Kwikari 5:6 - Kakaɨyari Niukieya

⁶ Kepauka nemɨreiyepiriri 'uki neminaki'erie, 'ari kaniukumawekaitɨniri. Neyakaitɨniri, hikɨ 'utɨmana nekaneyani. Nekanitiwauni peru nepɨka'itaxei. Kepauka nemitahiwi pɨkanetsiheta'ei.

Kwikari 5:6 ပူးပေါင်းရင်းမြစ်များ

Kwikari 5:2

Ne nepukutsukai, matsi ne'iyari payenierekai. Hikɨ xeime niuki nekaniu'enieni. 'Uki neminaki'erie kitenie kanatawekaitɨni. «Ne'iwa 'uka nemɨmatsi naki'erie, witsipemɨti'ɨimari nekukuru, keneneupitɨa nemeutahanikɨ. Nemu'utsie haɨtsikɨ nepumu'uhawi, tɨkarikɨ mieme hawiriya nekɨpatetsie panakaxɨrɨwe».

Matsiɨkɨtɨ kemɨratɨa 3:19

Keyupaɨmeme nemɨwanaki'erie, mɨkɨ nepɨwatate'a nepɨtiwa'ɨkitɨa newa'uximatɨatɨ. 'Ayumieme 'aixɨa 'anemekɨ kene'awaɨriyani, ketineuhayewa kepemɨtiyuriene hikɨ.

Marikuxi 14:72

Kwitɨwa hutarieka wakana kanetahiwa. Pekuru Ketsutsi niukieya kanaye'erieni kemɨtitahɨawixɨ: «Wakana hutarieka katahiwawekaku 'akuxi, 'ekɨ haikakɨa pepɨ'aku'imawani kename pekanetsimate pe'utaitɨ». Hikɨ 'ikɨ naime ra'eriwatɨ kaniutatsuani.

Mateu 26:75

Pekuru Ketsutsi niukieya kanaye'erieni kemɨtitahɨawixɨ: «Wakana katahiwawekaku 'akuxi, 'ekɨ haikakɨa pepɨ'aku'imawani kename pekanetsimate pe'utaitɨ». Hikɨ 'anuyeyaka kaniutatsuani kwinimieme tiyuhiwerietɨ.

Tsakariyaxi 7:13

“Memɨkanetsi'u'enikɨ kepauka nemɨwarutahɨawixɨtsie, neta nepɨkawa'enieni kepauka memɨnetsitahɨawetsie —mɨpaɨ kanaineni Yawé Naimekɨmɨtɨrɨkaɨye—.

'Utseyaxi 5:15

'Ana nepakunuani nemɨra'aitatsie, kepaukake mɨpaɨ memɨtehetimani kename 'axamete'uyuri. Mepitiwauni kehepaɨ meyɨakaku nemɨwatanaki'erieni, me'u'uxetɨ mepɨnetsitiwauni meyuwaɨriyatɨ».

'Utseyaxi 5:6

Yumuxatsima meta yuwakaitsixi metewara'arietɨ, Yawé mekanitiwaukuni, peru mepɨka'itaxeiya mɨkɨ mɨwaruku'eirikɨ.

Hiwerika 3:8

Tsepa karima nemutahiwa tsepa parewiya nemɨwawa, mɨkɨ nenenewieri pɨka'enimɨkɨ.

Kitsariyaxi 58:2

Tukarikɨ mekaneniwautɨweni, nehuye mepɨmaiku, wa'atɨtɨ nuiwari heitserie memu'u'uwa mepɨtehɨkɨ, wa'atɨtɨ ne'inɨari niukiyari mepɨkate'uku'eiri. Mepɨnetsiwawirie heitseriemekɨ yanemɨtiyurienikɨ wahetsiemieme, puwanake nehepa 'ahurawa memakɨne,

Kitsariyaxi 57:16

Yuheheyemekɨ nepɨkamatsixanetani, meta yuheyemekɨ nepɨkaha'aka, xɨka mɨpaɨ 'anenike nehɨxie yunaitɨ memɨte'u'uwa nemuwarutiwewi mekaniukwiwaweni.

