Mateu 1:6 - Kakaɨyari Niukieya

⁶ Kitsahi Rawiri ti'aitame pɨpaapayatɨkai. Rawiri Tsarumuni pɨpaapayatɨkai, Huriyaxi mɨ'ɨyayatɨkaitsie meyexei.

Mateu 1:6 ပူးပေါင်းရင်းမြစ်များ

1 Te'aitamete 15:5

Rawiri Yawé kemɨtinake mɨtikatɨakɨ, kepauka muyeikakaitsie hatsuaku Yawé 'aitsikaya pɨka'uhayewaxɨ, xeimieme xeikɨa 'axakatiniuyurieni mɨtiuta'aitaxɨkɨ mɨmierienikɨ 'Uriyaxi heti tewiyari.

1 Tsamuheri 17:12

Rawiri 'Itsahi kaninu'ayatɨkaitɨni, 'Epɨrata kiekame Wereni kiekame Kura kwieyaritsie. Tsahuri 'amuyeikakaitsie, 'Itsahi 'akaniyumaikaitɨniri, 'atahaikame yuniwema kaniwarexeiyakaitɨni.

1 Kemɨtiuyɨ 14:4

Mɨpaɨ mepɨtetewakai 'ukitsi mɨwarayexei: Tsamuha, Tsuwawi, Natani, Tsarumuni,

1 Kemɨtiuyɨ 3:5

Manata mekaniutinunuiwa Tsimaha, Tsuwawi, Natani meta Tsarumuni, mɨkɨ Wetitsawe hetsie mepɨmiemetetɨkai, 'Amiheri nu'aya.

2 Tsamuheri 23:1

'Ikɨ Rawiri 'imatɨrieka mieme niukieya kanihɨkɨtɨni: «Rawiri 'Itsahi nu'aya kemɨtiwarutaxatɨa yuteɨterima, witsi'anɨyɨtɨkaime nɨawari mutiwewi 'ixaheritsixi wahetsiemieme, tewi, Mɨmariwe hepaɨtsitana 'aixɨa mutayɨ meta Kakuwu Kakaɨyarieya menayexei.

1 Tsamuheri 16:1

Merikɨtsɨ Yawé Tsamuheri mɨpaɨ katiniutahɨawe: —¿Kepaɨmexɨari pepuyurieka Tsahuri hetsiemieme pe'utatsuatɨ xɨkari ne 'Ixaheri kwieyaritsie mɨti'aitametɨnikɨ neka'inaki'erieka? Matsi hatseiti 'a'awata keneutahɨniyaka kenemie. Wereni huyeyari 'utɨma nekamanitanɨ'amɨkɨ 'Itsahi kie, ne mɨkɨ nu'aya xeime nepanayexei ti'aitame mayanikɨ.

Xumatari 8:3

'Inɨari niukiyari kemɨkatiyɨwekai, kemɨtiweranikai temɨteɨterikɨ, Kakaɨyari pɨta kanenutahɨani tita 'axamɨti'ane kememɨteyurie teɨteri wahepaɨ mete'u'iyaritɨ. Kanenutahɨani yuniwe heyenɨ'aka teɨteri 'axamemɨteyuruwa wahepaɨ 'aneme, heiyenɨ'aka tita 'axamɨti'ane hepaɨtsita.

Kitsariyaxi 11:1

'Itsahi kutsunuyaritsie xewitɨ yɨrari kananemɨkɨ, mɨkɨ yɨrari nanaritsie kananemɨkɨ.

Nɨawari 72:20

Rawiri nenewierieya 'Itsahi nu'aya 'enapu'axe.

1 Kemɨtiuyɨ 28:5

Meta neniwema memɨyɨmɨire Yawé mɨnetsi'upitɨa watsata, neniwe Tsarumuni panayexei Yawé 'uwenieyatsie mayerɨnikɨ 'ixaheritsixi mɨtiwata'aitɨanikɨ.

1 Kemɨtiuyɨ 11:41

'Uriyaxi Heti tewiyari, Tsawari 'Akirahi nu'aya,

1 Kemɨtiuyɨ 2:15

'ataxewirieka mieme 'Utseni, 'atahutarieka mieme Rawiri.

2 Tsamuheri 23:39

'Uriyaxi heti tewiyari. Yunaitɨ xeitewiyari heimana tamamata heimana 'atahuta mekaniyupaɨmekaitɨni.

2 Tsamuheri 11:3

Rawiri katiniutanɨ'ani kemɨ'ane mɨhɨkɨtɨkai timaimɨtɨ, hikɨ mɨpaɨ katiniutaxatɨarieni: «Wetitsawe kanihɨkɨtɨni, 'Eriyani niweya meta 'Uriyaxi 'ɨyaya heti tewiyari».

1 Tsamuheri 22:8

Hikɨke mɨpaɨ nepɨretima yunaitɨ titayari xemɨnete'uku'eiri, titayari nixewitɨ mɨkaneraxaxatɨwa neniwe meta 'Itsahi nu'aya hamatɨa tɨratu kememɨte'uwewi. Xeme nixewitɨ tɨma pɨkaneraxaxatɨwa neniwetɨtɨ Rawiri kemɨtiuparewi netsi'aye'unietɨ mayanikɨ, hikɨ kememɨ'ane.

1 Tsamuheri 17:58

Tsahuri mɨpaɨ katinita'iwawiya. —¿'Ekɨ temaikɨ, kemɨ'ane pepɨraniwe? Rawiri mɨpaɨ katinita'eiya: —'Itsahi Wereni kiekame nepunu'aya, katini'a'uximayatsiriwametɨni.

Xuti 4:22

'Uweri, 'Itsahi pɨpaapayatɨkai. 'Itsahi, Rawiri pɨpaapayatɨkai.

Mateu 1:5

Tsarimuni Wuhutsi pɨpaapayatɨkai meta Xahawi pɨmaamayatɨkai. Wuhutsi Huweri pɨpaapayatɨkai meta Xuti pɨmaamayatɨkai. Huweri Kitsahi pɨpaapayatɨkai.