Kwikari 4:8 - Kakaɨyari Niukieya

⁸ Hikɨmɨ tepanukakɨne Riwanu hɨriyaritsie, 'uka nemɨmatsihɨawene, Hikɨmɨ tepanukakɨne Riwanutsie. Kenanakaye'a 'Amaná hɨriyari 'amanutitewitsie, Tsenixi meta Heximuni yekɨrita. Kenanakaye'a hakewa mayetsi meme'uwatsie, mɨkɨ hɨritsie hakewa tɨwexi memayu'eririya wakietsie.

Kwikari 4:8 ပူးပေါင်းရင်းမြစ်များ

Hutarieka 'inɨari 3:9

tsiruniyutsixi mɨpaɨ mepɨte'uterɨwakai Tsirihuni, 'amuxeutsixita Tsenixi.

Kwikari 2:13

'Ariri piní matɨari mieme takariyari kanixuaweni, 'Ari kaxie xututɨ witsikaniukɨ'ɨareni. Kenanukukexi, 'uka nemɨmatsinaki'erie, nehetsɨa kenaye'a, 'uka witsipemɨti'ɨimari».

Nɨawari 45:10

Keneu'ena, 'uka yemekɨ keneu'a'ɨwiya: 'Akiekari kenatɨmaiya meta 'a'iwama.

1 Kemɨtiuyɨ 5:23

Manatsexi nuiwarimama hixɨata memɨ'axe waniwema yumɨiretɨ mepakɨ meta manatsiere mekanikuyaxe, Watsani mɨrakutewatsie Wahari-Heximuni paitɨ me'u'atɨ, Tsenixi mɨrakutewatsie meta Heximuni yemuriyaritsie paitɨ.

Wani 12:26

Xɨka tewi neti'uximayatsiriwame 'ayeimɨkɨni, kenetsiheweiya. Hakewa nemeyeikani, manarita kaniuyeikamɨkɨ neti'uximayatsiriwame. Xɨka tewi neti'uximayatsiriwame hɨkɨtɨni, ne'ukiyari 'aixɨa pɨtixeiyani.

Kitsariyaxi 62:5

Temaikɨ 'uka mutiuwitɨkɨ hepaɨ, mɨpaɨ kemɨ'ane mɨmatsi'anukakitɨani pumatiwitɨni, neneɨkeme mitiwitɨni xeiyatɨ muyutemawie hepaɨ, mɨpaɨta 'akakaɨyari pɨtiyutemawieka 'ahetsiemieme.

Kwikari 7:11

Niwa kenaye'a, 'uki nemɨmatsinaki'erie, yeuta tekaniyehuni, muwa yɨwikɨta tepeka'iyunieni tuturite yeutamieme tsata.

Kwikari 5:1

Neharaweritari nekaninuani, 'uka ne'iwa nemɨmatsi naki'erie, muwa nepikaxei mixaxi waritsamu meta, muwa xiete kwaiyarikɨ ne'iyari paye'axe. Muwa nepikaxexeiya waɨkawa winu meta retsi, naitɨ 'ikɨ pɨtinehetsiemieme. Hamikutsixi, xeketenekwaka xeketene'ieka, xekeneutitarɨwai naki'eriyakɨ.

Temaiwawemete 9:6

'Atsixekatemaitɨ xeketeneuhayewa, hikɨ 'ana xekanayenenierekakuni, timaiweme huyeya 'utɨa xekeneuhuni.

Nɨawari 76:4

Witsipepɨ'ane, 'ekɨ matsi pepɨmariwe keyuri hɨri yuheyemekɨ mieme.

Nɨawari 76:1

Kakaɨyari pɨmatiwa Kura kwieyaritsie, 'Ixaheri kwieyaritsie mariwemekɨ pumatiwa.

1 Te'aitamete 4:33

Mɨkɨ kɨyexi hepaɨtsita pɨtiutahekɨataxɨ, kariuxa Riwanu miemetsie 'itsutɨatɨ nana kurarutsie mɨwiwieretsie paitɨ 'akame. Yaxeikɨata yeutari wahetsie pɨtiuta'ɨkitaxɨ, meta memɨteheuwɨtɨka wahetsie, meta kwiepa yuhukama memɨteku'uwatsie, yaxeikɨata tsapari wahepaɨtsita.

Kutsuhexi 12:1

Meripaitɨ 'ixaheritsixi yuhutame te'aitamete mepɨwara'iwaxɨ wakwie Kurutani 'anutaɨye tau manatineika hepatsie mukuma, 'aki manuyekatsie 'Axinuni ye'atɨkaitɨ Heximuni hɨriyaritsie pɨye'atɨkatei, yaxeikɨa 'Arawa tau manatineika hepatsie mukuma.

Hutarieka 'inɨari 3:25

Keneneupitɨa nemanuyanikɨ, meta nemixeiyakɨ kwie 'aixɨa mɨ'ane Kurutani 'anutaɨye mukuma, mɨkɨ witsimɨtiu'ane mɨhɨriya kwieyari, meta Riwanu mɨrakutewatsie”.

2 Te'aitamete 5:12

¿Matsi Ramatsiku hayari 'Awaná meta Paripaxi hatuxameyarite kari 'aixɨa pɨka'anene keyuri haa 'Ixaheri kwieyaritsie mieme? ¿Kari mana nemeyukahauxini pɨkaheyɨwe hikɨ 'aixɨa nemɨyɨnikɨ?» Hikɨ ha'atɨ kaneyani yu'ɨtɨma.

Nɨawari 72:16

Naime kwieyaritsie tɨriku kexuaweni, hɨritsie paitɨ ke'uwetuarɨkani tɨriku. Riwanu hepaɨ 'uriyari ke'utipaɨmere, manukuyari tupiriya 'ɨtsita mieme hepaɨ ke'utipaɨmere.

Nɨawari 89:12

'Ekɨ tayeta meta tatsutɨa peputiwewi, Tawuxi meta Heximuni hɨriyarite mepɨmetsikwika yutemawierima.

'Etsekieri 27:5

Huku mexayari Tsenixi hɨriyaritsie miemekɨ mepɨte'utiwewi. Meta kariuxa Riwanu miemekɨ kɨye 'apame hixɨapa nawiya heima mieme meputawewi.