Mateu 1:22 - Kakaɨyari Niukieya

²² 'Ikɨ naitɨ mɨpaɨ katiniuyɨni, maye'anikɨ tita mɨtixatakai Ti'aitame, Kakaɨyari niukameya mɨpaɨ 'utainekaku:

Mateu 1:22 ပူးပေါင်းရင်းမြစ်များ

Rukaxi 24:44

Merikɨtsɨ mɨpaɨ katiniwarutahɨawe: —'Ikɨ niuki nekanixekuxaxatɨwakaitɨni xehamatɨa ne'uyeikatɨ 'akuxi, mɨpaɨ ne'utaitɨ kename heuyewekai maye'atɨarienikɨ naitɨ nehepaɨtsita kemɨre'uxa Muitsexi 'inɨarieya niukiyaritsie, texaxatamete waxapatsie meta kwikari xapayaritsie ne'utaitɨ.

Mateu 2:23

mana kiekari Natsareti mɨrakutewatsie kaninuani. Mɨpaɨ katinaye'ani Ti'aitame kemutayɨ, Kakaɨyari niukametemama yame'utiyuanekaku kename: «Natsarenu titewakakekai».

1 Te'aitamete 8:15

mɨpaɨ kaniutayɨni: «'Aixɨa ke'itɨarieka Yawé 'ixaheritsixi takakaɨyari, mɨkɨ hikɨ yutɨrɨkariyakɨ pɨraye'atɨa nepaapa Rawiri kemɨtiutahɨawixi mɨpaɨ 'utaitɨ:

Nɨ'ariekate 3:18

Kakaɨyari meripaitɨ mɨpaɨ putayɨkai yunaitɨ Kakaɨyari niukametemama mɨpaɨ me'utiyuanekaku: kename Kɨritsitu tikwinekekai, mɨpaɨ katinaye'atɨarieni.

1 Te'aitamete 8:24

Yapepɨtiuyuri 'ari nepaapa Rawiri matsiparewiwame kepemɨtiutahɨawixɨ, 'ikɨ tukaritsie 'atɨrɨkariyakɨ pepɨraye'atɨa kepemɨtitahɨawixɨ 'aniukikɨ.

Wani 18:9

Maye'anikɨ niukieya kemainekai: «Mɨkɨ pemɨnetsiyetuiri nixeime nepɨkaheuyehɨa».

Mateu 13:35

Mɨpaɨ pɨraye'a, Kakaɨyari niukameya kemutayɨ: «'Ɨxatsi hepaɨtsita netikuxatatɨ nepɨtaniuni, nepɨtitaxata tita mɨti'awietsiekai kwie munetɨarietsie paitɨ».

'Etsitɨraxi 1:1

Merikɨtsɨ mexɨakame wiyaritsie ti'aitakaku Tsiru, Peritsiya kwieyaritsie ti'aitame, Yawé ti'aitame 'iyarieya mɨpaɨ katiniuyuitɨani, mɨkɨ ti'aitame minetɨanikɨ 'aitsika naitsarie mitanɨ'axɨanikɨ mɨra'aitatsie, hikɨ mɨpaɨ mɨraye'atɨarienikɨ Yawé niukieya Keremiyaxi kemɨtiupitɨa. Ti'aitame mɨpaɨ 'aneme 'aitsika kaniutawewieni, meta yakaniutayɨni yuniukikɨ meta mɨpaɨ katinaka'utsieni:

Wani 17:12

Mexi wahamatɨa ne'uyeikakai nekaniwa'ɨwiyakaitɨni mɨkɨ pemɨnetsiyetuiri 'ahetsɨa memɨmiemetetɨkaikɨ. Nekaniwakweriekaitɨni, xewitɨ mɨkɨ pɨka'uta'unarie, 'iya xeikɨa 'unarikakɨ mɨ'ayumiemetɨkai kaniuta'unarieni 'utɨarika maye'anikɨ.

Wani 15:25

Matsi niuki kanaye'atɨarieni 'inɨari niukiyaritsie mɨpaɨ mɨre'uxa: “Tsepa 'atsinemɨkatiuyuri, mekaneni'uxiwe'eriekaitɨni”.

Wani 10:35

Xɨkari memɨmamariwawe tiwaruterɨwa mɨkɨ wahetsɨa munua Kakaɨyari niukieya, mɨkɨ 'utɨarika xɨka kayɨweni mayeyeitɨarienikɨ,

Mateu 13:21

peru, mɨkahananakaikɨ, 'apɨkareuterixɨ. 'Ayumieme kepauka mu'uximatɨarieni, kepauka mɨtaweiyarieni 'ikɨ niuki hepaɨtsita, hikɨ yapauka 'ikɨ niuki mɨkɨ niku'eirimɨkɨ.

Mateu 12:17

Mɨpaɨ katinaye'ani Kakaɨyari niukameya Kitsariyaxi kemutayɨ:

Mateu 2:15

Mana mekanikutekaitɨni mexi Herurexi kamɨwekai. Mɨpaɨ katinaye'atɨarieni Ti'aitame kemainekai Kakaɨyari niukameya mɨpaɨ mainekaikɨ: «'Ekipitu kwieyaritsie neniwe nekaniutahɨawe».

Mateu 8:17

Mɨpaɨ tiuyurieku, paye'a Kakaɨyari niukameya Kitsariyaxi kemutayɨ: «Mɨkɨtɨtɨ kataniunawairieni takwiniya, meta takukuiniya petɨ».

Mateu 5:17

»Mɨpaɨ xepɨkateku'eriwani kename nenua ne'ika'unake 'inɨari niukiyari, Kakaɨyari niukametemama waniukiyari. Kenemɨtinua, ne'ika'unake nekapunua, ne'eye'atɨanike pɨta nekaninuani.

Rukaxi 21:22

Mɨkɨ tukaritsie heitseriemekɨ mepɨte'apiniyarieni kiekatari, 'ana katinaye'amɨkɨ naitɨ kemɨre'uxa.

Matsiɨkɨtɨ kemɨratɨa 17:17

Kakaɨyari mɨpaɨ pɨtiwa'iyaritɨani mɨpaɨ memɨteyuriekakɨ mɨkɨ pɨta kemɨtiyuriemɨkɨ wa'iyari yuxewikaku me'ipitɨakaku yeutanaka mɨkɨ pɨta mɨti'aitametɨnikɨ wahetsiemieme, mɨpaɨ meteyurieyu katinaye'atɨariemɨkɨ naitɨ Kakaɨyari kemutayɨ.

Xumatari 1:2

Meripaitɨ Kakaɨyari mɨpaɨ kaniutayɨkaitɨni temeixeiyanikekaikɨ, Kakaɨyari niukametemama yametekuxatakaku niuki mɨpatsietsie,