Mateu 10:5 - Kakaɨyari Niukieya

⁵ Merikɨtsɨ Ketsutsi kaniwareutanɨ'axɨani tamamata heimana huta mɨpaɨ tiwaruta'aitɨaka: «Memɨkatateɨterima wahuyeta xepɨkaheuhuni meta Tsamariyatari wakiekaritetsie xepɨkaheutahakeni,

Mateu 10:5 ပူးပေါင်းရင်းမြစ်များ

Wani 4:9

Huriyutsixi tsamariyatari wahamatɨa 'aixɨa memɨkateyuxeiyakaikɨ. 'Ayumieme 'ukaratsi tsamariyatanaka mɨpaɨ katinitahɨawe: —¿Kehepaɨtɨtɨri 'ekɨ pehuriyutɨtɨ, neta 'ukaratsi nemɨtsamariyatanaka, haa pepɨnetsiwawirie?

1 Tetsarunikatari 2:16

mepɨkatatsitaunie temɨtewakuxaxatɨwani mɨkɨ memɨkahuriyutsixi memɨtawikweitsitɨarienikɨ. Mɨpaɨ mekateniuyurieni yuheyemekɨ memeye'atɨanikɨ tita 'axamemɨteyurie. Peru 'imatɨrieka haxɨa niwaru'axixɨani mɨkɨ.

Rukaxi 17:16

Kaniutihɨximakeni Ketsutsi hetɨa pamɨpariyutsi 'ipitɨatɨ, mɨkɨ Tsamariya kanikiekametɨkaitɨni.

Nɨ'ariekate 10:45

Yuri memɨte'eriekai Pekuru hamatɨa memu'axɨa memɨhuriyutsixitɨkai mekanihɨxiyakaitɨni memɨkahuriyutsixi mɨpaɨ memɨte'umikiekɨ, 'Iyari Mɨtiyupata wahetsie mutatuiyakɨ.

Rukaxi 9:2

Kaniwareutanɨ'axɨani memɨtekuxatanikɨ kemɨti'ane Kakaɨyari mɨra'aitatsie, meta 'aixɨa meteheu'eriekame memɨwarayeitɨwanikɨ teɨteri.

Nɨ'ariekate 1:8

Matsi xekanitɨrɨkariyariekuni 'Iyari Mɨtiyupata yuhetsie xehexeiyatɨ. Xemunenierixɨ xepɨhɨkɨtɨni xetehekɨatatɨ nehepaɨtsita Kerutsareme, naitsarie Kureyatsie, Tsamariyatsie meta naitsarie kwie manuniere paitɨ.

Wani 20:21

Hikɨ Ketsutsi tawarita mɨpaɨ katiniwarutahɨawe: —Xɨka xeka'uximatɨarieka yu'iyaritsie. Ne'ukiyari mɨnereyenɨ'a hepaɨ, neta mɨpaɨ nekatinixeheutanɨ'axɨani.

Wani 7:35

Huriyutsixi mɨpaɨ mekateniyɨkɨhɨawekaitɨni: —Ketiyune 'ikɨ temɨka'itaxeiyakɨ. Kɨriyekutsixi watsata memeutayeixɨa wahetsɨa katiyemie, kɨriyekutsixi tiwareti'ɨkitɨanike.

Wani 4:5

Hikɨ kiekaritsie kaninuani Tsamariya kwieyaritsie Tsikari mɨtiuyetewatsie, mana kanehurakaitɨni kwie Kakuwu yuniwe Kutse mɨyetuiritsie.

Rukaxi 10:33

Perutsɨ xewitɨ tsamariyatanakatɨtɨ mana 'uyemietɨ hetsɨana kaninuani, 'ixeiyaka kanitinenimayata.

Mateu 4:15

«Tsawuruni kwieyari meta Nepɨtahari kwieyari, harakuna mananiere Kurutani 'anutaɨye meta, Karereya memɨkatateɨterima memakutei,

Nɨ'ariekate 8:1

Hikɨ Tsauru 'iyarieya 'aixɨa pɨ'anekai 'Etsitewani mumieriekɨ. Hikɨ 'ana Kerutsaremetsie memɨyutixexeɨriwakai waɨkawamekɨ mekaneutaweiyariexɨani memu'uximatɨariekaikɨ, yunaitɨ mekaneutayeixɨani naitsarie kiekari mukumanetsie Kureyatsie meta Tsamariyatsie, nɨ'ariekate xeikɨa mekaniuyuhayewa.

Wani 8:48

Huriyutsixi mɨpaɨ mekatenita'eiya: —'Aixɨa tekaniutiyuaneni kename 'ekɨ tsamariyatanaka pehɨkɨ, kename kakaɨyari 'axamɨ'ane metsinɨ'ɨ.

Wani 4:20

Tame tatutsima 'ikɨ yemuritsie mekaniyutinenewiwakaitɨni. Peru xeme huriyutsixi xekaniutiyuaneni kename heuyewetse Kerutsareme temuyutinenewiwanikɨ.

Rukaxi 10:1

Merikɨtsɨ 'arike Ti'aitame hipameta waruhɨritɨaka haika tewiyari heimana tamamata heimana huta meyupaɨmeme, yuhutatame kaniwareutanɨ'axɨani memanukuhaitɨtɨanikɨ naime kiekaritsie naime kiepa hakewa mɨkɨ meta'anikekai.

Mateu 22:3

Yuhetsɨa miemete te'uximayatamete kaniwarutanɨ'ani memɨwa'iniyukɨri mɨkɨ meripaitɨ memuta'inierie neɨkiyapa, peru mɨkɨ mepɨka'uyuwaɨri memayenexɨani.

Marikuxi 6:7

Merikɨtsɨ tamamata heimana huta warukuxeɨrieka, hikɨ kaniwareutanɨ'axɨani yuhutatame, heitserie warupitɨaka kakaɨyarixi 'axamemɨ'anene wahepaɨtsita.

Rukaxi 9:1

Merikɨtsɨ warukuxeɨrieka tamamata heimana yuhutame, tɨrɨkariya kaniwarupitɨani meta heitserie memexeiyanikɨ kakaɨyarixi 'axamemɨ'anene yunaime wahepaɨtsita meta kwiniyakɨ 'aixɨa meteheu'eriekame memɨwarayeitɨwanikɨ.

Wani 17:18

Kwiepa pemɨnetsiheyenɨ'a hepaɨ, neta nepɨwareutanɨ'axɨa kwiepa.