Mateu 13:14 - Kakaɨyari Niukieya

¹⁴ Wahetsie paye'atɨarie Kakaɨyari niukameya Kitsariyaxi kemutayɨ: »“Tsepa kwi xemɨta'enana, peru xepɨkaheitimaitɨkɨkani, tsepa kwi xemɨtaneniere, peru tixaɨtɨ xepɨkatexeiya.

Mateu 13:14 ပူးပေါင်းရင်းမြစ်များ

'Etsekieri 12:2

«Tewi pemunu'aya, teɨteri memɨkayukɨhɨawe wahamatɨa pekaniuyeikani. Mekaniuhɨxini memeunenierenikɨ, peru mekapeuneniere, mepunaka memeu'enanakakɨ, peru mepɨkaheu'enana. Teɨteri memɨ'iyari tsetse'i mepɨhɨkɨ.

2 Kurinitutari 3:14

Mɨkɨ teɨteri me'u'itutupetɨ mekanakɨne kememɨteyu'iyaritɨakai. Hikɨke yaxeikɨa mɨkɨkɨ 'ixurikikɨ heuyukunatɨ kaniyuhayewa kepauka mutiterɨwarɨwa tɨratu meripaitɨ mieme xapayari. Pɨkaheukuyepiwa, Kɨritsitu hetsie tiwiyakaku xeikɨa pɨka'unarɨwa.

Rukaxi 8:10

Mɨpaɨ kaniutayɨni: «Xeme xekanipitɨarieka xemimaikakɨ tita mɨtiuti'awietsiekai, xemɨtemaikakɨ Kakaɨyari mɨra'aitatsie timieme, hipatɨ pɨta 'ɨxatsikɨ xeikɨa mekanipitɨarieka, »“para meheunenieretɨ memɨka'ixeiyakɨ, meheu'enanatɨ, memɨka'i'enienikɨ”.

Marikuxi 4:12

para »“memɨka'ixeiyakɨ, tsepa yemekɨ memɨtanenierenike, para 'atsimemɨkatehetimanikɨ, tsepa yemekɨ memɨ'enanakake, kapa mete'uhayewame kememɨteyuriekai Kakaɨyari hetsie mete'uwiyakɨ, meta kapa meteheuyehɨwiyarienikɨ”».

Hutarieka 'inɨari 29:4

Peru 'anapaitɨtɨ meta hikɨ Yawé xemeuta'iyaritawawenikɨ pɨkaxepitɨawe xemeti'enatɨkɨkanikɨ, meta hɨxite xemeunenierenikɨ, meta nakate xemeu'enanakakɨ.

Keremiyaxi 5:21

'Ikɨ ketineu'eni, kiekari pemɨka'uka'iyari meta pemɨka'awaɨriya yapemɨtikamienikɨ, hɨxi pehexeiyatɨ peru pemɨkaheuniere, naka pehexeiyatɨ peru pemɨkaheu'ena».

Xumatari 10:16

Matsi yunaitɨ yamepɨkatekakɨ niuki 'aixɨa manuyɨne kemaine. Kitsariyaxi mɨpaɨ paine: «Ti'aitame, ¿kepaikɨ yuri pɨtita'eriri tita mɨtiu'eni yatetekuxatakaku tame?»