Mateu 11:25 - Kakaɨyari Niukieya

²⁵ Merikɨtsɨ 'ana Ketsutsi mɨpaɨ kaniutayɨni: «Ne'ukiyari, taheima pemɨti'aita meta kwiepa, pamɨpariyutsi nepɨmatsipitɨa, pemɨtiuti'awietaxɨkɨ 'ikɨ naime memɨkaheitimanikɨ mɨkɨ memɨteyɨ'ɨkitɨawawe meta memɨtemaiwawe, tɨɨri pɨta wahetsiemieme matsiɨkɨme pemayeitɨakɨ.

Mateu 11:25 ပူးပေါင်းရင်းမြစ်များ

Mateu 21:16

Mɨpaɨ mekatenitahɨawe: —¿Petiwa'enie 'iya kememutiyuane? Ketsutsi mɨpaɨ katiniwarutahɨawe: —Huu, ¿kamɨtsɨ xeme xekate'ekaterɨwawawe 'ikɨ: »“Tɨɨri 'etsimemutɨtɨ meta tɨɨri memɨtsitsewe pepɨwarupitɨa 'ahepaɨtsita 'aixɨa memaitɨkanikɨ”?»

Nɨawari 8:2

Memɨmetsi'aye'unie wahepaɨtsita pepɨtiuyuri wateta muwayenenikɨ memetsinɨawanikɨ tɨɨri 'etsimemutɨtɨ meta memɨtsitsewe, memɨmatsi'aye'unie meta memayu'eririya kayuwatɨ pemɨwapitɨanikɨ.

Mateu 16:17

Hikɨ Ketsutsi mɨpaɨ katinitahɨawe: —'Aixɨa pepɨ'itɨarie 'ekɨ, Tsimuni Kunatsi pemɨnu'aya, tewi mɨmɨwe pɨkamatiutahekɨatɨa, matsi ne'ukiyari taheima makawe pɨta.

2 Kurinitutari 3:14

Mɨkɨ teɨteri me'u'itutupetɨ mekanakɨne kememɨteyu'iyaritɨakai. Hikɨke yaxeikɨa mɨkɨkɨ 'ixurikikɨ heuyukunatɨ kaniyuhayewa kepauka mutiterɨwarɨwa tɨratu meripaitɨ mieme xapayari. Pɨkaheukuyepiwa, Kɨritsitu hetsie tiwiyakaku xeikɨa pɨka'unarɨwa.

Nɨ'ariekate 17:24

»Mɨkɨ Kakaɨyari kwie mutawewi, meta naitɨ hetsiena mɨtixuawe, mɨkɨ Ti'aitame muyuawi meta kwie pɨtipiinieya. Mɨkɨ tuki mamakɨ mɨwewiyata pɨka'ayeka,

Wani 11:41

Hikɨ tete mekaneuhɨani. Ketsutsi yuheima heutiniereka mɨpaɨ kaniutayɨni: —Ne'ukiyari, pamɨpariyutsi nekamanipitɨaka pemɨnetsi'u'enikɨ.

Tanieri 2:23

'Ekɨ, ne'ukiyarima wakakaɨyari, nepɨmatsinɨawa meta pamɨpariyutsi nepɨmatsipitɨa. Nemɨtimaiwenikɨ pepɨnetsi'upitɨa meta tɨrɨkariya, pepɨnetsi'utahekɨatɨa tita temɨmate'utawawiri, pepɨnetsi'utahekɨatɨa ti'aitame heinɨtsikaya».

Kitsariyaxi 66:1

Yawé mɨpaɨ kanaineni: «Muyuawi ne'uweni kanihɨkɨtɨni, kwie meta, hetsiena nemɨnewetɨka kanihɨkɨtɨni. Kii xemɨnetsi'utawewirieni pɨkayɨwe. Tixaɨtɨ kiiyari xepɨkanete'uxatɨawawe.

