Mateu 12:18 - Kakaɨyari Niukieya

¹⁸ «'Ikɨ neti'uximayatsiriwame kanihɨkɨtɨni, nemenayexei, neminaki'erie, hetsiena mieme nepɨnaki'a ne'iyaritsie, nekanipitɨamɨkɨ Ne'iyari, hikɨ nuiwarite katiniwataxatɨamɨkɨ tita mɨtiheitserie hepaɨtsita.

Mateu 12:18 ပူးပေါင်းရင်းမြစ်များ

Kitsariyaxi 42:1

»'Ikɨ neti'uximayatsiriwame kanihɨkɨtɨni, nemiparewie, nemenayexei, hetsiena mieme nemɨnetemawie, ne'iyari hetsiena nekaniupitɨani, kemɨtiheitserie nuiwarite watsata yakatiniyurimɨkɨ.

Rukaxi 4:18

«Ti'aitame 'Iyarieya kaneniuwiya, Kaneniuhɨritɨani niuki 'aixɨa manuyɨne nemɨwakuxaxatɨwanikɨ tixaɨtɨ memɨkateheuxeiya. Kaneneyenɨ'ani nemɨwaranayexɨrienikɨ mɨkɨ memɨyuhiwerie yu'iyaritsie, yanemɨtiwatahɨawekɨ mɨkɨ memanutaxɨriya kename me'utixɨnarie, meta yanemɨtiwatahɨawekɨ mɨkɨ memakɨkɨpe kename me'anutaneniere, nemɨwaxɨnakɨ mɨkɨ memɨwiyarietɨka,

Nɨ'ariekate 10:38

Ketsutsi natsaretitanaka kanihɨkɨtɨni, kemɨ'ane Kakaɨyari mikawiri 'Iyari Mɨtiyupata meta 'itɨrɨkariyatɨ. Mɨkɨ 'aniuyeikakaitɨni 'aixɨa tiyurienetɨ, yunaime Kauyumarie mɨwa'uximatɨakai 'aixɨa meteheu'eriekame kaniwarayeitɨwakaitɨni, Kakaɨyari hamatɨana muyeikakaikɨ.

Wani 3:34

Kemɨ'ane Kakaɨyari meiyenɨ'a, mɨkɨ Kakaɨyari niukieyakɨ katinikuxatani, Kakaɨyari kanipitɨani yu'iyari, kemɨreupaɨme kati'inɨatatɨ.

1 Pekuru 2:4

Kɨritsitu tete mayeniere kanihɨkɨtɨni, teɨteri memitixani'eri, peru Kakaɨyari kanenayexeiya. Mariwemekɨ 'aixɨa mɨtixeiyarienikɨ. Kepauka hetsɨana xemɨye'axe

Kitsariyaxi 52:13

Neuxei, neti'uximayatsiriwame pɨra'iwa, 'aixɨa pɨtitamatiwa, mariweme payeitɨarieni 'aheutitewametsie payerieni.

Kitsariyaxi 11:2

Yawé 'Iyarieya mɨkɨ hetsie kanika'uxipiemɨkɨ: 'iyari mɨtimaiwenikɨ meta meti'enatɨyeikanikɨ, 'iyari 'ɨxatsi mexeiya meta tɨrɨkariya, 'iyari waɨkawa mɨrakumate meta Yawé mayemakaxe.

2 Pekuru 1:17

Kepauka Kakaɨyari mɨta'ukiyari mariweme mɨxatakai, witsi'aneme mayeitɨa, kepauka xewitɨ mutaniu witsi'anemetsie mariwemetsie 'ayewetɨ mɨpaɨ 'utaitɨ hetsiena mieme: «'Ikɨ neniwe kanihɨkɨtɨni neminaki'erie, mɨkɨkɨ waɨkawa nekaniyutemawieka».

Kurutsetari 1:13

Kataniutawikweitsitɨani Kakaɨyari, yɨriya heitserie mɨkahexeiyanikɨ tahepaɨtsita. Kataniupata, kemɨ'ane mɨnaki'erie tati'aitɨwame mayanikɨ, nu'ayatɨtɨ.

Kurutsetari 1:1

Ne Papuru, ta'iwa Timuteu matɨa, tekanixewaɨritɨaka, nɨ'ariekame nekanihɨkɨtɨni Kɨritsitu Ketsutsi hetsiemieme, mɨpaɨ mɨtinakekɨ Kakaɨyari,

'Epetsutari 1:6

Kataniupitɨani 'aixɨa temutiyuanenikɨ hepaɨtsitana, witsikemɨtatimikwa. Mɨpaɨ pɨtatiumi, kemɨ'ane mɨnaki'eriwatsie temɨtewiyakɨ.

Nɨ'ariekate 14:27

Me'u'axɨaka mekaniwarukuxeɨrieni memɨyutixexeɨriwa. Mekateniwarutaxatɨani kehepaɨ mɨreyuriekai Kakaɨyari wahamatɨa 'uyeikatɨ, mɨpaɨta yuri mekateneta'erieni nuiwarite memɨkahuriyutsixi.

