Kwikari 4:9 - Kakaɨyari Niukieya

⁹ Ne'iyari pepɨhɨa, ne'iwa 'uka nemetsihahɨawe, xeihɨxiyarikɨtɨtɨ penetsi'uxeiyaku, 'akuka xeiwiwierikɨ ne'iyari pepɨhɨa.

Kwikari 4:9 ပူးပေါင်းရင်းမြစ်များ

Kwikari 4:12

Haraweri tuturi muwa'etsie mɨreuname pekanihɨkɨtɨni, ne'iwa 'uka nemetsihahɨawe, haraweri tuturi muwa'etsie mɨreuname meta haixa manukaname pekanihɨkɨtɨni.

2 Kurinitutari 11:2

Hikɨ kenemɨti'ɨtetsa xeme xehetsiemieme, mɨkɨ Kakaɨyari hetsɨa kanimiemetɨni. Nepɨxeyetua xeime hetsɨa, Kɨritsitu hamatɨa xemɨyuxewinikɨ, yaxeikɨa 'ɨimari kemɨtiwikitɨariwa 'uki yuxewitɨ xeikɨa mitiwitɨnikɨ.

Kwikari 7:10

Ne 'uki neminaki'erie hetsiemieme nepɨhɨkɨ, kanenikuwauneni waɨkawa netsihaunaki'erietɨ.

Matsiɨkɨtɨ kemɨratɨa 21:2

Metatsiere kiekari mɨpatsie nekaniuxeiya, Kerutsareme mɨhekwa, muyuawitsie hakamiekame, Kakaɨyari manukatsie heyeyaka, wikiwame hepaɨ witsireyɨkɨniutɨatɨ mitiwitɨni hetsiemieme.

Wani 3:29

Kemɨ'ane 'uka wikiwame yuhetsiemieme mexeiya, 'uki neneɨkeme kanihɨkɨtɨni. Neneɨkeme teɨtameya 'auriena mutiwe mi'enie, mɨkɨ kaniyutemawieka neneɨkeme 'enietɨ. 'Ayumieme 'ikɨ netemawierika kanaye'aniri.

Tsupuniyaxi 3:17

Yawé 'akakaɨyari 'ahamatɨa kaniukani mɨkɨ kuya mɨrayu'iwa pɨhɨkɨ. Pɨyutemawieka 'ahetsiemieme, pɨmetsihekwariyani yunaki'eriyakɨ, kaniutakwikamɨkɨ yutemawietɨ 'ahetsiemieme

'Etsekieri 16:8

»”Hutariekata 'a'aurie nemuyetɨatsie, nekameniuxeiya. 'Ari kanaye'akaitɨniri pematiwikieni. Hikɨ nematakɨ nekamenanakakamixatɨani pemɨmawekaikɨ. Tɨratu 'ahetsɨa nekaniuwewieni, yatekaniutiyuani, hikɨ nehetsiemieme pekanayani. Yawé naimekɨmɨyɨwe mɨpaɨ kanaineni.

Kitsariyaxi 62:5

Temaikɨ 'uka mutiuwitɨkɨ hepaɨ, mɨpaɨ kemɨ'ane mɨmatsi'anukakitɨani pumatiwitɨni, neneɨkeme mitiwitɨni xeiyatɨ muyutemawie hepaɨ, mɨpaɨta 'akakaɨyari pɨtiyutemawieka 'ahetsiemieme.

Kitsariyaxi 54:5

Kemɨ'ane mɨmatsi'utawewi mɨkɨ kani'akɨnatɨni, Yawé Naimekɨmɨtɨrɨkaɨye katinitewaka. Matsiwikweitsitɨwame kanihɨkɨtɨni Mɨpatsie 'Ixaheri hetsiemieme, naime kwie Kakaɨyarieya katinitewaka.

Kwikari 6:12

'Atsinekareyutimaiwekaku, netemawierikakɨ kauka kaxetatsie nenekaya, takiekaritsie ti'aitame kaxetayatsie.

Kwikari 6:5

Kwi pepɨkanetsixeiyaniri, nepeɨxɨyarie 'ahɨxite netsixeiyakaku. 'Akɨpate tsipuri xeitewayari wahepaɨ pɨtiyuxexeiya memuyuhayatɨwe Karaha hɨriyaritsie.

