Kwikari 7:7 - Kakaɨyari Niukieya

⁷ Kwinie peputewi takɨ 'amɨtɨtɨ hepaɨ, meta 'atsitsi huta takariyarieya pɨhɨkɨ.

Kwikari 7:7 ပူးပေါင်းရင်းမြစ်များ

Kwikari 4:5

'Atsitsi yuhutatɨ maxatsi yeutari wahepaɨ mepɨteyuxexeiya, 'ɨimari niwemama yuhutame muwarayexei memɨtekwatɨwe tuturi texuxuritsata.

'Epetsutari 4:13

Mɨpaɨ tekatenipitɨarieka mexi te'aye'axɨaxime tanaitɨ temɨtaxewinikɨ yuri ketemɨte'erie Kakaɨyari nu'ayatsie, ketemɨteheitima. Mɨpaɨ tekatenipitɨarieka tewi maye'awe temakɨnekɨ, temɨtsetseɨyenikɨ Kɨritsitu kemɨraye'awe hepaɨ, mɨkɨ Kɨritsitu ta'inɨaritɨkaku.

'Epetsutari 3:17

mɨkɨ meta, kexepitɨaka Kɨritsitu xe'iyaritsie mɨyekanikɨ yuri xete'eriekaku. Xeteyukanaki'erietɨ xekenetseiriyarieka, kɨye kemɨtitse'i hananatɨ, kii kemɨtitse'i tetsariyatsie wetɨ.

Kitsariyaxi 66:10

Matsi Kerutsareme hamatɨa xekeneyutemamawieka, kemɨ'ane yunaitɨ xeminaki'erie, hamatɨana xekeneutitsukwakani temawierikakɨ, yunaitɨ kemɨ'ane xemutitsuanakai hamatɨana.

Kwikari 1:13

'Uki neminaki'erie, mixaxi witsimu'ɨa purutsata mɨyeka hepaɨ kani'aneni, netawitsie kaneukukutsuni neheikukwekaku.

Nɨawari 92:12

Takɨ hepaɨ mepɨte'uxutuwe 'aixɨa memɨte'u'iyari, kariuxa Riwanu mieme hepaɨ mepɨte'uwawere.

Kwikari 8:8

Kwinimieme yemekɨ 'etsipuyumate tataru 'uka 'akuxi tsitsiteya pɨkahanexɨawawe. ¿Keteteyurieni xɨka ta'iwa 'uta'iwaurieni?

Kwikari 7:8

Ne mɨpaɨ nepɨtiuyɨhɨawixɨ: «Nekananutimakimɨkɨ takɨ 'amutewitsie, takariyari nepiini netinayeitɨamɨkɨ». 'Atsitsi kaxie takari hepaɨ ke'aneneni, manitsana hepaɨ peke'ɨ'ɨaka,

Kwikari 7:3

'Atsitsi maxatsi tɨɨrixi yuhutatɨ wahepaɨ mepɨteyuxexeiya, maxa 'ɨimari yuhutame yuniwema muwarayexeiya hepaɨ.

Keremiyaxi 10:5

»Wakakaɨyarixima mepɨkaniuwawe, 'ewieri wikixi wamariutame hepaɨ mepɨtematsiɨkɨ xutsi ma'etsietsie muwe hepaɨ. Peuyewetse memɨkɨtɨkietɨweni memɨka'ɨkɨniwawekɨ. Xepɨkawamakarɨka, 'axamemɨxe'uyurieni mepɨkayɨwawe, metatsiere 'aixɨa memɨxe'uyurieni».

Kwikari 7:6

Yemekɨ kwinie pepɨti'ɨimari, 'uka nemɨmatsinaki'erie, 'ukaratsi witsipemɨtiuka'iyari pepɨhɨkɨ.

Kwikari 1:15

Kwinimieme pepɨti'ɨimari, 'uka nemɨmatsinaki'erie. Witsipepɨ'ane. 'Ahɨxite, kukuruxi memɨyuhuta wahepaɨ pɨtiyuxexeiya.