Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mateu 11:5 - Kakaɨyari Niukieya

5 Memɨkaheuneniere meheunenieretɨ kememɨte'akɨka, huriekate kememɨte'anuku'uwe, mɨkɨ nawi kwiniyayari memexeiya me'itiyatɨ kememɨte'akɨka, memɨkaheu'enana meheu'enanatɨ kememɨte'akɨka, mɨkite kememɨte'anuku'uitɨariwa, tixaɨtɨ memɨkatehexeiya niuki 'aixɨa manuyɨne kememɨtekuxaxatɨariwa.

အခန်းကိုကြည့်ပါ။ ကော်ပီ




Mateu 11:5
41 ပူးပေါင်းရင်းမြစ်များ  

«Ti'aitame 'Iyarieya kaneniuwiya, Kaneniuhɨritɨani niuki 'aixɨa manuyɨne nemɨwakuxaxatɨwanikɨ tixaɨtɨ memɨkateheuxeiya. Kaneneyenɨ'ani nemɨwaranayexɨrienikɨ mɨkɨ memɨyuhiwerie yu'iyaritsie, yanemɨtiwatahɨawekɨ mɨkɨ memanutaxɨriya kename me'utixɨnarie, meta yanemɨtiwatahɨawekɨ mɨkɨ memakɨkɨpe kename me'anutaneniere, nemɨwaxɨnakɨ mɨkɨ memɨwiyarietɨka,


'Iya tukaritsie memɨkaheu'enana mepɨyɨwaweni nawi kwikwiyaritsie terɨwarika mayemie memɨ'enienikɨ, meta memɨkaheuneniere wahɨxite pɨneniereni muyɨwitsie meta 'etɨriyaritsie me'u'uwatɨ.


Xekeneu'enana ne'iwama nenaki'erima: ¿Kakaɨyari tamɨ katiwaranuyexei tixaɨ memɨkatehexeiya 'ena kwiepa, mɨkɨ matsi metehexeiyakame mɨwarayeitɨanikɨ yuri mete'erietɨ, para wahetsie mɨtinakenikɨ mɨkɨ tiwa'aitɨwame mayanikɨ, kemutayɨ kemɨ'ane mɨkɨ meminaki'erie wahetsiemieme?


Hikɨ tuki kuraruyarita 'uyeikakaku, memɨkaheunenierekai meta memɨhurietɨkatei hetsɨana mekaniu'axɨani, hikɨ mɨkɨ 'aixɨa me'aneneme kaniwarayeitɨani.


Peru xɨka yanetiyurieneni, tsepa yuri xemɨkanete'eririe, tita nemɨtiyurienetsie pɨta yuri xeketene'erieka mɨpaɨ xemɨtehetimanikɨ kename ne'ukiyari nehetsie tiwiya, neta ne'ukiyari hetsie netiwiya.


Ketsutsi mɨpaɨ katiniwaruta'eiya: —Yanepɨtixe'utahɨawixɨri, yuri xepɨkate'erie. 'Ikɨ tita nemɨtiyuriene ne'ukiyari hetsɨa nemiemetɨtɨ, mɨkɨ nehepaɨtsita katinihekɨatani.


»Ne matsi waɨkawa nekatinihekɨatani Wani 'etsiwa xeikɨa tihekɨatakaku. Tita nemɨtiyuriene, ne'ukiyari kemɨnetiupitɨa nemeye'atɨanikɨ, 'ikɨ 'uximayatsika kenemɨtiyuriene, 'ikɨ nehepaɨtsita katinihekɨatani kename ne'ukiyari netsiheyenɨ'a.


Mɨkɨ Ketsutsi hetsɨa kaninuani yɨwikɨta, mɨpaɨ katinitahɨawe: —Ti'ɨkitame, tame mɨpaɨ tekatenimaika, 'ekɨ Kakaɨyari hetsɨa pemiemetɨtɨ pemunuakɨ peti'ɨkitametɨtɨ, xewitɨ pɨkayɨwe 'ikɨ 'inɨarite mɨtiwewienikɨ kepemɨtiyuriene hepaɨ xɨka Kakaɨyari hamatɨana ka'uyeikanike.


Merikɨtsɨ Kerutsareme 'uyeikakaku Patsikwa 'ixɨararipa, yumɨiretɨ yuri mekateniuta'erieni hetsiena me'ixeiyaka 'inɨarite mɨkɨ kemɨtiyurienekai.


Ketsutsi meyumɨireme teɨteri waruxeiyaka 'ame'anautsaxɨaximeme hepana meyukuxeɨrienike, 'iyari 'axamɨ'ane kaniutatieni, mɨpaɨ tikɨhɨawetɨ: —Keneu'ena 'iyari 'axamɨ'ane, pemɨka'ipitɨa mɨtaniunikɨ meta meu'enanikɨ, ne nekameninɨ'aka pemixɨnakɨ meta tawarita pemɨka'ikuwiwiyanikɨ.


Waɨkawamekɨ mekanihɨxiyakaitɨni teɨteri yame'utiyuatɨ: «Naime 'aixɨa katiniuyurieni, mɨkɨ memɨkaheu'enanakai meheu'enanakame kaniwarayeitɨwani, mɨkɨ memɨkaniuwawekai meniuwaweme kaniwarayeitɨwani».


