Kwikari 4:4 - Kakaɨyari Niukieya

⁴ 'Akɨipi Rawiri tuxiyuya hepaɨ pɨtiyuxexeiya, tetexi mɨxitekietɨkakɨ mɨwewiya, hetsiena pukuwɨ xeimiriyari kɨmana memɨyukunarɨma, kuyaxi memɨyukunarɨma mɨkɨ naitɨ pɨhɨkɨ.

Kwikari 4:4 ပူးပေါင်းရင်းမြစ်များ

Kwikari 7:4

'Akɨipi tuxiyu mutuxa mɨtse'i kanihɨkɨtɨni, 'Ahɨxite huta haixayari pɨhɨkɨ Hetsiwuni mieme, Wati-Xawini kitenie 'aurie mɨtineniere. 'Atsuri Riwanu tuxiyuyari hepaɨ pɨ'ane, Ramatsiku meutaniere.

1 Pekuru 1:5

Xemetsɨ yuri xete'erietɨ xekani'ɨwiyarieka Kakaɨyari tɨrɨkariyayakɨ. 'Ayumieme xekanitawikweitsitɨariekuni, kemɨtimatsiɨkɨni xewikweitsitɨatɨ tukari 'aye'ayu kepauka mɨtapare.

Nehemiyaxi 3:19

meta 'Etsexi Ketsuha nu'aya, mukuwexinaruri Mitsipa kiekariyaritsie, kuraru 'aixɨa kaniuyurieni 'itsikina kii kuyaxa timieme mɨtiuyepine manuwetsie mutihane.

Kurutsetari 2:19

tamu'utsie katiwiyatɨ. Peru mɨkɨ tamu'utɨtɨ kanihɨkɨtɨni kemɨ'ane mɨtimikwa yuwaiyari, turuyarikɨ tatayarikɨ kanitaxewiriyani yuwaiyari mɨtawerekɨ, Kakaɨyari kemɨtiweriya.

Kwikari 1:10

Witsipɨtiyuxexeiya 'a'aurite meta kepemɨti'akutsa'a. 'Akɨipi witsipɨtiutimerɨka 'akukakɨ.

2 Tsamuheri 22:51

»Yawé, ti'aitamekɨ pemɨnetsi'anayexei pepɨnetsi'upitɨa waɨkawamekɨ nemɨrayu'iwanikɨ, ne Rawiri pemɨnetsi'anayexei meta nenuiwarima keniwaruxeitsitɨa waɨkawamekɨ kepemɨtiwanaki'erie yuheyemekɨ».

2 Tsamuheri 1:21

»Xɨa'ui, Kiriwuha hɨriyarite, xeme xehetsɨa pɨka'ukawiwiyeni meta pɨka'ukuhaɨtsiyatani. Tɨriku pɨka'utixuxuawereni mawari mayanikɨ. Tsahuri mana mukahɨiyakɨ kɨmana muyukunarɨma 'a'ɨtɨ: memɨte'ayu'iwa kɨmana memɨyukunarɨma mana mepeihɨa.

Nɨawari 144:12

Taniwema, kepauka temari memakɨne, meke'utiwawere kɨyexi waɨkawa mɨ'etɨriwiwawe hepaɨ, taniwema 'ukari 'ixumeri kii mutuikatɨka hepaɨ meke'aneneni witsimɨreukuwewiyatɨka paratsiyu witsimɨtiyuxexeiyanikɨ.

Kwikari 7:5

'Amu'u waɨkawa pahekɨa Kaximeru hɨriyari kɨtsie mieme hepaɨ. Hiru mɨyɨtsikimawi hepaɨ pɨ'anene 'akɨpate, 'etsiwa tsiturawime pehewawɨtɨatɨ ti'aitame kwi pɨmatsixeiya 'aumɨ.

Kwikari 8:10

Ne kiekari kuraruyari nekanihɨkɨtɨni, meta netsitsite huta tuxiyuyari pɨhɨkɨ. 'Ayumieme kepauka 'uki neminaki'erie mɨnetsikuxexeiyatsie kayuwatɨ nemukaxeiya hepaɨ nekatiniyumaika.

Mikeyaxi 4:8

'Ekɨta, Muxatsi Watuxiyu, yemuri kuraru 'amatitetewa Tsiyuni kiekariyari: 'ahetsɨa kaninuamɨkɨ meripai tɨrɨkariya kepemɨrexeiyakai, mariwemekɨ kepemɨti'aitakai Kerutsareme kiekariyari».