Mateu 10:26 - Kakaɨyari Niukieya

²⁶ »'Ayumieme xepɨkawamakaka. Karikɨ naitɨ tita mɨti'awietsie katinahekɨarimɨkɨ, meta naitɨ tita 'awie mɨtimieme katinitamariwamɨkɨ.

Mateu 10:26 ပူးပေါင်းရင်းမြစ်များ

Rukaxi 8:17

Karikɨ naitɨ tita mɨti'awietsie katinahekɨarimɨkɨ, meta naitɨ tita mɨti'awietsiekai katinitamariwamɨkɨ.

Keremiyaxi 1:8

Ne 'ahamatɨa nepuyeikani 'aheima nemɨtanuanikɨ, nixeimetɨma pepɨkahaumakaka». Yawé mɨpaɨ nekanaineni.

Marikuxi 4:22

Karikɨ naitɨ tita mɨti'awietsie katinihekɨarimɨkɨ, meta naitɨ tita 'awie mɨtimieme katinitamariwamɨkɨ.

1 Kurinitutari 4:5

'Ayumieme xepɨka'i'inɨatani tukariyari ka'aye'awekaku 'akuxi, Ti'aitame 'akuxi kanuawekaku. Mɨkɨ katinihekɨatamɨkɨ tita mɨtiuti'awietsie yɨwipa. Matsiɨkɨme kaneyeitɨamɨkɨ kememɨteyuriekɨ teɨteri yu'iyaritsie. 'Anakeri yuxexuitɨ 'aixɨa mekatenikɨhɨawarɨwakuni, Kakaɨyari yatiwayetuiriekaku ketita mɨtiwahetsiemiemetɨkai.

Mateu 10:28

Xepɨkawamakarɨka mɨkɨ memɨyɨwawe wai memumieni xeikɨa, peru mepɨkayɨwawe 'iyari memumieni. Matsi xekenemakarɨka kemɨ'ane mɨyɨwe mika'una 'iyari meta waiyari naime tai yamɨtita'atsie.

Kitsariyaxi 41:10

'Ayumieme pepɨkamaka, netsɨ 'ahamatɨa nekaniuyeikani, pepɨka'a'uximatɨaka, ne nepɨ'akakaɨyari. Nepɨmatsitɨrɨkariyani meta nepɨmatsiparewieka, ne nepɨmatsituikani nemamakɨ 'aixɨa mɨtiyuriekɨ.

Kitsariyaxi 41:14

Kakuwu kwitsi, pepɨkamaka, 'Ixaheri 'etsipemɨpe ―Yawé mɨpaɨ kanaineni―, yaxeikɨa netsiere nekamaniparewimɨkɨ, Mɨpatsie 'Ixaheri hetsiemieme matsiwikwetsitɨwame kanihɨkɨtɨni.

Temaiwawemete 28:1

'Axatiyuruwame kaniuyu'unarɨmeni tsepa xewitɨ mɨka'iweiya, matsi heitseriemekɨ yamɨtikamie kayuwatɨ 'apuyeika maye hepaɨ.

1 Pekuru 3:14

Metsɨ xɨka xete'ukakukwineni heitseriemekɨ yaxemɨtekahukɨ, xekeneyutemamawieka matsi. «Xepɨkawamakarɨka, xepɨkayuxamurieka».

'Etsekieri 2:6

'Ekɨ, tewi pemunu'aya, pepɨkawarayemakaka meta waniuki pepɨkamakaka, tsepa xuyatsata meta witsaxatsata pemuwe, tsepa terɨkaxi watsata pemuyeika. Pepɨkaheumaka kememɨtekuxatani, teɨteri memeuyexɨri mekanihɨkɨtɨni.

Temaiwawemete 29:25

Pewamakatɨ teɨteri 'akɨmana pepɨ'awiniya, kemɨ'ane Yawé hetsie yuri mɨti'erie kaniwikweitsitɨarieka.

Nɨ'ariekate 4:19

Peru Pekuru meta Wani mɨpaɨ mekateniwaruta'eiya: —¿'Aixɨa ti'ane Kakaɨyari hɨxie xeme pɨta temɨxe'enieka mɨkɨ teka'enietɨ? Xekeneutimaixɨa kemɨ'ane heitserie mexeiya.

Nɨ'ariekate 1:8

Matsi xekanitɨrɨkariyariekuni 'Iyari Mɨtiyupata yuhetsie xehexeiyatɨ. Xemunenierixɨ xepɨhɨkɨtɨni xetehekɨatatɨ nehepaɨtsita Kerutsareme, naitsarie Kureyatsie, Tsamariyatsie meta naitsarie kwie manuniere paitɨ.

Nɨ'ariekate 4:13

Hikɨ wa'ukiyarima mewaxeiyatɨ kememɨtekuxatakai Pekuru meta Wani mekamamakame, mɨpaɨ metehetimaika hatsuaku memɨkateyɨ'ɨkitɨakaikɨ meta tixaɨtɨ memɨkatehɨmetɨkaikɨ, mekanihɨxiyakaitɨni, mekaniwaretimani Ketsutsi hamatɨa memu'u'uwakaikɨ.

Rukaxi 24:47

Mɨkɨ meta, yunaitɨ nuiwarite mɨpaɨ mekatenitahɨawariekuni, xɨka xete'uhayewa kexemɨteyuriekai, xɨka pɨta xenetsihahɨaweni kemɨ'ane nemɨhɨkɨ, xepɨteheuyehɨwiyarieni 'axaxemɨte'uyurikɨ, Kerutsareme meri, 'ariketa xaɨtsie yakatinikuxaxatsiwamɨkɨ.

Temaiwawemete 10:9

Kemɨ'ane heitseriemekɨ 'amuyeika, 'aixɨa 'iyari 'apuyeika, 'axatiuka'iyaritɨ 'amuyeika teɨteri mepɨtehetimani kemɨtiyuriene.

Ti'ɨkitame 12:14

'Uximayatsika matsi, 'axamɨ'anene meta 'aixɨamɨ'ane meta 'awie ketemɨteyurie Kakaɨyari naime kanita'iwaumɨkɨ.