Kwikari 6:10 - Kakaɨyari Niukieya

¹⁰ ¿Kemɨ'ane 'ikɨ pɨyɨane witsi'anetɨ tau 'ɨrɨya hepaɨ? Witsikani'aneni metsa hepaɨ, xawatɨtɨ tau hepaɨ, mariwetɨ xurawetsixi muyuawitsie memeukatei wahepaɨ.

Kwikari 6:10 ပူးပေါင်းရင်းမြစ်များ

Kwikari 6:4

'Ekɨ 'uka nemɨmatsinaki'erie, witsipepɨti'ɨimari kiekari Tiritsa hepaɨ, witsipe'anetɨ kiekari Kerutsareme hepaɨ, pemɨmariwe xurawetsixi wahepaɨ.

Matsiɨkɨtɨ kemɨratɨa 12:1

Merikɨtsɨ 'inɨari matsiɨkɨtɨ kanayani muyuawitsie mariwetɨ: 'Ukaratsi mana kaniuwekaitɨni tau kamixayari 'anakatɨtɨ metseritsie 'awetɨ, meta yumu'utsie kuruna 'anamatɨ tamamata heimana huta xurawetsixi me'anakutetɨkaime

Kuwi 31:26

Tau xawatɨriyaya mariweme nepɨkahayeitɨwa, yatɨni metseri xawatɨriyaya,

Matsiɨkɨtɨ kemɨratɨa 22:5

Pɨkahekɨyɨyɨreniri mana, kɨxeme meta tau mɨwahekɨariwiyanikɨ mepɨkaheuyehɨaka, matsi Ti'aitame Kakaɨyari pɨwahekɨariwiyani. Yuheyemekɨ pɨti'aitametɨni tsepanetɨ xeitsienituyari wiyari manuyekɨka.

Matsiɨkɨtɨ kemɨratɨa 10:1

Hikɨ xeime niuki tuayame nekaniuxeiya tɨrɨkaɨyeme taheima 'akamiekame, haiwitɨri tsata yeweme. Kuwiwi mu'uya heima kaniuyekateitɨni, yɨhɨxie tau hepaɨ kanayexawatɨkaitɨni, meta 'ɨkateya tai 'amanutitetere hepaɨ pɨtiyuxexeiyakai.

'Epetsutari 5:27

Mɨpaɨ pɨtiuyuri yɨkɨmana, yɨhɨxie mɨwati'uitɨanikɨ memɨyutixexeɨriwa witsime'aneneme, mekaheukuyɨyɨwime, mekaheuwiwirawime, tsepa tixaɨtɨ mɨpaɨ mɨti'ane, matsi memɨpatsiekakɨ pɨta wahetsie mɨkarahɨiwanikɨ.

Mateu 17:2

Hikɨ mana wahɨxie yɨkɨ 'anetɨ kanayani, yuhɨxie kanayexawatɨre tau hepaɨ, meta 'ixurikieya tuxatɨ xawatɨtɨ kanayani.

Kitsariyaxi 58:8

Xɨka mɨpaɨ petikamieni, 'ahekɨariya panatineni tau 'ɨrɨya hepaɨ 'anetɨ, 'ana yapauka 'aixɨa pekatinika'erimɨkɨ, tita mɨtiheitserie 'ahuye kananutayepimɨkɨ, meta Yawé xawatɨriyaya kamenanukuweiyamɨkɨ.

Kwikari 3:6

¿Titatihɨkɨ makumawetsie mɨretineika kɨtsi 'amuweni hepaɨ tiyuxexeiyatɨ, mixaxi meta 'ɨkwa witsimu'ɨa tsata, meta waɨkawa witsimu'ɨatɨka nɨtɨ?

2 Tsamuheri 23:4

mɨkɨ hekɨariya ximeri mieme hepaɨ kani'anemɨkɨ, kahauhaiyakaku manatineika hepaɨ, wiyeri 'utɨa manatineika hekɨariwietɨ tupiriya kwiepa mɨtinenikɨ”.

