'ikɨ niuki Kakaɨyari mɨra'aitatsie mieme, peru 'atsimɨkaretimaiwe, 'axamɨ'ane nuame pinawairieni tita 'iyarieyatsie mɨtiuka'iwiya. Mɨpaɨ kani'itɨarieka huye tetsita muka'iwiya.

Kitsariyaxi 55:3

Kayuwatɨ xekeneneu'eni, nehetsɨa xekeneu'axɨa, xekeneneu'eni, 'axekaniu'uwakuni. Xehamatɨa tɨratu nepɨwewieni yuheyemekɨ mieme, Rawiri nemɨnaki'eriekɨ.

Kitsariyaxi 6:9

Mɨkɨ mɨpaɨ kaniutayɨni: ―Kenemie mɨkɨ teɨteri mɨpaɨ ketiniwaretahɨawi: »“Tsepa kwi xemɨta'enana matsi xepɨkaheti'enatɨkɨne, tsepa kwi xemɨtaneniere matsi tixaɨtɨ xepɨkatexeiya”.

1 Te'aitamete 22:28

Peru Mikahiyaxi mɨpaɨ kaniutayɨni: —Xɨka 'ekɨ pehakunuani 'aixɨa pereu'erietɨ, mɨpaɨ pɨtimatsiɨkɨni kename Yawé kanetiutaxatɨa. Xeme xeyunaitɨ xepɨkatehatɨtɨmaiyani tinaime kenemutayɨ.

Tsatiyaku 1:5

Mexɨka xeme xewitɨ mɨtimaiwenikɨ reiyehɨaka, Kakaɨyari ke'utawawirieni, mɨkɨ katinayetuiriemɨkɨ, matsi Kakaɨyari yunaime katiniwamikwani 'aixɨa 'anekamekɨ nixeime tɨma 'axakatixeiyatɨ.

Mateu 15:9

Yakɨ xeikɨa mekanenayexeiyani, tita memɨte'ɨkita teɨteri wa'aitsika xeikɨa pɨhɨkɨ”».

Mateu 15:11

Tita ka'itiyakame tewi mɨrayeitɨwa, tetana mɨranukayeikakɨ mɨkɨkɨ 'axapɨka'itɨarieni. Matsi tita tetana mɨratineikakɨ, mɨkɨkɨ pɨta ka'itiyatɨ payeika.