Mateu 1:1 - Kakaɨyari Niukieya

¹ 'Inɨari kanihɨkɨtɨni 'ikɨ. Nuiwarite mekani'inɨarini, Ketsutsi Kɨritsitu kemɨ'ane mɨxiɨyarieyatɨkai. Rawiri kanitutsieyatɨkaitɨni, meta 'Apɨrahami:

Mateu 1:1 ပူးပေါင်းရင်းမြစ်များ

Tsutɨarika 22:18

Yemekɨ kenematiutahɨawixɨ yapemɨtikatɨakɨ, yunaitɨ nuiwarite kwiepa memɨtama 'aixɨa mepɨ'itɨarieka 'anuiwarima wahekɨ.

Karatsiyatari 3:16

Merikɨte, 'Apɨrahami, meta kemɨ'ane hetsiena mɨyeyanikekai, kemaine 'utɨarikayari, mɨkɨ mɨpaɨ mepɨte'utahɨawarie tita wahetsie mɨtinakenikekai. Mɨkɨ yumɨireme pɨkawaxatakai hetsiena memɨyekɨnekekai. Yuxewime pɨta kanixatakaitɨni hetsiena mɨyeyanikekai, Kɨritsitu xatatɨ.

Xumatari 1:3

yuniwe xatatɨ, tewi hɨkɨtɨtɨ, nu'aya kaniutinuiwa Rawiri hetsie mɨyetɨa.

Matsiɨkɨtɨ kemɨratɨa 22:16

»Ne, Ketsutsi, neniuki tuayame nekanenɨ'ani mɨpaɨ mɨtixehekɨatɨanikɨ hakewa xemeyutixexeɨriwa. Ne nana nekanihɨkɨtɨni Rawiri hetsie nemɨyenuiwaxɨ, xurawe mɨxawatɨ ximeri paitɨ manatineika».

Nɨawari 132:11

Yawé Rawiri mɨpaɨ katiniuhɨritɨani mɨkɨ yapɨtikayani pɨka'ipata: «Xeime 'anuiwaritɨme 'a'uwenitsie nekanayemɨkɨ.

Keremiyaxi 23:5

Yawé mɨpaɨ kanaineni: «Tukari kanamieni, kepauka Rawiri nuiwarieyatsie xeime 'aixɨa tiuka'iyarime nemanukuketɨanikɨ, mɨkɨ katinita'aitamɨkɨ timaiwetɨ 'ikɨ kwieyaritsie, yakatiniyurienemɨkɨ tita mɨtiheitserie meta 'aixɨa mɨti'ane.

Kitsariyaxi 11:1

'Itsahi kutsunuyaritsie xewitɨ yɨrari kananemɨkɨ, mɨkɨ yɨrari nanaritsie kananemɨkɨ.

Wani 7:42

Tamɨ 'utɨarika mɨpaɨ karanuyɨne, Kɨritsitu Rawiri pɨxiɨyarieyatɨni, kiekaritsie Rawiri manukateitsie pɨtinuiwa Werenitsie».

Tsutɨarika 12:3

Ne 'aixɨa nepɨwayurieka kemɨ'ane 'aixɨa memɨmatexeiyani, meta 'axanepɨwayurieni kemɨ'ane 'axamemɨmatsiyurieni. 'Ekɨ 'akɨmana 'aixɨa mepɨ'itɨarieka yunaitɨ nuiwarite kwiepa memɨtama».

Nɨ'ariekate 2:30

Tixaxatame pɨhɨkɨtɨkai meta katinimaikaitɨni kename Kakaɨyari 'ɨyɨhɨritɨa heitseriemekɨ mɨpaɨ 'utaitɨ, xewitɨ Rawiri hetsie mɨyeyanikekai heitserie pɨpitɨarienikekai Kɨritsitutɨtɨ, pikayenikekai 'uwenieya mɨra'aitatsie.

Mateu 1:18

Merikɨtsɨ mɨpaɨ katiniuyɨni kepauka Ketsutsi Kɨritsitu mutinuiwaxɨ: Mariya mɨmamayatɨkai Kutse matɨa mepɨyutiwitɨnikekai, peru mekayutiwitɨwetɨ 'akuxi, mɨkɨ kaniutihukata, 'Iyari Mɨtiyupata ya'ane 'ipitɨaku.

Kitsariyaxi 53:8

Hikɨ me'iwiyakari meta me'itaxanetaka, mekanimieni, xewitɨ pɨkayuti'iyaritɨa nuiwarieya hepaɨtsita mukumawerekɨ. Kanawitekieni 'ena kwiepa teɨteri memanu'uwatsie, kaniukuweiyaxɨani teɨteri 'axamemɨte'uyurikɨ.

Xumatari 9:5

Tapaapama mepɨwa'ukiyarima, watsatata kanimiemetɨni kemɨ'ane heitserie mupitɨarie Kɨritsitu hɨkɨtɨtɨ, kemɨtiunuiwaxɨ. Mɨkɨ naime ti'aitame Kakaɨyari kanihɨkɨtɨni. 'Aixɨa ketikuxaxatsiwani yuheyemekɨ. Mɨpaɨ xeikɨa pɨ'ane.