Kitsariyaxi 50:2

¿Titayari nemunuatsie xeime tɨma nekatiutaxei? ¿Titayari xewitɨ kanetiuta'ei nemɨxe'utahɨawixɨtsie? ¿Kamɨtsɨ nekatiyɨwe nemɨxe'utawikweitsitɨanikɨ? ¿Kamɨtsɨ netɨrɨkariya katiyɨwe mɨxe'uxɨna? 'Etsiwa ne neyutahaxɨatɨayu haramara kanakawaukeni, meta hatɨa makumawe nekanayeitɨwani, haa heuyewekakaku tsapari mekanitakukuweni hariyakɨ, meta mekanitipɨkeni.

Kitsariyaxi 12:1

'Iya tukaritsie 'ekɨ mɨpaɨ pepɨtayɨni: «Yawé, ne nepɨmetsinɨawani tsepanetɨ meripaitɨ nehepaɨtsita pemɨtiuyeha'akai. Peha'atɨ pepɨtiuhayewaxɨ, meta pekaneniɨnɨtɨaniri.

Kitsariyaxi 8:17

Yawé katiniuhayewa Kakuwu kiekarieya xeiyatɨ, peru ne hetsiena netiwiyatɨ nepɨta'ikwewani, mɨkɨtsie kenemɨtita'ikwewa nekanexeiyani.

Kwikari 6:1

¿Kekuta reuyunixɨ 'uki peminaki'erie, 'uka yemekɨ witsipemɨti'ɨimari? ¿Hakewa kuta petɨa? 'Ahamatɨa te'uhutɨ tepiwauyu.

Kwikari 5:4

'Uki neminaki'erie mɨreukukekatsie hewakuxawakaku, muwa kaneukumeni, netaɨta nemeiyehɨakaikɨ waɨkawa nepɨnekatemawi.

Temaiwawemete 1:28

»Hikɨ 'ana xekanenitahɨawikuni, peru ne nepɨkaxeta'eiya, 'ana xepɨnetsitiwauni, peru xepɨkanetsitaxeiya.

Nɨawari 80:4

¿Kepaukake tamɨ pepɨtihayewa peha'atɨ Yawé Kakaɨyari Naimekɨmɨtɨrɨkaɨye, 'ateɨterima wanenewieri hepaɨtsita?

Nɨawari 77:3

Kakaɨyari nepa'eriwa, matsi neputatsuaka, hetsiena nepɨnekɨhɨawe, yemekɨ nepeɨmɨmɨkɨ.

Nɨawari 69:3

Nepu'uxeri parewiya neha'iwawatɨ, nekɨipitsie nepanatiwakiri. Nehɨxite pu'u'uxeri, Kakaɨyari parewiyaya netakwewietɨ.

Nɨawari 30:7

Yawé, 'ekɨ 'aixɨa pemɨtiuka'iyarikɨ, 'ateewa paitɨ pepɨnetsi'uti'awietaxɨ, hikɨta pepuyuti'awietaxɨ, neta nehɨxiyatɨ nepuyuhayewaxɨ.

Nɨawari 28:1

Yawé, ne nepɨmatsihahɨawe, 'ekɨ nehetsie nunuwame pepɨhɨkɨ, pemɨka'enani hepaɨ pepɨkayɨaneni, xɨka pekanetsi'uta'eiya, kanihekɨaka nekanimɨmɨkɨ.

2 Tsamuheri 16:10

Ti'aitame matsi mɨpaɨ katinita'eiya: —Nehetsiemieme pepɨka'anuyehakeni Tsariwiya nu'aya. Matsi xɨari Yawé yapɨreipitɨa 'axamɨnetitahɨawekɨ. Mɨpaɨ xɨka 'aneni, xewitɨ pɨkayɨwe mita'imaiya.

1 Tsamuheri 28:6

'Ayumieme Yawé kaniutahɨawe, peru mɨkɨ pɨka'ita'ei, niheinɨtsitana ni'inɨari mupatsie Yawé hetsiemieme meta Kakaɨyari niukametemama waniuki.

Tsutɨarika 42:28

Hikɨ yu'iwama mɨpaɨ katiniwarutahɨawe: —Neuxei, kari netumini nepeukayetsiyarie. 'Uwa patika yaxeikɨa paɨmetɨ. Hikɨ 'iwamama waɨkawa mekaniutimamani. Mɨpaɨ mekaniutiyuanekaitɨni: —¿Kehepaɨtɨtɨri Kakaɨyari pɨtatsiyuriene?