Kwikari 7:1 - Kakaɨyari Niukieya

¹ 'Uka ti'aitame pemunu'aya witsipemɨti'ɨimari, witsipɨtiyuxexeiya 'a'ɨkate kakaitsie heutawetɨkaitɨ. Witsipemanupe, nakɨtsa hepaɨ pɨ'ane 'aixɨa reutamaiwetɨ mitiwewiwa hepaɨ.

Kwikari 7:1 ပူးပေါင်းရင်းမြစ်များ

Nɨawari 45:13

'Uka witsimɨti'ɨimari 'aixɨa katiniyuxexeiyani, yukiita wayemietɨ hurukɨ 'utixawatɨretɨ 'iwieya reuxuiyakaku.

Kurutsetari 2:19

tamu'utsie katiwiyatɨ. Peru mɨkɨ tamu'utɨtɨ kanihɨkɨtɨni kemɨ'ane mɨtimikwa yuwaiyari, turuyarikɨ tatayarikɨ kanitaxewiriyani yuwaiyari mɨtawerekɨ, Kakaɨyari kemɨtiweriya.

Piriputari 1:27

Tsepa xemu'uximatɨarie, yaxeikɨa xeketeneyurieka, kemɨreuyewetse yamɨtiyurienenikɨ heixeiyatɨ niuki 'aixɨa manuyɨne Kɨritsitu hepaɨtsita, mɨpaɨ xeketeneu'uwani. Xɨka mɨpaɨ xeteyurieka, tsepa xehetsɨa nemeyeika nexexeiyatɨ, tsepa 'ateewa paitɨ nemeyeika ne'enatɨ xehepaɨtsita, mɨpaɨ nekatinimaikamɨkɨ xemɨyutseiriyakɨ 'iyari xehexeiyatɨ mɨyuxewi, yaxeikɨa xeteku'eriwatɨ yunaitɨ xemɨyukwitɨwekɨ kapa xe'unawaiyarienikɨ titatsie yuri xemɨte'erie niuki 'aixɨa manuyɨne kemaine,

'Epetsutari 6:15

Yukakaitsie kemɨreukexɨa, xemeta xekeneyukuha'aritɨaka niuki 'aixɨa manuyɨnetsie xetewiyatɨ, 'aixɨa ketemɨtexeiyarie manuyɨnetsie.

2 Kurinitutari 6:18

«Ne xe'ukiyari nekanihɨkɨtɨkamɨkɨ, xemeta neniwema 'ukitsi 'ukari xepɨhɨkɨtɨni, mɨpaɨ kanaineni Ti'aitame Naimekɨmɨtɨrɨkaɨye».

Rukaxi 15:22

Paapaya matsi mɨpaɨ katiniwarutahɨawe te'uximayatamete: “Xeiya 'aixɨa, 'ixuriki matsi 'aixɨa mɨ'ane xekenanakatɨtɨa, hanira xekenakamaniri mamayatsie, meta xekeneukakaitɨaxɨa.

Tanieri 2:32

Tewi 'ɨkiyari mu'uya huru xeikɨa kanihɨkɨtɨkaitɨni, tawieya meta mamateya pɨrata xeikɨa pɨhɨkɨtɨkai, hukaya meta teuriteya wurunitse xeikɨa kanihɨkɨtɨkaitɨni,

Memeyekɨ 35:35

Pɨwarupitɨa waɨkawa memɨtemaiwawenikɨ memɨtetiwewiwanikɨ tinaime, muxa huxarieyakɨ memɨteheutawewiwawenikɨ, mɨyɨtsikimaɨyekɨ, kwimɨxetakɨ, meta mɨxetakɨ, metatsiere rinu 'ixurikiyarikɨ. Mepɨteheutatsaiwawe yemekɨ mepɨtemate tsepa tita mɨtiutawewi.

Memeyekɨ 28:15

»Tawitsie mieme kuka heitserie mɨtikuxata, pepitawewieni tixukame hurukɨ, hiru mɨyɨtsikimaɨyekɨ, kwimɨxetakɨ, mɨxetakɨ rinu 'aixɨa mɨ'anekɨ, yaxeikɨa rewewiyakame kamixa 'etsimɨnena hepaɨ.

Memeyekɨ 28:42

»Metatsiere weruxi keniwarutiwewiri 'etɨtɨme wateurite mɨnakakɨ meta memayɨhɨayatsie 'atɨkaime.

Kwikari 7:2

'Axɨtemutsi tekɨxi hepaɨ pɨ'ane winu witsi'anetɨ mɨhɨne hepaɨ pɨ'ane. 'Ahuka tɨriku hɨriyari hepaɨ pɨ'ane waritana tuturi 'atsutsena mahane.

Tsutɨarika 32:3

Hikɨ Kakuwu kaniwarenɨ'ani yuteɨterima 'Etsahu hetsɨa, Tsehixi kwieyaritsie paitɨ, 'Erumi mɨrakutewatsie.