4 Mɨya netiwaru'iwawiyakake nekanikaxeiya 'uki neminaki'erie. Nekanitapa, neka'itatuayatɨ, nemaama kie nekaneiwitɨkɨni, kiita paitɨ hakewa nemaama mɨnetsiwatiniwexɨtsie.
'Amamatsie nekawietɨ, nemaamakie nepɨmatsi'atɨanikeyu, pemɨnetita'ɨkitɨanikɨ naki'eriya hepaɨtsita. Winu nepɨmatsi'anu'itɨanikeyu naitɨ tinɨkame, meta 'ikwaxi neharaweritamieme hayari.
Kemɨ'ane memɨnetsinaki'erie, neta nekaniwanaki'erieka, kemɨ'ane memɨnetsikuwautɨwe, ne nematsiɨkɨme nepaneyeitɨwa.
Kenemɨmati'ɨkitɨa yuheyemekɨ kena'eriwani, 'aixɨa ketine'ɨwiyani ne'ɨkitsika mɨkɨ pɨ'atukari.
»Xekatehayewatɨ xɨka xete'uta'iwauni, yaxepɨtemikieni. Xɨka xetekuwautɨweni xekatehayewatɨ, yaxepɨte'itaxeiya, 'itupari xɨka xe'uyuitɨani xekatehayewatɨ, xepɨteheuyepiyarieni.
Yawé 'aixɨa katiniuka'iyarini kemɨ'ane yuri memɨte'erie hetsiena wahetsie, meta kemɨ'ane memikuwautɨwe wahetsiemieme.
Kepauka yu'iyarikɨ xemɨnetsitiwauni xepɨnetsitaxeiya».
Hawaikɨ 'ikɨ kwieyari mɨyɨwitsie 'awiekamekɨ nepɨkaxetahɨawiwe. Meta Kakuwu nuiwarimama mɨpaɨ nepɨkatiwatahɨawiwe: “Xekeneneutiwawa peru xepɨkanetsitaxeiya”. Ne, Yawé, nepɨtikuxata tita mɨtiheitserie, meta yanepaine tita 'aixɨa mɨti'anekɨ.
'Atsinekareyutimaiwekaku, netemawierikakɨ kauka kaxetatsie nenekaya, takiekaritsie ti'aitame kaxetayatsie.
Xewitɨ pɨta Kerutsareme taheima mieme, mɨkɨ muyɨnɨ'a kanihɨkɨtɨni, tame kanitamaamatɨni.
Hikɨ mexi me'uhukai, Ketsutsi kaniwaranukunake, hikɨ kaniwarutawaɨritɨani. Hikɨ mɨkɨ hurawa mekaniukɨne, 'ɨkateya mekaniu'ɨni meta mekaniutihɨxima'uni hɨxiena.
'Amu'u waɨkawa pahekɨa Kaximeru hɨriyari kɨtsie mieme hepaɨ. Hiru mɨyɨtsikimawi hepaɨ pɨ'anene 'akɨpate, 'etsiwa tsiturawime pehewawɨtɨatɨ ti'aitame kwi pɨmatsixeiya 'aumɨ.
Hikɨ tewi mɨpaɨ katinitahɨawe: —Keneneutatua, 'ari pɨkahekɨarirɨme. Kakuwu mɨpaɨ katinitahɨawe: —Kepaukake 'aixɨa pemɨnetsiyurieni 'anake nepɨmatsitatuani.
¿Kepaikɨ pɨtatsipata Kɨritsitu mɨkatatsinaki'eriekakɨ? Xɨka te'uximatɨarieka, xɨka tete'uka'eniwani, xɨka te'utaweiyarieni, xɨka teheuhaakakwikuni, xɨka teka'ukemarini, xɨka teyekweriwa'itɨarietɨweni meta xɨka tekwi'iwarɨmeni, mɨkɨ naitɨ pɨkayɨwe.
tsepa 'amautitewa, tsepa 'amaukatewa, tsepa kemɨtitita mɨtiunetɨarie, mɨkɨ pɨkayɨweni mɨtatsipatakɨ Kakaɨyari mɨkatatsinaki'eriekakɨ, Kɨritsitu Ketsutsi mɨtati'aitɨwame kemɨtatinaki'erie.
Kenetineutaxatɨa, 'uki nemɨmatsinaki'erie, ¿hakewa 'amuxatsima pepɨwaretihɨwe? ¿hakewa tuka pepɨwareti'uxipitɨwa? ¿Ne titayari netikuyeika xeikɨa, 'ahamikuma wamuxatsima wahamatɨa?