Nɨ'ariekate 11:18

Hikɨ 'ikɨ me'u'enieka, kayuwatɨ mekaniutamare, 'aixɨa mekaniutiyuanekaitɨni Kakaɨyari hepaɨtsita mɨpaɨ me'utiyuatɨ: —Mɨkɨta Kakaɨyari katiniwarupitɨani memɨkahuriyutsixi memɨtehayewanikɨ kememɨteyuriekai matsi tukari memexeiyanikɨ.

Rukaxi 23:35

Teɨteri mana mekaniti'ukaitɨni metanenieretɨ, 'itsɨkate mekanitawe'eriekaitɨni mɨpaɨ me'utiyuatɨ: —Hipame waniu kaniwatawikweitsitɨwakaitɨni, yɨkɨmana keyutawikweitsitɨani xɨka 'aku Kɨritsitu hɨkɨtɨni Kakaɨyari hetsɨa mieme, kemɨ'ane manayexeiyarie.

Rukaxi 9:35

Hikɨ haiwitɨritsata xewitɨ mɨpaɨ kanetayɨni: «'Ikɨ kanineniwetɨni, nemenayexei, xekene'enieka».

Rukaxi 3:22

'Iyari Mɨtiyupata heimana kanakaneni hetsiena kaninuani, kukuru hepaɨ katiniyuxexeiyakaitɨni. Hikɨ xewitɨta taheima mɨpaɨ kanetayɨni: «'Ekɨ pekanineniwetɨni nekamaninaki'erieka, 'akɨmana nekaniyutemawieka».

Marikuxi 9:7

Hikɨ yapauka haiwitɨri kaniwaranukanani, hikɨ mɨkɨ haiwitɨritsata xewitɨ kanetaniuni mɨpaɨ 'utaitɨ: «'Ikɨ kanineniwetɨni neminaki'erie. Xekene'enieka».

Marikuxi 1:11

Xewitɨta kanetaniuni taheima, mɨpaɨ 'utaitɨ: «'Ekɨ pekanineniwetɨni nekamaninaki'erieka, 'akɨmana nekaniyutemawieka».

Mateu 17:5

Hikɨ 'utaniukakaku 'akuxi, yapauka haiwitɨri xawatɨtɨ kaniwaranukanani, hikɨ mɨkɨ haiwitɨritsata xewitɨ kanetaniuni mɨpaɨ 'utaitɨ: «'Ikɨ kanineniwetɨni neminaki'erie, mɨkɨkɨ waɨkawa nekaniyutemawieka. Xekene'enieka».

Tsakariyaxi 3:8

»”Kutsuhexi, keneneu'eni, mawari wewiwamete tiwa'aitɨwame, meta 'a'iwama meke'u'enanani, 'ahɨxie memayaxike, xeme xekani'inɨaritɨni kemɨtiyɨni: Neti'uximayatsiriwame nekani'atɨaximeni, nekani'atɨaximeni Meukuyɨraxɨ.

Keremiyaxi 16:19

Yawé, netɨrɨkariya meta pemɨnetsi'awieta, 'ahetsɨa nemɨneti'awiwieta kepauka 'uximatɨarika nemexeiyani: kwie manu'axetsie paitɨ 'ahetsɨa nuiwarite mepɨ'axɨani, hikɨ mɨpaɨ mepɨtiyuani: «'Itarika xeikɨa ta'ukiyarima mepɨte'umikie, tixaɨtɨ mɨkatihɨkɨ mepɨte'umikie, nitixaɨtɨ mɨkatiyunaki'erie.

Kitsariyaxi 62:2

Nuiwarite kwiepa memɨtama tita mɨtiheitserie 'ahetsɨa mieme mepɨxeiya, meta yunaitɨ te'aitamete kepemɨtimariwe, hekwamekɨ pekanitaterɨwariemɨkɨ, Yawé pɨmatsitaterɨwa.

Kitsariyaxi 53:11

'Arikeke tikwineme, hekɨariya kanixeiyamɨkɨ meta 'iyarieya 'aixɨa kaniyɨmɨkɨ, mɨrakumatekɨ neti'uximayatsiriwame heitserie mexeiya heitserie kaniwapitɨamɨkɨ yuwaɨkawame, 'axamemɨte'uyurikɨ pɨranukɨtɨni.

Nɨawari 89:19

Heiwa 'ekɨ 'ateɨterima pepɨtiwarutaxatɨa heinɨtsi hepaɨ 'anemekɨ, mɨpaɨ pepɨtiwarutahɨawixɨ 'ateɨterima yamemɨtekahu: «Ne nekaniparewieka xeime waɨkawa meuyutamiewe, xeime tewi 'aixɨa nemɨtixeiya hetsiena mieme 'aixɨa nepaine.

Mateu 12:17

Mɨpaɨ katinaye'ani Kakaɨyari niukameya Kitsariyaxi kemutayɨ: