Kwikari 5:2 - Kakaɨyari Niukieya

² Ne nepukutsukai, matsi ne'iyari payenierekai. Hikɨ xeime niuki nekaniu'enieni. 'Uki neminaki'erie kitenie kanatawekaitɨni. «Ne'iwa 'uka nemɨmatsi naki'erie, witsipemɨti'ɨimari nekukuru, keneneupitɨa nemeutahanikɨ. Nemu'utsie haɨtsikɨ nepumu'uhawi, tɨkarikɨ mieme hawiriya nekɨpatetsie panakaxɨrɨwe».

Kwikari 5:2 ပူးပေါင်းရင်းမြစ်များ

Matsiɨkɨtɨ kemɨratɨa 3:20

Neuxei 'itupari warita neputiwe neheihutsunatɨ. Tewi xɨka netsi'u'enieni ne'utaniukakaku, xɨka reuyepieni, nepeutahani hetsɨana, hamatɨana nepɨtikwani, mɨkɨta nehamatɨa pɨtikwani.

Kwikari 2:14

Nekukuru pemeutuxa, 'ai mukatataritsie pemuyu'awieta, meta hɨri 'amɨtiumariwetsie paitɨ, kenanieri nepɨmatsixeiya, keneutaniu nepumatsi'enieni, 'aniuki 'aixɨa kanimayaka meta witsipekatini'axexeiyani.

Tsakariyaxi 4:1

Merikɨtsɨ niuki tuayame nehamatɨa mɨtikuxatakai tawarita kaninuani, hikɨ kanenanutahɨtɨani, xewitɨ kutsutɨ manutahɨtɨarieni hepaɨ.

Kwikari 6:9

peru xewitɨ hɨkɨa xeikɨa kanihɨkutɨni nekukuru 'etsimupe witsimɨti'ɨimari, 'uka kwinie maamaya mɨtinaki'erie, 'aixɨa mɨtixeiya mitiniwexɨ. Hipatɨ 'ukari kepauka memixeiya 'aixɨa mepɨtehehɨawe, 'ukari te'aitamete wa'ɨitama witsimemɨ'anene meta hipatɨ 'ukarawetsixi ti'aitame hutarieka 'ɨitamama mekaninɨawani.

Nɨawari 119:1

'Aixɨa mekani'itɨarieka kemɨ'ane huye 'aixɨa mɨ'ane 'utɨa memuhu, Yawé 'aitsikaya kemaine mɨpaɨ memɨte'u'uwa.

Mateu 8:17

Mɨpaɨ tiuyurieku, paye'a Kakaɨyari niukameya Kitsariyaxi kemutayɨ: «Mɨkɨtɨtɨ kataniunawairieni takwiniya, meta takukuiniya petɨ».

Kitsariyaxi 52:14

Yumɨiretɨ mepɨhɨxiyani me'ixeiyatɨ, 'axamɨraka'eriekaikɨ, tewi hepaɨ mɨkatiyuxexeiyakaikɨ.

Kitsariyaxi 50:6

Newari nepɨyetua kemɨ'ane memɨnetsikuwayakai wahetsɨa, ne'auri nepɨyetua kepauka hipatɨ nemɨxiya memanuyehunakai, neyuriyariekaku meta kepauka nemuku'aɨtsikawiyarɨwakai nenierika nepɨka'uti'awietaxɨ.

Kwikari 8:7

Tsepa haa muwaɨkawa pɨkayɨwe mitɨnikɨ, meta haa hatɨa mieme mikumaweriya tɨma pɨkayɨwe. Xewitɨ xɨka tita naime mɨrexeiya tipatamɨkɨni naki'eriyakɨ, 'axamɨtikɨhɨawarɨwanikɨ xeikɨa katinikaxeiyamɨkɨ.

Kwikari 7:9

winu witsima'ane hepaɨ keha'aneni 'ateni. Winu witsima'ane 'uki neminaki'erie hetsɨa keye'ani, tenieyatsie ke'utayani meta tameteyatsie.

Kwikari 5:11

Mu'uya kanihurutɨni xeikɨa, kɨpateya 'etsiwa kanitutunini yɨyɨwitɨ kwatsa kemeu'ane hepaɨ.

Kwikari 4:9

Ne'iyari pepɨhɨa, ne'iwa 'uka nemetsihahɨawe, xeihɨxiyarikɨtɨtɨ penetsi'uxeiyaku, 'akuka xeiwiwierikɨ ne'iyari pepɨhɨa.

Kwikari 4:7

Naitɨ 'ekɨ witsipepɨ'ane, 'uka nemɨmatsinaki'erie, naitɨ 'aixɨa pepɨ'ane.

Kwikari 3:1

Tɨkarikɨ, ne'itaritsie ne'ukaitɨ 'uki neminaki'erie nekaniutiwauni, matsi nepɨka'itaxei.

Kwikari 2:10

'Uki neminaki'erie mɨpaɨ kanetiniutahɨawe: «Kenanukukexi 'uka nemɨmatsinaki'erie, hikɨmɨ kenewaye'a, 'uka witsipemɨti'ɨimari.

