Mateu 12:7 - Kakaɨyari Niukieya

⁷ Xɨka xeme xe'imaikake 'ikɨ niuki mɨpaɨ manuyɨne: “Ne nepɨxewawirie xeketeneuyukanenimayaka, nepɨkaxewawirie mawari”. Xɨka xeheiti'enietɨkɨkanike, mɨkɨ 'atsimemɨkate'uyuri wahetsie xepɨkate'uhɨpanikeyu.

Mateu 12:7 ပူးပေါင်းရင်းမြစ်များ

'Utseyaxi 6:6

Ne naki'eriya nepɨxewawirie, mawarika pɨkatixaɨ, matsi Kakaɨyari pɨta xekene'enieka mawari taiyariyari pɨkatixaɨ.

Mateu 9:13

Peuyewetse 'akuxi yaxemɨtehetimanikɨ kemaine mɨkɨ niuki mɨpaɨ manuyɨne: “Ne nepɨxewawirie xeketeneuyukanenimayaka, nepɨkaxewawirie mawari”. Ne nepɨkanua newata'inienike mɨkɨ heitseriemekɨ yamemɨtekahu, mɨkɨ 'axamemɨteyurie pɨta newata'inienike nekaninuani.

Temaiwawemete 17:15

Yawé 'ikɨ hutame pu'uxiwe'erie: hetsiena mɨrahɨiwa xɨka 'uxɨnarieni 'aixɨa pɨka'ane hetsiena mɨkarahɨiwa pɨta xɨka 'anutahɨiyani.

Nɨ'ariekate 13:27

Kerutsareme memɨtama meta wakuwexinarurima Ketsutsi mepɨkahetima, 'ayumieme mepɨkaheye'atɨa Kakaɨyari niukametemama waniuki 'uxipiya tukaritsie mutiterɨwarɨwakai, matsi mepeye'atɨa mɨkɨ niuki me'enutahɨatɨ.

Mateu 22:29

Ketsutsi mɨpaɨ katiniwaruta'eiya: —Xeme xepeuyexɨri xemɨka'imatekɨ 'utɨarika xapayari kemaine meta Kakaɨyari kemɨtitɨrɨkaɨye.

Nɨawari 94:21

'aixɨa memɨte'u'iyari wahetsiemieme niuki 'axa'aneme memɨwewie, meta memuwakuya 'atsimemɨkate'u'iyari.

Tsatiyaku 5:6

Xepɨwaxanetakai meta xepɨwakwikai kemɨ'ane heitseriemekɨ memu'uwakai, mɨkɨ mepɨkayɨwawekai yuhetsie memɨtanuanikɨ.

Nɨawari 109:31

Mɨkɨ haweri memɨyɨa mɨwawikweitsitɨwame, hetsiena waɨkawa rahɨiwakaku mierieximekaku.

Kuwi 32:3

Yaxeikɨata hamikumama memuyuhaika wahepaɨtsita kaniuyeha'ani memɨka'ɨyɨwekaxɨakɨ Kuwi memɨta'eiyakɨ meta hetsiena memɨte'ɨhɨakɨ.

1 Tsamuheri 15:22

Tsamuheri mɨpaɨ katinita'eiya: «¿Tita matsi Yawé tinake: mawari taiyariyari meta hipame 'imikierite, nutsu 'aitsikaya kemaine yatepɨtekahuni? Matsi peuyewetse temi'enieka, keyuri mawari, yatemɨteyurieka peuyewetse, wai wiya matɨa pɨkaheuyewetse.

Marikuxi 12:33

Xɨka tewi 'inaki'erieka naime yu'iyarikɨ, naime kemɨtiyumatekɨ naime yutɨrɨkariyakɨ, xɨka yuhepaɨ tewi naki'erieka kemɨtiyunaki'erie hepaɨ, matsi mɨpaɨ 'aixɨa kani'aneni, keyuri mawari taiyariyari meta hipame mawarika.

Kutsuhexi 5:5

Mɨkɨ yunaitɨ xitekiya mepexeiyakai, peru me'ayekɨneka 'Ekipitu makumawetsie me'uhukaku memutinunuiwaxɨ mɨkɨ xitekiya mepɨkahexeiyakai.