Kwikari 4:1 - Kakaɨyari Niukieya

¹ Kwinie yemekɨ pepɨti'ɨimari 'uka nemɨmatsinaki'erie. Witsipepɨti'axexeiya. 'Ahuxite 'ixuriki pemeukuwera warita, kukuruxi memeutuxa mepɨhɨkɨ. 'Akɨpate tsipuri xeitewayari memeuyɨyɨwi wahepaɨ pɨtiyuxexeiya Karaha hɨriyaritsie memu'uwa.

Kwikari 4:1 ပူးပေါင်းရင်းမြစ်များ

Kwikari 1:15

Kwinimieme pepɨti'ɨimari, 'uka nemɨmatsinaki'erie. Witsipepɨ'ane. 'Ahɨxite, kukuruxi memɨyuhuta wahepaɨ pɨtiyuxexeiya.

Kwikari 6:5

Kwi pepɨkanetsixeiyaniri, nepeɨxɨyarie 'ahɨxite netsixeiyakaku. 'Akɨpate tsipuri xeitewayari wahepaɨ pɨtiyuxexeiya memuyuhayatɨwe Karaha hɨriyaritsie.

Kwikari 6:7

'A'aurite pemeuyukunama warita manitsana hepaɨ pɨtiyuxexeiya.

Mikeyaxi 7:14

'A'itsɨ pe'akwetɨ 'ateɨterima keniwahɨneni, muxatsi 'atewama, yuxaɨta 'ɨtsita memɨkie, 'ɨtsi hixɨapa. Watsani meta Karaha mu'ɨxayatsie ketiniwarutimikwa meripaitɨ hepaɨ.

Kwikari 7:5

'Amu'u waɨkawa pahekɨa Kaximeru hɨriyari kɨtsie mieme hepaɨ. Hiru mɨyɨtsikimawi hepaɨ pɨ'anene 'akɨpate, 'etsiwa tsiturawime pehewawɨtɨatɨ ti'aitame kwi pɨmatsixeiya 'aumɨ.

Kwikari 2:14

Nekukuru pemeutuxa, 'ai mukatataritsie pemuyu'awieta, meta hɨri 'amɨtiumariwetsie paitɨ, kenanieri nepɨmatsixeiya, keneutaniu nepumatsi'enieni, 'aniuki 'aixɨa kanimayaka meta witsipekatini'axexeiyani.

2 Kurinitutari 3:18

Tame tanaitɨ tahɨxie kaheukunakaku tepihekɨata Ti'aitame witsikemɨ'ane, tsepa yɨxaɨyemekɨ, xikɨritsie tewi kemɨtihekɨata. 'Ayumieme tepɨkupatsiwa, witsite'anenetɨ tepakɨnirɨme, hepaɨna teteyuxexeiyatɨ tete'akɨnirɨme. Ti'aitame 'iyaritɨtɨ mɨpaɨ katiniyurieneni.

Mateu 11:29

Neyuku xekenanuyetekani, xenetsi'enietɨ xeketeneyɨ'ɨkitɨaka, ne nepɨka'ane'eriya meta nepɨkatinekatawe'erie ne'iyaritsie, 'uxipiya xekanitaxeiyakuni yu'iyaritsie.

'Etsekieri 16:14

Witsipeti'ɨimaritɨ peputamariwaxɨ naitsarie nuiwaritetsie, netsɨ 'aixɨa nekameniukuyurieni kenemɨtimariwekɨ. Yawé naimekɨmɨyɨwe mɨpaɨ kanaineni.

Kwikari 2:10

'Uki neminaki'erie mɨpaɨ kanetiniutahɨawe: «Kenanukukexi 'uka nemɨmatsinaki'erie, hikɨmɨ kenewaye'a, 'uka witsipemɨti'ɨimari.

Nɨawari 45:11

Ti'aitame witsikepemɨti'ɨimari kamenihiwe'erieka, mɨkɨ meti'aitɨwame kanihɨkɨtɨni, hɨxiena kenanakatutsita.

'Inɨatsie 32:40

Hikɨ 'ayumieme Muitsexi Makixi Kutse nu'aya Manatsexi nuiwarimama mɨkɨ Karaha kwieyari kaniwayetuirieni, mɨkɨ mana mekaniyuhayewa.

'Inɨatsie 32:1

Xuweni nuiwarieya meta Kahari tewaxi mepuwarexeiyakai yemekɨ waɨkawa, mekaniuneniere Katsexi kwieyaritsie meta Karaha, mana 'aixɨa mɨraku'anekaikɨ tewaxi wahetsiemieme.

Keremiyaxi 22:6

Karikɨ Yawé mɨpaɨ kanaineni 'ikɨ paratsiyu Kura mieme hepaɨtsita: «'Ekɨ nekɨmana, Karaha hepaɨ pekani'aneni meta Riwanu wiyeyari hepaɨ, peru ne mɨpaɨ nekanaineni makumawe nekamanayeitɨamɨkɨ, kiekarite ka'akukiepayatɨkaime.