Kwikari 6:2 - Kakaɨyari Niukieya

² 'Uki neminaki'erie kaneyani yuharawerita, waritsamu muye'etsietsie, muwa mɨtiwaikakɨ, tuturi 'atsutsena tipinike.

Kwikari 6:2 ပူးပေါင်းရင်းမြစ်များ

Kwikari 5:13

'Auriteya waritsamu 'etsiyari hepaɨ pɨ'anene, tupiriya witsimu'ɨatɨka 'etsiyari. Teniteya tuturite 'atsutsena kanihɨkɨtɨni muwa matineika mixaxi.

Matsiɨkɨtɨ kemɨratɨa 7:17

Karikɨ Muxa yu'uwenitsie 'akaitɨ mɨkɨ pɨwa'ɨwiyani muxatsi wahɨweme hepaɨ yɨanetɨ, pɨwarewitɨkɨni naitsarie haixa mukunenieretsie mana meharetɨ memayenenierenikɨ, meta Kakaɨyari naime wa'ukai kana'itiexɨamɨkɨ wahɨxita.

Wani 17:24

»Ne'ukiyari, keyupaɨmeme pemɨnetsiyetuiri, mɨpaɨ pɨnetinake, hakewa nemeyeikani, mɨkɨta nehamatɨa meme'uwanikɨ, memɨnetsixeiyakɨ witsine'aneme kepemɨnerayeitɨa. Karikɨ 'ekɨ pekaneninaki'eriekaitɨni kwie 'akuxi kanewekaku.

Wani 14:3

Xɨka neheyani, xɨka xehetsiemieme 'aixɨa nereyurieni mana, tawarita nekaninuamɨkɨ, nehetsɨa nekanixe'anuwitɨmɨkɨ, hakewa nemeyeikani xemeta mana xeme'uwanikɨ.

Mateu 28:20

xetewa'ɨkitɨatɨ yamemɨtekahunikɨ naime xeme kenemɨtixe'u'aitɨa. Yurikɨ mɨpaɨ xeketenemaika, netsietɨ tukarikɨ xehamatɨa nekaniuyeikamɨkɨ, kepaukake kwie meutipare. Mɨpaɨ xeikɨa kani'aneni.

Mateu 18:20

Karikɨ hakewa yuhutatɨ yuhaikatɨ memeyuxeɨrie menetsitahɨaweke, mana nepuyeikani watsata».

Tsupuniyaxi 3:17

Yawé 'akakaɨyari 'ahamatɨa kaniukani mɨkɨ kuya mɨrayu'iwa pɨhɨkɨ. Pɨyutemawieka 'ahetsiemieme, pɨmetsihekwariyani yunaki'eriyakɨ, kaniutakwikamɨkɨ yutemawietɨ 'ahetsiemieme

'Etsekieri 34:23

Hikɨ 'ana wahɨweme xeime wahetsɨa nepɨhɨani, neti'uximayatsiriwame Rawiri, mɨkɨ pɨwakɨhɨneni, mɨkɨ yuxewitɨ pɨwahɨwemetɨni.

Kitsariyaxi 61:11

Kwie kemɨtiyɨrariyawe, meta haraweri 'etsiya kemɨtitinenetɨwa, mɨpaɨ Yawé naimekɨmɨyɨwe katinitinetɨamɨkɨ tita mɨtiheitserie meta nɨawari yunaime nuiwarite wahɨxie.

Kitsariyaxi 58:11

Yawé yuheyemekɨ kamenikuwitɨnemɨkɨ, pɨmatsihuxaitɨaka kwie makuwakitsie, meta 'a'umeyarite kanititɨrɨkariyamɨkɨ. Haraweri 'aixɨa mɨtihatuiyarie pekanayeimɨkɨ, haixa pekanayeimɨkɨ mɨka'ukawauke.

Kitsariyaxi 57:1

Heitseriemekɨ 'amuyeika kanimɨmɨkɨ, xewitɨ hetsiena mieme pɨkayu'iyaritɨa, te'a'uximayatsiriwamete yamemɨtekahu mekanitakukuweni xewitɨ 'atsipɨkaretimamateke, heitseriemekɨ memu'uwa mekanitakukuweni 'axamɨti'anekɨ memɨkatekwinenikɨ.

Kitsariyaxi 40:11

Muxatsi wahɨweme yumuxatsima kemɨtiwa'ɨwiya hepaɨ, muxatsi tɨɨrixi kaniwaratɨkɨni, yutawie kaniwarutiyatsani, meta memɨhehekwa niwetɨka wakweriwayurietɨ kaniwaruwitɨximeni.

Kwikari 6:11

Nekaneyani kariu haraweriyari muyema nemɨtixeiyakɨ hekwamekɨ mayeweritsie mɨtiyɨyɨra, ne'ixeiyamɨtɨ kaxie mɨyɨyɨra, meta manitsana kɨyeyariteyari muxutu.

Kwikari 4:12

Haraweri tuturi muwa'etsie mɨreuname pekanihɨkɨtɨni, ne'iwa 'uka nemetsihahɨawe, haraweri tuturi muwa'etsie mɨreuname meta haixa manukaname pekanihɨkɨtɨni.

Kwikari 2:16

'Uki neminaki'erie nehetsiemieme kanihɨkɨtɨni, neta hetsiena mieme, mɨkɨ yumuxatsima kaniwarutihɨweni tuturi texuxuritsata.

Kwikari 4:5

'Atsitsi yuhutatɨ maxatsi yeutari wahepaɨ mepɨteyuxexeiya, 'ɨimari niwemama yuhutame muwarayexei memɨtekwatɨwe tuturi texuxuritsata.

Kwikari 4:16

Kenanutanieri, 'eka tayeta mieme. 'Eka tatsutɨa mieme, niwa kenaye'a. Neharawerita xekeneuka'ekawi, witsikemɨtiuye'ɨa xekeneutawiwiexɨa. Yuharawerita 'uki neminaki'erie kehamieni muwa mieme 'ikwaxi witsima'ane keha'inɨata.

Kwikari 5:1

Neharaweritari nekaninuani, 'uka ne'iwa nemɨmatsi naki'erie, muwa nepikaxei mixaxi waritsamu meta, muwa xiete kwaiyarikɨ ne'iyari paye'axe. Muwa nepikaxexeiya waɨkawa winu meta retsi, naitɨ 'ikɨ pɨtinehetsiemieme. Hamikutsixi, xeketenekwaka xeketene'ieka, xekeneutitarɨwai naki'eriyakɨ.