Kwikari 4:10

Kwinie yemekɨ witsipa'ane 'anaki'eriya, ne'iwa 'uka nemetsihɨawene. Matsi witsipa'ane 'anaki'eriya, winu kemɨkaha'ane, meta pemuyutawiriwa witsimu'ɨa tixaɨtɨ kemɨkatiɨ'ɨa hepaɨ pepɨ'ɨa.

Kwikari 3:11

Xekeniwayekɨni 'ukarawetsixi Tsiyunitari. Ti'aitame Tsarumuni xekenexeiyani. Yumu'utsie kanenamaka Kuruna maamaya menamaniri kepauka mutineɨkixɨtsie mieme kepauka 'iyarieya muyutemawiekai.

Kwikari 1:15

Kwinimieme pepɨti'ɨimari, 'uka nemɨmatsinaki'erie. Witsipepɨ'ane. 'Ahɨxite, kukuruxi memɨyuhuta wahepaɨ pɨtiyuxexeiya.

Kwikari 1:10

Witsipɨtiyuxexeiya 'a'aurite meta kepemɨti'akutsa'a. 'Akɨipi witsipɨtiutimerɨka 'akukakɨ.

Nɨawari 45:9

'Ukari te'aitamete waniwema witsimemɨ'anene memɨmetsiparewie watsata mekaniye'uwani, 'atserietata 'uka ti'aitame kanakani huru 'Upixi miemekɨ 'utixawatɨretɨ.

1 Kurinitutari 9:5

¿Heitserie tekatehexeiya ta'ɨitama temɨwarawitɨkɨnikɨ tahamatɨa, 'iwamarixi mehɨkɨtɨme, kememɨteyurie hipatɨ nɨ'ariekate, Ti'aitame 'iwamama kememɨtewarawitɨkɨ, meta Tsepaxi kemɨtiyuriene?

Mateu 12:50

Karikɨ kemɨ'ane yamɨtiyuriene kemɨtinake ne'ukiyari taheima makawe, mɨkɨ kanine'iwatɨni meta kaninemaamatɨni.

Tsutɨarika 41:42

'Ana kwitɨwa Parahuni yuhanira 'anutihɨnaka Kutse 'itɨwameyatsie kanekamanirieni, katiniuta'aita memenakatɨtɨanikɨ kamixa witsimɨ'ane meta huru kukayari mepetitɨtɨa kɨipitɨana.

Tsutɨarika 20:12

Peru kaniyuritɨni mɨkɨ kanine'iwatɨni, nepaapa niweya kanihɨkɨtɨni, peru nemaama pɨkaniweya, 'ayumieme pɨyɨwekai ne'ɨya mayanikɨ.

Temaiwawemete 1:9

Mɨpaɨ xɨka yapetikamieni 'amu'utsie witsimɨ'ane pemanakeka hepaɨ pepɨ'aneni, meta kuka pematitɨkɨni hepaɨ pepɨ'aneni.

'Etsekieri 16:11

Tetexi witsimɨ'anenekɨ nekametiniutiniɨtɨani: 'amamatsie nekatineutapiexɨani, kuka nekamenakatɨtɨani,

Tanieri 5:7

Hikɨ katiniuta'aita mara'akate, muyuawitsie timiemekɨ memɨteyɨ'ukitɨa meta memɨtehetimamateke hɨxiena memɨ'axɨanikɨ, mɨkɨ temaiwawemete Wawiruniya kiekatari mɨpaɨ katiniwarutahɨawe: ―Kemɨ'ane huta ma'uxa makaterɨwa meta mɨnetsitahekɨatɨani kehepaɨtɨtɨ manɨyɨne, ne 'ixuriki mɨyɨtsikimaɨyekɨ nekanitikemaritɨamɨkɨ, huru kukayari nekanekatɨtɨamɨkɨ meta hairieka mieme kuwexinarurikɨ nekanenayexeiyamɨkɨ.

Temaiwawemete 6:25

'A'iyaritsie pepɨka'ihiwe'erieka witsimɨti'ɨimarikɨ, kene'akweriwayurieka yuhɨxitekɨ metsi'uwiniyakɨ,