Mateu 12:30 - Kakaɨyari Niukieya

³⁰ »Kemɨ'ane nehetsie mɨkatiwiya, mɨkɨ pɨnetsi'aye'unie, kemɨ'ane nehamatɨa mɨkatiukuxexeɨriwa, mɨkɨ pitaxɨrɨwa.

Mateu 12:30 ပူးပေါင်းရင်းမြစ်များ

Marikuxi 9:40

Kemɨ'ane mɨkatatsi'aye'unie, tahetsie katiniwiyani.

Rukaxi 11:23

»Kemɨ'ane nehetsie mɨkatiwiya, mɨkɨ pɨnetsi'aye'unie, kemɨ'ane nehamatɨa mɨkatiukuxexeɨriwa, mɨkɨ pitaxɨrɨwa.

Rukaxi 9:50

Ketsutsi mɨpaɨ katinitahɨawe: —Xepɨkahe'imaiyani, xɨka katatsi'aye'unieka kataniparewieka.

Mateu 6:24

»Tewi pɨkayɨwe yuhutame yukutsiyarima wahetsie tiwiyatɨ mɨti'uximayaka. Ni'uxiwe'eriekamɨkɨ xeime 'inaki'erietɨ xeime, yatɨni matsi xeime waɨkawa ninaki'eriekamɨkɨ xeime xani'erietɨ. Pɨkayɨwe xemɨte'uximayaka Kakaɨyari hetsie xetewiyatɨ meta yupiinitɨarikatsie xetewiyatɨ.

Kutsuhexi 24:15

Peru xɨka xehetsiemieme 'axa'aneni Yawé mɨti'uximayatsirieka, xekeniwaranayexeiya kemɨ'ane xemɨwarayexeiyani, xetutsima memɨwarayexeiyakai 'Eupɨrate 'anutaɨye, yatɨni kakaɨyarixi 'amuxeutsixi memɨwarayexeiya, hikɨ 'ena wakwietsie xemanu'uwa. Tametsɨ, netɨɨriyama meta ne Yawé tepayexeiyani».

1 Wani 2:19

Tatsata mepayekɨ, matsiri tahetsɨa mepɨkamiemetetɨkai, xɨka tahetsɨa memiemetetɨnike, tahamatɨa mepuyuhayewakeyu. Mekanayekɨnetsɨari memɨmatsiɨkɨnikɨ tahetsɨa memɨkamiemetekɨ.

Kutsuhexi 5:13

Merikɨtsɨ Kutsuhexi Keriku 'aurie kaniukateitɨni, kepauka manukunierixɨ xeime tewi kaniuxeiya hɨxiena 'uweme, 'ixipara heukwekame. Kutsuhexi 'ahurawa kaniuyani kanita'iwawiya: ―¿'Ekɨ petihɨkɨ tahetsɨamieme, nutsutɨ pemɨtatsi'aye'unie pepɨyɨane?

Tsutɨarika 49:10

Kura xewitɨ pɨka'inawairieni ti'aitame 'itsɨya, nuiwarimama yuheyemekɨ mepɨteta'aita. Kepaukake munuani yurikɨ ti'aitame, 'aixɨa mɨtiuka'iyari meuyewetse hɨxiena yamemɨtekahunikɨ kwiepa memɨtama.

Wani 11:52

Mɨkɨ wateɨterima wahetsiemieme xeikɨa pɨkamɨnikekai, matsi pɨmɨnikekai mɨwakuxeɨrienikɨ Kakaɨyari niwemama memeutaxɨriexɨa memɨyutaxewirekɨ.

'Utseyaxi 1:11

Kura teɨterimama meta 'Ixaheri teɨterimama wahamatɨa mekaniyutaxewirikuni, xeime xeikɨa ti'aitame mehexeiyatɨ mepakɨne yukiekaritsie, 'ana Ketsireri mariwetɨ kanayeimɨkɨ.

Temaiwawemete 11:24

Kemɨtiwamikwa waɨkawa yutemawietɨ, mɨkɨ waɨkawa matsi pɨtipitɨarieni, matsi hipatɨ kememɨte'apitɨkakɨ xɨka mɨpaɨ mekate'uyutuani matsi kwinimieme haweri me'anenetɨ mepakɨne.

Mateu 12:29

»Xɨka xewitɨ tinawamɨkɨni tewi mɨtɨrɨkaɨye tita yukiita mɨrexeiya, mɨkɨ tewi katiuhɨani meri, 'anake kaniyɨwemɨkɨ piiniteya naime mɨtiunawani.

Nɨawari 94:16

Xewitɨ pɨkanetsi'uparewi kepauka Kakaɨyari memɨka'ayexeiya memɨnetsi'utamitsie. Nixewitɨ nehetsie nuatɨ 'axateyuruwamete pɨkawaraye'uniekai.