Kwikari 8:5 - Kakaɨyari Niukieya

⁵ ¿Kemɨ'ane pɨyɨane makumawetsie matimie 'uki minaki'erie hetsie rawiyatɨ? Xikɨti hetɨa nepɨmatsi'anutahɨtɨa, mana 'amaamatsie pepɨkaya, meta manatsiere pɨmatsi'utiniwexɨ.

Kwikari 8:5 ပူးပေါင်းရင်းမြစ်များ

Kwikari 3:6

¿Titatihɨkɨ makumawetsie mɨretineika kɨtsi 'amuweni hepaɨ tiyuxexeiyatɨ, mixaxi meta 'ɨkwa witsimu'ɨa tsata, meta waɨkawa witsimu'ɨatɨka nɨtɨ?

Kitsariyaxi 40:3

Xewitɨ kanahiwani: «Makumawetsie huye xekeneukuha'aritɨa Yawé hetsiemieme, mu'ayepariyatsie kwie xekeneutihɨniya huye 'aixɨa xekeneuyuri takakaɨyari hetsiemieme.

Kwikari 2:3

'Uki neminaki'erie kepauka hipame 'ukitsi watsata muyeika, xikɨti 'ɨtsitsata mɨkawe hepaɨ katiniyuxexeiyani. Kaneninakeni hetɨana nemɨ'etɨpieka, witsikatinakakani takariyari.

Nɨawari 63:8

Ne'iyari yuheyemekɨ 'ahetsie pɨtiwiya, 'amamá 'atserieta mieme pɨnetsikuhana.

Mikeyaxi 3:11

Wa'itsɨkate metepitɨarietɨ xeikɨa 'aixɨa mepɨteyurie, wamawari wewiwamete mepɨwa'ɨxatsitɨa meteyuwiyatɨ, meta wakakaɨyari niukametemama tuminikɨ xeikɨa mekatenikuxatani kemɨtiyɨni, 'imatɨrieka matsi, Yawé hetsie mekaniyutɨrɨkariyani, mɨpaɨ mekaniutiyuaneni: «¿Tamɨ Yawé tahamatɨa katiuyeika? Tame hawaikɨ 'axatepɨka'itɨarieni».

Kwikari 6:10

¿Kemɨ'ane 'ikɨ pɨyɨane witsi'anetɨ tau 'ɨrɨya hepaɨ? Witsikani'aneni metsa hepaɨ, xawatɨtɨ tau hepaɨ, mariwetɨ xurawetsixi muyuawitsie memeukatei wahepaɨ.

Kwikari 3:4

Mɨya netiwaru'iwawiyakake nekanikaxeiya 'uki neminaki'erie. Nekanitapa, neka'itatuayatɨ, nemaama kie nekaneiwitɨkɨni, kiita paitɨ hakewa nemaama mɨnetsiwatiniwexɨtsie.

1 Pekuru 1:21

Yuri xepɨte'erie Kakaɨyari Kɨritsitu hetsie yatixepitɨakaku, xeme xehetsiemieme, Kakaɨyari kanenukuketɨani mɨkite watsata, witsi'aneme kanayeitɨani yuri xemɨte'eriekakɨ, meta kexemɨteta'ikwewani.

Wani 13:23

Xewitɨ tiyɨ'ɨkitɨwame Ketsutsi 'aurie kaniukateitɨni Ketsutsi minaki'eriekai.

'Utseyaxi 12:4

Niuki tuayame putami pe'iwaxɨ, putatsua pitawawiri 'aixɨa miyurienikɨ. Weteri pikaxei, mana hamatɨana pɨtiutixa,

Keremiyaxi 2:2

«Kenemie Kerutsareme kiekatari mɨpaɨ ketiniwaretaxatɨa Yawé mɨpaɨ kanaineni: »“Nepa'eriwa matɨari 'ɨimariyari kepemɨnetinaki'eriekaitsie, 'anaki'eriyakɨ kepauka nemetsi hewitɨtsie, kepauka makumawetsie pemɨnetsi'uweiyakai, 'iya kwietsie 'etsiya mumawetsie.