Kwikari 2:8

'Uki neminaki'erie hiwarieya. Neuxei, 'ena kanamieni, 'utsunarɨmetɨ hɨritetsie, 'anutitsukwakatɨ hɨri 'amɨnenetsie.

Temaiwawemete 23:26

Temaikɨ, yakenetineutahɨawi 'aixɨa peti'akɨhɨawetɨ 'a'iyaritsie pemumienikɨ, nehuyeta keneumieni pepɨkaheuyewautseni.

Nɨawari 81:10

Ne nepɨhɨkɨ Yawé 'akakaɨyari, 'Ekipitu nemɨmetsi'ayewitɨ. Kenakwaxaka, ne 'ateta nekatinitahɨniyamɨkɨ.

Tsutɨarika 29:20

Hikɨ Kakuwu 'atahuta wiyari katini'uximayakaitɨni Xakeri mɨtiwitɨnikɨ, hikɨ 'apɨkareuterixɨ tsepa mɨixa tukari manuyetɨa waɨkawa minaki'eriekaikɨ.

Matsiɨkɨtɨ kemɨratɨa 14:4

Mɨkɨ mekanihɨkɨtɨni memɨkayutsewixima, 'ukarawetsixi memɨkawarukumayɨa. Muxa 'utɨma memuku'uwa tsepa hakewa meutɨa. Mɨkɨ teɨteri memutinanaiya mexɨakame 'ikwaxi hepaɨ, Kakaɨyari meta Muxa nuiwarieya memakɨnekɨ.

Matsiɨkɨtɨ kemɨratɨa 3:4

Tsiereta hipame pepɨwarexeiya teɨteri Tsarɨtixitsie memɨtama yu'ixuriki memɨkatɨniriya. Mɨkɨ 'aixɨa memɨte'u'iyarikɨ nehamatɨa mekaniu'uwakuni me'anakatuxatɨ.

'Epetsutari 5:14

'Ayumieme mɨpaɨ paine: «'Ekɨ pemɨkutsu, kenanutanieri, mɨkite watsata kenanukukexi, meta Kɨritsitu kamanihekɨariyamɨkɨ».

Karatsiyatari 2:20

Kɨritsitu hamatɨa kuruxitsie nekaniumierieni. Hikɨri ne nekɨmana nepɨka'ayeniere, matsi Kɨritsitu nehetsie payeniere. Hikɨri newaiyaritsie kenemɨrayeniere, nepayeniere yuri neti'erietɨ Kakaɨyari nu'ayatsie, kemɨ'ane mɨnetsinaki'erie, meta muyuyetua nehetsiemieme.

Wani 10:4

Kepauka yumuxatsima yunaime mɨwaranuyewitɨni, mɨkɨ 'anuyekaitɨ kaniumieni. Muxatsi 'utɨmana mekaniweiyani niukieyatsie memimatekɨ.

Rukaxi 22:44

Hikɨ kwiyɨanetɨ hiwerikakɨ, matsi kwini mieme yutatuatɨ kaniyunenewiekaitɨni, kwaxiyaya xuriya tsuniriyari hepaɨ kani'anenekaitɨni kwiepa kaxɨrɨwetɨ.

Rukaxi 9:32

Merikɨtsɨ Pekuru hipatɨta hamatɨana memu'uwakai yunaitɨ mekanikutsukaitɨni, kwini mieme mekateneukutsikukaitɨni, me'anutaneniereka mekanixeiya witsi'aneme, 'ukitsi mekaniwaruxeiya yuhutame 'auriena meti'ukame.

Rukaxi 6:12

Merikɨtsɨ 'ana hɨritsie kaneutiyune yutanenewienike, xeitɨkari nenewieri kanipitɨakaitɨni yukakaɨyari.

Marikuxi 1:35

Hikɨ 'uxa'arieka ximeri meripaitɨ 'akuxi yɨwikɨta Ketsutsi kananukukeni, kiita wayeyaka kaneyani teɨteri memɨka'anu'uwatsie paitɨ, mana kaniuyutanenewieni.

Tanieri 8:18

»Kɨrawieri mexi 'akuxi netikuxaxatɨwakai, kwi kauka neneuku, kwiepa netihɨximawetɨ. Peru mɨkɨ kanenanutahɨtɨani meta waɨriyarika kaneniupitɨani nemanukukenikɨ,

Mateu 7:8

Kemɨ'ane mɨtiku'iwawa pɨtiyetuiriyarɨwa yu'iwaurika, kemɨ'ane mɨtikuwaune pɨtikaxeiya, kemɨ'ane 'itupari mukuyuitɨwa pɨreuyepiyarɨwa.

Kwikari 1:16

Kwinimieme pepɨtitemaikɨ, 'uki nemɨmatsinaki'erie. Yemekɨ 'ekɨ pepɨnetsinake. 'Ɨxa mɨtsitsiɨrawi ta'itari kanayeimɨkɨ kepauka temɨyutiwitɨnitsie,

Kwikari 5:6

Kepauka nemɨreiyepiriri 'uki neminaki'erie, 'ari kaniukumawekaitɨniri. Neyakaitɨniri, hikɨ 'utɨmana nekaneyani. Nekanitiwauni peru nepɨka'itaxei. Kepauka nemitahiwi pɨkanetsiheta'ei.