Rukaxi 22:42

mɨpaɨ 'utaitɨ: «Ne'ukiyari, xɨka pe'awaɨriyani, yanepɨra'eriwakaku mɨka'aye'anikɨ kenemɨtikwinitɨarieni, matsi kemɨnetinake ne pɨkatixaɨ, kemɨmatinake 'ekɨ pɨta yaketiuyɨni».

Tanieri 4:35

Yunaitɨ kwiepa memɨtama nitixaɨtɨ mepɨkatehɨkɨ hɨxiena. Kakaɨyari yapɨtiyuriene kemɨtinake niuki tuayamete wahetsie meta teɨteri kwiepa memɨtama wahetsie. Pumawe xewitɨ tɨrɨkariyaya hɨxie mukeni meta pumawe titayari mɨya petiyuriene mɨrehɨawe.

Kitsariyaxi 5:21

Xɨa'ui kemɨ'ane waɨkawa metemaiwaweme memuyuxata, kwinimieme meteheutamaiwaweme memuyu'erie.

1 Kemɨtiuyɨ 29:13

'Ayumieme, takakaɨyari, pamɨpariyutsi tepɨmatsipitɨa, meta witsipemɨ'anetsie mieme 'aixɨa tepaitɨka.

2 Te'aitamete 19:15

hikɨ hɨxiena mɨpaɨ katiniuyunenewieni: «Yawé, 'Ixaheri Kakaɨyarieya, matsiteɨtamete memu'ana wahixɨata 'a'uwenitsie pemaka: 'ekɨ xeikɨa naitsarie kwiepa te'aitamete wakakaɨyari pekanihɨkɨtɨni. 'Ekɨ pekaninetɨani muyuawi meta kwie.

1 Tsamuheri 2:18

Matsi Tsamuheri nunutsitɨtɨ, yuhetsiemieme mawari wewiwame rinu kamixayari 'anakatɨtɨ katini'uximayakaitɨni Yawé hɨxie.

Tsutɨarika 14:22

'Apɨrami mɨpaɨ katinita'eiya: —Yawé hɨxie mɨpaɨ neputayɨ, Kakaɨyari 'Amutewi, muyuawi mutawewi meta kwie,

Tsutɨarika 14:19

Hikɨ Kakaɨyari kaniutawawirieni 'Apɨrami 'aixɨa muyurienikɨ, mɨpaɨ 'utaitɨ: «Kakaɨyari 'Amutewi, muyuawi mutawewi meta kwie, 'Apɨrami 'aixɨa keyurieka.

Kuwi 37:24

Mɨkɨ kemɨ'ane metemaiwaweme memuyu'erie tixaɨtɨ pɨkatiwarayeitɨa, 'ayumieme teɨteri mepimakaxe».

Rukaxi 23:34

Hikɨ Ketsutsi mɨpaɨ kaniutayɨni: —Ne'ukiyari, ketiniwareuyehɨwirieka, 'atsimemɨkatematekɨ kememɨteyurie. 'Ana kuyaxi mekaniyuta'iwa 'ixurikiteya meyutahuritɨanike.

Wani 12:27

»Hikɨri ne'iyari kaniyumuinaneni, ¿keri ne'utaineni: “Ne'ukiyari, keneneutawikweitsitɨa 'ikɨ tukaritsie nerainenikeyu”? Matsi hikɨ 'ayumieme nekaninuani 'ena kwiepa.

Wani 12:28

Ne'ukiyari, witsipetikɨhɨawarɨwatɨ kene'ayeitɨa». Hikɨ xewitɨ kaniutaniuni taheima mɨpaɨ 'utaitɨ: «Neri witsinetikɨhɨawarɨwatɨ nepaneyeitɨa, tawarita mɨpaɨ nekatiniyurimɨkɨ».

1 Kurinitutari 2:10

Matsi hikɨ mɨya'aneneme Kakaɨyari matsiɨkɨme kanayeitɨani, 'Iyari yatatixeitsitɨakaku. Mɨkɨ 'Iyari katinimaika naitsarie kemɨti'ane, naitɨ kemɨtiyumate Kakaɨyari.