Matsiɨkɨtɨ kemɨratɨa 22:16

»Ne, Ketsutsi, neniuki tuayame nekanenɨ'ani mɨpaɨ mɨtixehekɨatɨanikɨ hakewa xemeyutixexeɨriwa. Ne nana nekanihɨkɨtɨni Rawiri hetsie nemɨyenuiwaxɨ, xurawe mɨxawatɨ ximeri paitɨ manatineika».

Matsiɨkɨtɨ kemɨratɨa 21:23

Kiekari tau meta metseri mɨhekɨariwiekakɨ pɨkaheiyehɨwa, Kakaɨyari yuxawatɨrɨyakɨ pɨwahekɨariwiya, meta Muxa wahekɨariwiwame kanihɨkɨtɨni.

Xumatari 8:37

Mɨyatɨtɨ naime, kwini mieme tekatene'iwani 'ikɨ tinaime 'iya mɨtatsinaki'erie yatatipitɨakaku.

Mateu 13:43

Mɨkɨ heitseriemekɨ yamemɨtekahu pɨta memamariwawetɨ mekanakɨnikuni 'ana hakewa wa'ukiyari mɨre'aita, tau kemɨtimerɨkaɨye. Xewitɨ netɨ mu'enaxɨ, ke'u'ena.

Marakiyaxi 4:2

Peru xeme matsi xemɨnetsi'ayemakaxe xehetsiemieme, tita mɨtiheitserie nehetsɨa miemekɨ xepɨhekɨariyarieni, mɨkɨ hekɨariyakɨ xepanayexɨrieni. Hikɨ xeme xetixɨnarieme, xekanayekɨnikuni xe'utitsukwakatɨ tsikerutsixi memɨxɨxɨni hepaɨ 'ɨxapa.

'Utseyaxi 6:5

'Ayumieme nepɨxeheutaxɨriexɨa Kakaɨyari niukametemama newanɨ'akaku, nepɨxe'utiwa neniukikɨ. Kenemɨtixetaxaneta mimierɨkari hepaɨ pɨxeyurieni.

Kitsariyaxi 63:1

¿Kemɨ'ane pɨyɨane 'Erumi makamie, meta Wutsira makamie, 'ixuriki yɨtsikimaɨyeme 'anakatɨtɨ? ¿Kemɨ'ane pɨyɨane mɨkɨ witsimɨrekemari, yutɨrɨkarima mumie? «Ne nekaniyɨaneni, heitseriemekɨ nemɨtikuxata, tɨrɨkariya nemexeiya nemɨratawikweitsitɨanikɨ».

Kwikari 8:5

¿Kemɨ'ane pɨyɨane makumawetsie matimie 'uki minaki'erie hetsie rawiyatɨ? Xikɨti hetɨa nepɨmatsi'anutahɨtɨa, mana 'amaamatsie pepɨkaya, meta manatsiere pɨmatsi'utiniwexɨ.

Temaiwawemete 4:18

Heitseriemekɨ yamemɨtekahu wahuye witsipɨ'ane, kepauka tau 'ɨrɨya ximeri manatinexɨaxime hepaɨ: hekɨariya waɨkawa mɨhekɨariwiexime hepaɨ kepaukake hekɨariya 'aixɨa tixawatɨtɨ mayani.

Nɨawari 14:5

Mana mekaniwamariutani xeikɨa, peru Kakaɨyari heitserie memexeiya kaniwaparewieka.

Kuwi 11:17

'Ana 'atukari waɨkawa hekɨatɨ payani keyuri tau tukamieme hepaɨ, meta yɨriya ximeri mieme hepaɨ pɨyɨni.

Matsiɨkɨtɨ kemɨratɨa 1:16

Yutserieta xurawetsixi 'atahutame kaniwaratɨkɨkaitɨni, meta tetana pɨwayeneikakai 'ixipara naitsata heutixikakaunitɨ. Nierikaya tau kemɨtixawatɨ hepaɨ pɨtiyuxexeiyakai.

Kwikari 1:15

Kwinimieme pepɨti'ɨimari, 'uka nemɨmatsinaki'erie. Witsipepɨ'ane. 'Ahɨxite, kukuruxi memɨyuhuta wahepaɨ pɨtiyuxexeiya.