Xumatari 4:13

Kepauka 'Apɨrahami mɨpaɨ mɨtiutahɨawarie, niwemamata, kename wahetsie tinakekekai naitɨ kwie, 'inɨari niukiyari hexeiyatɨ mɨpaɨ pɨkatiutahɨawarie. Heitserie 'upitɨarieka pɨta yuri mɨtiuta'erikɨ, mɨpaɨ pɨtiutahɨawarie.

Mateu 15:22

Hikɨ mana 'uka Kanani kiekame, mɨkɨ kwieyaritsie heyeyaka, hepana kaniuyani mɨpaɨ 'utaitɨ: —Kenenenenimayaka, Ti'aitame, Rawiri pemɨnu'aya. Neniwe 'uka waɨkawamekɨ pɨtiuka'eniwa, kakaɨyari 'axamɨ'ane 'inɨkaku.

Mateu 9:27

Merikɨtsɨ kepauka Ketsutsi mana mɨyetɨa, yuhutatɨ memɨkaheuneniere mekanenukuweiya, mɨpaɨ mete'uhiwatɨ: —Ketaneutinenimayata, Rawiri pemɨnu'aya.

Keremiyaxi 33:26

hikɨ ne nepuwarexɨrienikeyu Kakuwu xiɨyarimama meta neti'uximayatsiriwame Rawiri, xeime nepɨka'anayexeiyakekai nuiwarieya mɨti'aitanikɨ 'Apɨrahami, 'Itsahaki meta Kakuwu xiɨyarimama wahetsie. Peru ne 'aixɨa me'itɨariekame nekaniwarayeitɨamɨkɨ nekaniwatinenimayatamɨkɨ”».

Tsutɨarika 2:4

Kepauka mɨtiutiwewiya muyuawi meta kwie, 'ikɨ pɨ'ɨxatsiyari. Kepauka Yawé Kakaɨyari muyuawi meta kwie mutiwewi,

Mateu 3:16

Hikɨ Ketsutsi 'uka'ɨyarieka, kwitɨ hapa 'anatiyaku. 'Ana taheima muyuawitsie katineuyepiere, hikɨ mɨkɨ Kakaɨyari 'Iyarieya kaniuxeiya heimana 'akamiekame kukuru hepaɨ 'anetɨ, hetsiena yuhayewake.

Tsakariyaxi 12:8

»'Iya tukaritsie ne, Yawé, Kerutsareme kiekatari wahetsie nepɨtanuani. Mana kiekame yemekɨ mɨkatɨrɨkaɨye Rawiri hepaɨ pɨtitɨrɨkaɨyeni, meta Rawiri nuiwarimama Kakaɨyari hepaɨ mepɨ'aneni, niuki tuayame Yawé hetsɨa mieme hepaɨ teɨteri muwaruwitɨxime.

'Amuxi 9:11

»Mɨkɨ tukaritsie nekanenukuketɨamɨkɨ Rawiri kiiya matiwe. Kemɨtiukatsitsini 'aixɨa nekaniyurimɨkɨ, mɨti'u'uni 'aixɨa nekatinitiyurimɨkɨ 'aixɨa nekatinitiyurimɨkɨ meripaitɨ kemɨti'anenekai,

Tsutɨarika 5:1

'Ikɨ 'Arani nuiwarimama mekanihɨkɨtɨni. Kepauka Kakaɨyari tewi mutawewi, yuhepaɨ 'aneme putawewi.

Nɨawari 89:36

Nuiwarimama yuheyeme nepɨwa'ɨwiyani, 'uwenieya 'apuweni tau hepaɨ pɨreutere nehɨxie.

Nɨawari 89:3

Mɨpaɨ peputayɨ: «Ne tɨratu nepuwewi nemenayexei hamatɨa, Rawiri mɨpaɨ yurikɨ nepɨtiutahɨawixɨ neti'uximayatsiriwame:

Mateu 1:2

'Apɨrahami, 'Itsahaki, kanipaapayatɨkaitɨni. 'Itsahaki, Kakuwu, pɨpaapayatɨkai. Kakuwu, Kura pɨpaapayatɨkai meta 'iwamama.

Rukaxi 1:33

'Ixaheritsixi teɨteriyari katiniwata'aitɨamɨkɨ yuheyemekɨ. Kemɨtita'aita pɨkaheutipare hatsuaku.

1 Timuteu 2:5

Kakaɨyari kaniyuxewini meta niukame puyuxewi kemɨ'ane Kakaɨyari mɨkɨhɨawe meta teɨteri, tewitɨtɨ Kɨritsitu Ketsutsi,

2 Timuteu 2:8

Kena'eriwani Ketsutsi Kɨritsitu, mɨkɨ mɨkite watsata nanukuketɨarieni, Rawiri nuiwarieya. Mɨpaɨ paine niuki 'aixɨa manuyɨne kenemɨtikuxata ne.