Mateu 1:2 - Kakaɨyari Niukieya

² 'Apɨrahami, 'Itsahaki, kanipaapayatɨkaitɨni. 'Itsahaki, Kakuwu, pɨpaapayatɨkai. Kakuwu, Kura pɨpaapayatɨkai meta 'iwamama.

Mateu 1:2 ပူးပေါင်းရင်းမြစ်များ

Nɨ'ariekate 7:8

Xitekiya 'inɨariyari 'ipitɨatɨ kanitawewirieni tɨratu. Hikɨ kepauka 'Apɨrahami 'Itsahaki memayexei, 'atahairieka tukaritsie pi'inɨaritaxɨ 'ixitetɨ, 'Itsahaki meta Kakuwu pu'inɨaritɨa, Kakuwu meta mɨpaɨ tiwaruyuri tamamata heimana yuhutame tatewarima.

Tsutɨarika 25:26

'Utɨmanata mutinuiwaxɨ yu'iwa 'Etsahu keputsayatsie 'awietɨ kaniutinuiwa. Mɨkɨ Kakuwu mekateniterɨwa. Kepauka mɨkɨ tɨɨri yuhutatɨ memutinunuiwaxɨ 'Itsahaki haika tewiyari wiyari kanexeiyakaitɨni.

Matsiɨkɨtɨ kemɨratɨa 7:5

Kura nuiwarieyatsie miemete tamamata heimana huta miriyari mekaniutseyumarieni, Xuweni nuiwarieyatsie miemete tamamata heimana huta miriyari, Kari nuiwarieyatsie miemete tamamata heimana huta miriyari,

Hepɨrayutsixi 11:11

'Apɨrahami yuri mɨti'eriekaikɨta, Tsara hamatɨa tɨrɨkariya mepupitɨarie nunutsi mehexeiyatɨ memakɨnekɨ, tsepa tukarieya manutitɨa tsepa mɨ'ukaratsitɨkai, mɨpaɨ pɨtiuyɨ yatikamiekame mɨ'eriekaikɨ kemɨ'ane mɨpaɨ mɨtitahɨawixɨ kename mɨpaɨ tipitɨanikekai.

Kitsariyaxi 51:2

'Apɨrahami xekeneuxeiya, yupaapa, meta Tsara, mɨxe'utiniwexɨ. Kepauka ne nemenayexei, puyuxaɨtatɨkai, peru ne 'aixɨa nepiyuri, mɨtamɨirekɨ.

Kitsariyaxi 41:8

«Peru 'ekɨ, 'Ixaheri, neti'uximayatsiriwame, 'ekɨ Kakuwu, nemɨmatsi'anayexei, 'Apɨrahami nehamiku nuiwarieya.

1 Kemɨtiuyɨ 1:34

'Apɨrahami meta 'Itsahaki paapaya kanayani. 'Itsahaki niwemama mekanakɨne 'Etsahu meta 'Ixaheri.

1 Kemɨtiuyɨ 1:28

'Apɨrahami niwemama: 'Itsahaki meta 'Itsimaheri.

Hepɨrayutsixi 7:14

Kanimatsiɨkɨni Tati'aitɨwame Kuratsie mɨyetɨakɨ, tsepa mɨkɨ nuiwari hepaɨtsita Muitsexi 'atsimɨkahainekai kename memawari wewiwametetɨnikeyu.

Tsutɨarika 25:19

'Ikɨ 'Itsahaki kemuyɨ pɨ'ɨxatsiyari, 'Apɨrahami nu'aya.

'Inɨatsie 1:26

Kura xiɨyarimama mekanaka'utsieni kemɨ'ane memɨtehaniwema meta memɨtehaxiɨyarima, kehepaɨ memɨte'ununuiwaxɨ. Yunaitɨ 'ukitsi xeitewiyari wiyari memɨhɨtɨkatei mekanaka'utsieni kuyakɨ 'aixɨa memɨ'anene.

Mateu 1:1

'Inɨari kanihɨkɨtɨni 'ikɨ. Nuiwarite mekani'inɨarini, Ketsutsi Kɨritsitu kemɨ'ane mɨxiɨyarieyatɨkai. Rawiri kanitutsieyatɨkaitɨni, meta 'Apɨrahami:

Mateu 1:3

Kura, Paretsi meta Tsara pɨwapaapatɨkai meta Tamaxi pɨwamaamatɨkai. Paretsi, Hetsirumi pɨpaapayatɨkai. Hetsirumi 'Arami pɨpaapayatɨkai.