Kitsariyaxi 43:19

Hekwame nekatininetɨamɨkɨ. 'Ari yakatiniyɨaneni, ¿Kari xepɨkatemate? Makumawetsie huye nekaniwewieneni, meta nitixaɨtɨ mɨkaranuyeikatsie haixa nekaniwewieneni.

Kwikari 8:1

Xɨka ne'iwa pehɨkɨtɨnike, nemaama tsitsieyatsie pemutawerixɨ. Kepauka nemɨmatsi'anukunake kiekaritsie nepɨmatsiku'itsewenikeyu, xewitɨ pɨkayɨwenikeyu kename 'axaneyɨane mɨnerahɨaweni.

Kwikari 3:11

Xekeniwayekɨni 'ukarawetsixi Tsiyunitari. Ti'aitame Tsarumuni xekenexeiyani. Yumu'utsie kanenamaka Kuruna maamaya menamaniri kepauka mutineɨkixɨtsie mieme kepauka 'iyarieya muyutemawiekai.

2 Kemɨtiuyɨ 32:8

Mɨkɨ teɨteri wahetsie kaniuyukutɨrɨkariyani, tameta Yawé takakaɨyari hetsie tekaneuwaɨreni, mɨkɨ kataniparewieka meta mɨkɨ pɨta kaniuyutamemiwani tahetsiemieme». 'Etsekiyaxi niukieya me'u'enieka Kura kwieyaritsie ti'aitame, 'ana teɨteri wa'iyari 'aixɨa kaniuyɨni.

Matsiɨkɨtɨ kemɨratɨa 12:6

Hikɨ 'ukaratsi kaniuyuta'una makumawetsie paitɨ, hakewa Kakaɨyari meikuha'aritɨiri mana me'ɨwiyariekakɨ xeimiriyari heimana huta tsienituyari heimana haika tewiyari tukari.

Karatsiyatari 4:19

Xeme xepɨneniwema, peru xehetsiemieme tawarita nekatinikwineni 'ukaratsi mɨtiniwerɨme hepaɨ, mexi'akuxi Kɨritsitu hepaɨ xe'anenetɨ xetiwerirɨme.

Xumatari 7:4

Mɨpaɨta yaxeikɨa, xeme ne'iwama, Kɨritsitu yuwaiyaritsie mumieriekɨ, xemeta xekaniukwi'iwa 'inɨari niukiyari 'atsimɨkahainenikɨ xehepaɨtsita. 'Ayumieme xeimetsie xepɨtewiya, kemɨ'ane mɨkite watsata manukuketsie, Kakaɨyari hetsiemieme temutixuxuawerenikɨ.

Kitsariyaxi 36:6

Neuxei, 'ekɨ 'Ekipitutsie pemɨtiwiya, mɨkɨ 'itsɨ mɨxainitsie, xɨka hetsiena perawiya manumure meta mɨtiwakwinitɨa kemɨ'ane mana memɨtehawiwiya. Mɨkɨ Parahuni kanihɨkɨtɨni ti'aitame 'Ekipitu kiekame, kemɨ'ane hetsiena memɨtewiya wahetsiemieme.

Kwikari 4:8

Hikɨmɨ tepanukakɨne Riwanu hɨriyaritsie, 'uka nemɨmatsihɨawene, Hikɨmɨ tepanukakɨne Riwanutsie. Kenanakaye'a 'Amaná hɨriyari 'amanutitewitsie, Tsenixi meta Heximuni yekɨrita. Kenanakaye'a hakewa mayetsi meme'uwatsie, mɨkɨ hɨritsie hakewa tɨwexi memayu'eririya wakietsie.

Nɨawari 63:9

Kemɨ'ane memɨnetsimieku mepɨka'unarieni, kwieta meukatewatsie mepɨkayune.