Kwikari 6:13 - Kakaɨyari Niukieya

¹³ Keneukunua, 'uka Tsurami kiekame keneukunua, keneukunua tahamatɨa keneuyeikani, tepɨmatsiheuxeiyaku. ¿Titayarikuta 'uka Tsunami kiekame xeteheuxeiyaku, neiya hutakɨa yu'utɨma mehewetɨkaikaku miemetsie hepaɨ?

Kwikari 6:13 ပူးပေါင်းရင်းမြစ်များ

Tsutɨarika 32:2

Kakuwu waruxeiyaka mɨpaɨ kaniutayɨni: «'Ena xɨari Kakaɨyari manuka pɨti'ane». 'Ayumieme mana Makanahini pɨtiuterɨwaxɨ.

Hepɨrayutsixi 7:2

Mɨkɨ 'Apɨrahami tita mɨtiwarunawairi naimetsie mieme yapaɨmeme tamamatatsie mieme xeime pɨtimi. Merikitsereki taniukikɨ «ti'aitame heitseriemekɨ yamɨtikamie» kananuyɨyeni, «tsaremetari tiwa'aitɨwame» kananuyɨneni meta, «ti'aitame 'aixɨa memɨteyuxeiyanikɨ mɨtiwapitɨa» kananuyɨneni.

2 Tetsarunikatari 1:10

kepauka munuani, kaninuamɨkɨtsɨ witsimɨtixeiyarienikɨ yuteɨterima wahetsie tiwiyatɨ, yunaitɨ yuri memɨte'uta'eri memɨhɨxiyanikɨ me'i'ixɨarietɨ 'iya tukaritsie, mɨpaɨ katiniyɨmɨkɨ yuri xemɨte'ita'eririkɨ tita temɨtehekɨatakai xehetsɨa.

Karatsiyatari 5:17

Tawaiyari katiniyukahiwe'erieka mɨkɨ 'Iyari kemɨkatiyukahiwe'erie. Meta 'Iyari katiniyukahiwe'erieka tawaiyari kemɨkatiyukahiwe'erie. Mekanayuye'unieka, yaxemɨkateyurienikɨ kexemɨteyuwaɨriya.

Xumatari 7:23

peru 'inɨari yɨkɨ 'aneme nepɨxeiya newaiyaritsie tiwiyame. Mɨkɨ 'inɨari, kenemɨtinemate 'inɨariyari hamatɨa mepuyukwitɨwe. Mɨkɨ 'inɨari 'axamɨ'ane newaiyaritsie mɨtiwiya pɨnetsi'uwi.

Xumatari 3:29

¿Kamɨtsɨ Kakaɨyari huriyutsixi xeikɨa tiwakakaɨyari? ¿Memɨkahuriyutsixita katiwakakaɨyari? Huu, memɨkahuriyutsixita kaniwakakaɨyaritɨni.

Wani 10:16

Hipameta muxatsi nepɨwarexeiya 'ikɨ xeikuraruyarita memɨkamiemete. Kaneuyeweka mɨkɨta nemɨwa'atɨanikɨ. Neniuki mekani'eniekuni, xeikuraruyari mehexeiyatɨ mekanakɨnikuni meta muxatsi wahɨweme xeime xeikɨa mehexeiyatɨ.

Wani 9:7

mɨpaɨ katinitahɨawe: —Kenemie, kene'ɨtaimamie haa mayema Tsiruhe mɨrakutewatsie (taniukikɨ Mutanɨ'arie mɨrakutewatsie). Hikɨ mana kaneyani, kananaka'ɨtaima, heunieretɨ 'ayaka, kanakunuani.

Rukaxi 15:10

Mɨpaɨ nepɨtixekɨhɨawe, yaxeikɨa Kakaɨyari hetsɨa miemete niuki tuayamete temawierika mekanexeiyani, kepauka xewitɨ mɨtihayewa 'axatiyurienetɨ».

Rukaxi 7:44

Hikɨ ta'aurie 'aweka, 'ukaratsi 'uxeiyaka, mɨpaɨ Tsimuni katiniutahɨawe: —¿Keneuxeiya 'ikɨ 'ukaratsi? Ne 'ahetsɨa nenuaku 'akiita, 'ekɨ haa pepɨkanetsi'uhanitɨa neketate nemɨtihauxinikɨ, mɨkɨ pɨta yu'ukaikɨ kanitihawiyatɨyani neketate, meta yɨkɨpatekɨ kanitiwatsiɨxa.

Keremiyaxi 3:22

«Xekeneu'axɨa, xemɨnetsi'uku'eiri, nepɨxeti'uayemani heitserie xemɨka'u'uwakɨ». «'Ena tepu'uwa, 'ahetsɨa teputi'axe, 'ekɨ Yawé takakaɨyari pemɨhɨkɨkɨ.

Kitsariyaxi 8:6

«'Ikɨ teɨteri memiku'eirikɨ Tsiruhe hayari kayuwatɨ muhane Xetsini hetsie pɨta memuyutemamawie meta Xemariyaxi nu'ayatsie,

Kwikari 2:14

Nekukuru pemeutuxa, 'ai mukatataritsie pemuyu'awieta, meta hɨri 'amɨtiumariwetsie paitɨ, kenanieri nepɨmatsixeiya, keneutaniu nepumatsi'enieni, 'aniuki 'aixɨa kanimayaka meta witsipekatini'axexeiyani.

Kwikari 1:6

Newaiyaritsie xepɨkanetsixeiyani nemɨyɨwikɨ, tau nenawiyari mɨyakaniuyurieni. Ne'iwama 'ukitsi mekaneniuyeheka, kaxie haraweriyari 'ɨwiyariyarikɨ mekaneniuta'aitɨani waɨriyarika, meta nekaxie 'aixɨa nepɨkatiɨ'ɨwiyaxɨ.

Nɨawari 76:2

Tsareme mɨrakutewatsie tukieya puwe, Tsiyuni pɨkiekariena.

2 Tsamuheri 17:24

Rawiri Makanahini hepa kaneyani, meta 'Awitsaruni kanenukuweiya, Kurutanitsie kananuyani 'ixaheritsixi yunaime warawitɨtɨ.

'Itsɨkate 21:21

kayuwatɨ xeketeneteni. Kepauka 'ɨimarixi Tsiru kiekatari meme'axɨani metekuneitɨwetɨ, kaxie makumanetsie xekenewayekɨni yuxexuime xekenewarenawa 'ukari xe'ɨitama memakɨnekɨ, 'anari xekenehu Wenikamini kwieyaritsie.

Tsutɨarika 49:10

Kura xewitɨ pɨka'inawairieni ti'aitame 'itsɨya, nuiwarimama yuheyemekɨ mepɨteta'aita. Kepaukake munuani yurikɨ ti'aitame, 'aixɨa mɨtiuka'iyari meuyewetse hɨxiena yamemɨtekahunikɨ kwiepa memɨtama.

Kwikari 6:12

'Atsinekareyutimaiwekaku, netemawierikakɨ kauka kaxetatsie nenekaya, takiekaritsie ti'aitame kaxetayatsie.