Tekwikwikate 'aixɨa meteheu'eriekame xekeniwarayeitɨwani, mɨkite xekeniwaranutanieritɨwani, xekeniwa'itieka mɨkɨ nawi kwiniyayari memexeiyatɨka, xekeniwarayenɨ'awani kakaɨyarixi 'axamemɨ'anene. Tita xeme xekawiyarietɨ xemɨteyetuiriyarie, xemeta xekateyuwiyatɨ xeketeneyetua.


Hikɨ meheunenieretɨ mekanakɨne. Peru memɨkatehaxaxatanikɨ Ketsutsi mɨpaɨ yemekɨ katiniwaruhɨritɨani: —Neuxei, 'ikɨ hepaɨtsita nixeime xepɨkatehaxaxatɨwani.


Netɨrɨkariya katiniuyurieni naime 'ikɨ mɨtiutawewi: mɨpaɨ tiɨyɨku 'ayumieme katiniuneni ―Yawé mɨpaɨ kanaineni―. »Ne nepuwaxeiya tixaɨtɨ memɨkateheuxeiya meta yu'iyaritsie memɨte'uka'eniwa, kemɨ'ane neniuki memayemakaxe.


Kiekari mɨkaheuniere xekenayeweiya, tsepa netɨ mɨrekahɨxi, kiekari mɨkaheu'ena, tsepa netɨ nakate mexeiya.


Yawé memɨkahauneniere kaniwaranutanieritɨwani, Yawé mematixɨri kaniwaranuku'uitɨwani, Yawé kaniwanaki'erieka 'aixɨa memɨte'u'uwa.


Tixaɨtɨ memɨkateheuxeiya mepɨtekwani, mɨkɨ mepɨtihuxani, Yawé mepɨtanɨawa kemɨ'ane memikuwautɨwe, wa'iyari ke'ayeyurini yuheyemekɨ.


Hikɨ Nahamani Kurutani hatuxameyaritsie kaneyani, mana 'atahuta mexɨa kaniukahani, tewi Kakaɨyari hetsɨa mieme kemɨtitahɨawekai. 'Anake nawiyarieya 'aixɨa kaniuyɨni nunutsi nawiyarieya hepaɨ, 'ana 'itiyatɨ kanayani.


Xapa hakaterɨwaka, 'Ixaheri kwieyaritsie ti'aitame yukamixa kaneukatsana meta mɨpaɨ kaniutayɨni: «¿Nekuta Kakaɨyari netihɨkɨ? Ne nepɨkayɨwe xewitɨ mɨmɨnikɨ mexɨkatɨni manutanierekɨ nemipitɨani. ¿Titayari mɨkɨ netiwawirie nawi kwiniyayari mexeiya 'aixɨa 'aneme pemayeitɨanikɨ? Kaukatɨ mɨkɨ haxɨa mekuwautɨwe xeikɨa tahamatɨa».


«'Aixɨa mekani'itɨarieka mɨkɨ waɨkawa memɨteheuyehɨwa yu'iyaritsie kememɨteyumate, kemɨ'ane taheima makawe mekanexeiyakakuni tiwa'aitɨwametɨme.


»'Ixaheri teɨteriyari, 'ikɨ niuki xekene'enieka: Kakaɨyari xetsata pitahekɨataxɨ Ketsutsi natsaretitanaka mariwemekɨ tiyurienetɨ tɨrɨkaɨyemekɨ, wahɨxiyatsitɨatɨ meta 'inɨarikɨ tiyurienetɨ mɨkɨ hetsiemieme, Kakaɨyari kemɨtiuyuri xeme xekatenimaika.


Hikɨ newahɨnetɨ nekanayani muxatsi memɨkwi'iwakɨ memɨ'ayumiemetetɨkai. Hutame tihɨweme 'itsɨya nekaniuti'ɨni: xeime 'Aixɨa Mɨtiuka'iyari nekatiniuterɨwa, xeimeta Memɨyunɨ'ɨ, hikɨ newa'ɨwiyatɨ nepatɨa muxatsi.


Yawé mɨpaɨ kaniutayɨni: —Ne nepɨhɨkɨ 'ateni nemutawewi. Ne nepɨhɨkɨ Yawé mekaheu'enanakame mɨwarayeitɨwa, mekaniuwaweme, kemɨ'ane meheuneniereme mɨwarayeitɨwa yatɨni mekaheuneniereme.


Tixaɨtɨ memɨkateheuxeiya meyutemamawietɨ Yawé hetsiemieme mekanakɨnikuni, yemekɨ waɨkawa memɨteheuyehɨwa mekaniyukatemamawikuni Mɨpatsie 'Ixaheri hetsiemieme.


Ketsutsi mɨpaɨ katiniwaruta'eiya: —Xekenehu, xeketenetaxatɨa Wani tita xemɨte'u'eni tita xemɨte'uxei hepaɨtsita:


Hikɨ mɨpaɨ tewi katiniutahɨawe: —'Amamá keneutatsera. Hikɨ mɨkɨ kanitatsera, 'ana 'aixɨa 'anetɨ kanayani yuxewitɨ tapa mieme hepaɨ.


mɨpaɨ katinitahɨawe: —Kenemie, kene'ɨtaimamie haa mayema Tsiruhe mɨrakutewatsie (taniukikɨ Mutanɨ'arie mɨrakutewatsie). Hikɨ mana kaneyani, kananaka'ɨtaima, heunieretɨ 'ayaka, kanakunuani.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