Mateu 1:21 - Kakaɨyari Niukieya

²¹ 'Ukitɨme pɨtiniweni, Ketsutsi pɨtitewaka, mɨkɨ yuteɨterima kaniwatawikweitsitɨamɨkɨ ke'axamemɨteyurie».

Mateu 1:21 ပူးပေါင်းရင်းမြစ်များ

Nɨ'ariekate 13:23

»'Ikɨ nuiwarieyatsie, Kakaɨyari kemainekai 'ixaheritsixi wawikweitsitɨwame Ketsutsi kaneyenɨ'ani.

Nɨ'ariekate 4:12

Nixewitɨ tawarita 'apɨka'uyeika tatsitawikweitsitɨanike. Xewitɨ mumawekɨ muyuawitɨa tame teɨteri tatsata kɨmana temɨtawikweitsitɨarienikɨ, mɨkɨ xeikɨa pukayerie».

Wani 1:29

Merikɨtsɨ 'uxa'arieka Wani kanixeiya Ketsutsi 'a'amiekame hepana, mɨpaɨ kaniutayɨni: «Kamɨ muxa nunutsi Kakaɨyari hetsɨa mieme, kwiepa memɨtama tita 'axamemɨteyurie kaniwakunawairiwani mɨkɨ.

1 Wani 3:5

Xeme mɨpaɨ xepɨtemate Ketsutsi Kɨritsitu matsiɨkɨtɨ matɨakɨ mɨtatsinawairienikɨ tita 'axatemɨteyurie. Tita 'axamɨti'ane pumawe hetsiena.

Rukaxi 2:21

Merikɨtsɨ 'atahairieka tukari mekani'inɨaritɨani huriyutsixi teɨteriyari waxitekiyakɨ. 'Ana Ketsutsi katiniuterɨwarieni, niuki tuayame kemɨtiterɨwaxɨ yumaamatsie ka'ayekaiku 'akuxi.

Nɨ'ariekate 5:31

Kakaɨyari yɨtɨrɨkariyakɨ kanenutiwitɨni yutserieta kaneyeni Ti'aitame meta Tiyuwikweitsitɨwame, mɨxepitɨanikɨ 'ixaheritsixi xemɨtehayewanikɨ kexemɨteyurie, xemɨteheuyehɨwiyarienikɨ.

Rukaxi 1:31

Hikɨri pe'ayehukatɨ pekanayeimɨkɨ, 'ukitɨme pekanitiniwemɨkɨ meta Ketsutsi pekatiniterɨwamɨkɨ.

Titu 2:14

Mɨkɨ kaniyuyetuani tahetsiemieme, mɨtatsixɨnakɨ 'inɨari temeutitsanaxɨaku, meta mɨtatsi'itienikɨ yuhetsiemieme teɨterimama temanayexeiyarie temakɨnekɨ, tetawaɨriyatɨ 'aixɨa temɨteyuriekakɨ.

Rukaxi 2:11

'Ikɨ tɨkaritsie tiyuwikweitsitɨwame kanetinuiwa xehetsiemieme, Rawiri kiekariena katineyɨni, Kɨritsitu kanihɨkɨtɨni, Ti'aitame kanihɨkɨtɨni.

1 Wani 1:7

Matsitsɨ hekɨaripa xɨka te'u'uwani mɨkɨ hekɨaripa makawe hepaɨ, tanaitɨ tekanitaxewikakuni, mɨkɨ meta, Ketsutsi Kakaɨyari nu'aya xuriyaya naime 'axatemɨteyurie katani'itirieka.

Tsakariyaxi 9:9

Waɨkawa keneyutemawieka, neniwe 'uka Tsiyuni. Keneutahiwani temawierikakɨ, neniwe 'uka Kerutsareme. Neuxei, mana pamie 'ahepa meti'aitɨwame, heitserie yamɨtikamie, tiyuwikweitsitɨwame meta mariwetɨ mɨkahayuyeitɨwa. 'Akanamieni puxutsie 'anakaitɨ, puxu temaikɨ hetsie, puxu 'ukaratsi nu'ayatsie.

Nɨ'ariekate 3:26

Kepauka, Kakaɨyari yuniwe 'anukuketɨaka, xehetsɨa meri kaneinɨ'ani 'aixɨa mɨxeyurienikɨ, yuxexuitɨ ta'aurie xemaxɨrienikɨ tita 'axaxemɨteyurie xeteku'eirieme».

Matsiɨkɨtɨ kemɨratɨa 7:14

Ne mɨpaɨ nekatinita'eiya: —Neuxei, matsi 'ekɨ yapepɨtimate. Mɨkɨ mɨpaɨ kanetiniutahɨawe: —Mɨkɨ mekanihɨkɨtɨni memu'axɨa waɨkawa metehekwineka. Yu'ixuriki mekaniuti'ekwa, meta mekanitituriya Muxa Nunutsi mumierie xuriyayakɨ.

