Kwikari 5:16 - Kakaɨyari Niukieya

¹⁶ Tenieya kanakakani, mɨkɨ witsikani'aneni 'uki. Mɨpaɨ kani'aneni 'uki neminaki'erie, nehamiku, 'ukarawetsixi Kerutsareme kiekatari.

Kwikari 5:16 ပူးပေါင်းရင်းမြစ်များ

Nɨawari 45:2

'Ekɨ tewi witsipemɨti'axexeiya pekanihɨkɨtɨni, witsipekatiniuxaxatani, Kakaɨyari 'aixɨa pɨmatsiyurie yuheyemekɨ.

Kwikari 7:9

winu witsima'ane hepaɨ keha'aneni 'ateni. Winu witsima'ane 'uki neminaki'erie hetsɨa keye'ani, tenieyatsie ke'utayani meta tameteyatsie.

Tsatiyaku 4:4

Neuxei teɨteri hipame wa'ɨitama xemɨwakumaɨwa. ¿Kari mɨpaɨ xepɨkatemate, xɨka tinaki'erieka tita kwiepa mɨtimieme, Kakaɨyari kani'uxiwe'eriekamɨkɨ? 'Ayumieme kemɨ'ane mɨyuwaɨriya tita kwiepa mɨtimieme mɨtinaki'eriekakɨ, mɨkɨ Kakaɨyari 'aye'unietɨ payuyeitɨwa.

Tsatiyaku 2:23

Mɨpaɨ tiuyurieku 'utɨarika kanaye'ani mɨpaɨ manuyɨne: «'Apɨrahami Kakaɨyari yuri katiniuta'eririeni, 'ayumieme heitserie hexeiyame kani'eriwakaitɨni». Kakaɨyari hamikuya katiniuterɨwarieni.

Piriputari 3:8

Mɨkɨ meta, tsepa kemɨtitita, naitɨ katiniutatɨmaiyarieni kenemɨtixeiya, mɨpaɨ nemɨtinematekɨ, matsi yemekɨ 'aixɨa nekani'itɨariemɨkɨ ne'imaitɨ neti'aitɨwame Kɨritsitu Ketsutsi. Mɨkɨtsie nemɨmiemekɨ 'ari naime nekatiniutatɨmaiya, tsepanetɨ, mɨkɨ naitɨ xatsi xeikɨa kanihɨkɨtɨni kenemɨtixeiya. Nekaninewaɨriyani matsi Kɨritsitu nehexeiyatɨ nemayanikɨ,

Karatsiyatari 2:20

Kɨritsitu hamatɨa kuruxitsie nekaniumierieni. Hikɨri ne nekɨmana nepɨka'ayeniere, matsi Kɨritsitu nehetsie payeniere. Hikɨri newaiyaritsie kenemɨrayeniere, nepayeniere yuri neti'erietɨ Kakaɨyari nu'ayatsie, kemɨ'ane mɨnetsinaki'erie, meta muyuyetua nehetsiemieme.

'Utseyaxi 3:1

Tawarita Yawé mɨpaɨ kanetiniutahɨawe: «Kenemie tawarita mɨkɨ 'ukaratsi keneutiwitɨki tuminikɨ muyuwitɨnɨa, xeime pɨta mawitɨkɨ. Kenenaki'erieka ne Yawé kenemɨtiwanaki'erie 'ixaheritsixi, tsepa hipame kakaɨyarixi memɨtewarayexeiya tsepa kaxie patsaruyari tsuirayari memikwa'a mawariekame».

Keremiyaxi 15:16

Kepauka 'aniuki nemukaxexeiyakai, ne nepitikwa'akai, mɨkɨ pɨnetemawierikatɨkai meta ne'iyari pɨtemawierikayatɨkai, kepemɨtitewakɨ nehetsie nematsihexeiyakɨ, Yawé, Kakaɨyari Naimekɨmɨtɨrɨkaɨye.

Keremiyaxi 3:20

Peru 'ekɨ, 'Ixaheri tewiyari, pepɨkanetsiheu'enie 'ukaratsi yɨkɨna 'uku'eirieka xeime manukuwei hepaɨ», Yawé mɨpaɨ kanaineni.

Kwikari 6:3

Ne 'uki neminaki'erie hetsiemieme nekanihɨkɨtɨni, 'uki neminaki'erie nehetsieta kanimiemetɨni, Mɨkɨ yumuxatsima tuturi 'atsutsena tsata kaniwarutihɨweni.

Kwikari 2:16

'Uki neminaki'erie nehetsiemieme kanihɨkɨtɨni, neta hetsiena mieme, mɨkɨ yumuxatsima kaniwarutihɨweni tuturi texuxuritsata.

Kwikari 2:3

'Uki neminaki'erie kepauka hipame 'ukitsi watsata muyeika, xikɨti 'ɨtsitsata mɨkawe hepaɨ katiniyuxexeiyani. Kaneninakeni hetɨana nemɨ'etɨpieka, witsikatinakakani takariyari.

Kwikari 2:1

Ne tuutu Tsarunitsie mayeweri mɨxuawe nekanihɨkɨtɨni, xewitɨ tuturi texuxuri mayeweritsie mieme.

Kwikari 1:16

Kwinimieme pepɨtitemaikɨ, 'uki nemɨmatsinaki'erie. Yemekɨ 'ekɨ pepɨnetsinake. 'Ɨxa mɨtsitsiɨrawi ta'itari kanayeimɨkɨ kepauka temɨyutiwitɨnitsie,

Kwikari 1:2

Xɨka, penetsi'u'itsenike 'ateni kemɨtiyu'itsewekɨ, matsi 'aixɨa pɨ'ane 'anaki'eriya, keyuri winu.

Nɨawari 148:13

Yawé xekenenɨawani, mɨkɨ xeikɨa mɨmariwekɨ, kemɨtimariwe kwie pa'iwa meta muyuawi.

Nɨawari 119:103

'Aniuki nenenitsie witsipɨrakaka. Waɨkawa matsi pakaka keyuri xiete kemɨrakaka neteta.

Nɨawari 89:6

¿Kemɨ'ane muyuawitsie Yawé hepaɨ pɨ'ane? ¿Kemɨ'ane muyuawitsie 'uyeikatɨ Yawé hepaɨ pɨ'ane?

Nɨawari 19:10

Matsi huru reuyeta pɨtiyunaki'erinɨa, huru 'aixɨa mɨ'ane reuyeta, matsi xiete reuyeta pɨrakaka, xiete yuxɨrɨkatsie muhane hepaɨ.

2 Tsamuheri 1:23

»Tsahuri Kunatani matɨa. 'Aixɨa mepɨte'u'iyarikai. Mɨkɨ 'aixɨa mepɨtenaki'eriwakai, 'axeikɨa yunaitɨ mekaniukwini. Mɨkɨ kwinimieme mekatenanautsawawekaitɨni keyuri kwixɨ, meta waɨkawa mekanitɨrɨkawikaitɨni keyuri mayetsi.

Kwikari 1:5

'Uka mɨyɨwi nepɨhɨkɨ, peru witsinepɨti'iɨmari, 'ukari 'aku Kerutsaremetari, nekaniyɨwini Tseraxi teɨteriyari waxamaru hepaɨ, witsinekatini'ɨimarika Tsarumuni 'ixuriki kiiyarieya hepaɨ.

Kwikari 4:3

'Ateni hɨiyame mɨxeta hepaɨ pɨtiyuxexeiya, 'aniuki pɨnetsihehana. 'A'aurite 'ixuriki pemeukuwera warita, xikɨti hixɨata mɨxitekieka hepaɨ pɨtiyuxexeiya.