Hepɨrayutsixi 7:25

'Ayumieme kaniyɨweni mɨwatawikweitsitɨanikɨ yuheyemekɨ mɨkɨ 'ahurawa memakɨka Kakaɨyari hetsɨa mɨkɨ waparewiekaku, yuheyemekɨ 'ayenieretɨ pɨyɨwe yamɨtiwawiriekakɨ wahetsiemieme.

Tanieri 9:24

»”Haika tewiyari heimana tamamata tsemanayari mepupitɨarie 'ateɨterima meta 'akiekari mɨpatsie para memɨtehayewakɨ 'axameteyurietɨ, memitawaunikɨ memɨteheuyehɨwiyarienikɨ ke'axamemɨte'uyuri, memitsutɨanikɨ kemɨtiheitserie meteyurietɨ yuheyemekɨ, kepemɨtiunierixɨ meta 'uxa'a warie kemɨtiyɨni kepemɨtiutaxatɨarie maye'anikɨ, meta patsiekame memayeitɨanikɨ tukita Waɨkawa Muyepatsietsie.

Keremiyaxi 23:6

Mɨkɨ tukaritsie Kura kwieyari kanitawikweitsitɨariemɨkɨ, 'ixaheritsixi yu'iyarikɨ mekaniu'uwakuni. 'Ipaɨ pɨtitaterɨwarieni: “Yawé tatsiwikweitsitɨwame pɨhɨkɨ”».

Tsutɨarika 18:10

Hikɨ xewitɨ mɨpaɨ katinitahɨawe: —Xeiwiyari 'anuyeyayu tawarita nepɨmatsiha'iwatamie, 'ana 'a'ɨya Tsara nunutsi kanexeiyakamɨkɨ. Tsara kanita'enakaitɨni yu'ixuriki kiiyari hɨxie, mɨyamɨtikuxatakai waritana yateewa pɨti'enakai.

Rukaxi 1:13

Hikɨ niuki tuayame mɨpaɨ katinitahɨawe: —Pepɨkamaka, Tsakariyaxi 'aku, 'anenewieri kaniu'enierieni. 'A'ɨya 'Eritsaweti nunutsi kanayexeiyamɨkɨ 'aniwetɨme, Wani pekatiniterɨwamɨkɨ.

Keremiyaxi 33:16

'Iya tukaritsie Kura kaniwikweitsitɨariekamɨkɨ, meta Kerutsareme 'aixɨa 'iyari kaniuyeikamɨkɨ. Mɨpaɨ katiniuterɨwarɨwamɨkɨ: ‘Yawé tahetsiemieme tita mɨtiheitserie pɨhɨkɨ’ ”.

Tsutɨarika 17:19

Kakaɨyari mɨpaɨ katinita'eiya: —Tsara nepɨxata 'a'ɨya xeime nunutsi payexeiya 'aniwetɨme, 'Itsahaki pekatiniterɨwamɨkɨ. Mɨkɨ hamatɨa netɨratu payeyurini meta nuiwarimama wahetsɨa, tɨratu yuheyemekɨ mieme mɨhɨkɨkɨ.

Tsutɨarika 17:21

Matsi netɨratu 'aniwe 'Itsahaki hetsie kanayeyurikamɨkɨ, Tsara peyexeiya yurika 'epauka xeiwiyari 'anuyeyayu.

'Itsɨkate 13:3

Peru niuki tuayame Yawé hetsɨa mieme matsiɨkɨme kanayuyeitɨani hɨxiena mɨpaɨ katinitahɨawe: «'Ekɨ pemɨkaniwewe, tɨɨri pemɨwarayexeiya pemɨkayɨwe, peru pepɨtihukata 'ukitɨme pepɨtiniweni.

1 Tsamuheri 1:20

Hana kaniutihukata, xeiwiyari hanuyeyaku xeime nunutsi 'ukitɨme kanayexeiya, Tsamuheri katiniterɨwa, mɨpaɨ 'utayɨka: «Yawé nemutawawirikɨ».

Mateu 1:25

Peru pɨka'ikumaɨwakai, 'arikeke yumexɨakame nunutsi 'utinuiwitɨakuke, hikɨ Ketsutsi pɨtiterɨwaxɨ.

Wani 4:42

Mɨpaɨ 'ukaratsi mekateniutahɨawe: —Hikɨrixɨa 'aniukikɨ xeikɨa yuri tepɨkate'erie, tameri tekani'enieni, tekatenimaika 'ikɨ yurikɨ kwiepa memɨtama wawikweitsitɨwame mɨhɨkɨkɨ.