Kwikari 2:8 - Kakaɨyari Niukieya

⁸ 'Uki neminaki'erie hiwarieya. Neuxei, 'ena kanamieni, 'utsunarɨmetɨ hɨritetsie, 'anutitsukwakatɨ hɨri 'amɨnenetsie.

Kwikari 2:8 ပူးပေါင်းရင်းမြစ်များ

Wani 10:27

Nemuxatsi mepɨnetsi'enie, neta nepɨwamate, mekaneniuweiyani.

Matsiɨkɨtɨ kemɨratɨa 3:20

Neuxei 'itupari warita neputiwe neheihutsunatɨ. Tewi xɨka netsi'u'enieni ne'utaniukakaku, xɨka reuyepieni, nepeutahani hetsɨana, hamatɨana nepɨtikwani, mɨkɨta nehamatɨa pɨtikwani.

Wani 3:29

Kemɨ'ane 'uka wikiwame yuhetsiemieme mexeiya, 'uki neneɨkeme kanihɨkɨtɨni. Neneɨkeme teɨtameya 'auriena mutiwe mi'enie, mɨkɨ kaniyutemawieka neneɨkeme 'enietɨ. 'Ayumieme 'ikɨ netemawierika kanaye'aniri.

Kitsariyaxi 52:7

Witsipɨ'anene 'ɨkateya kemɨ'ane niuki 'aixɨa manuyɨne mukuxata hɨritsie, kemɨ'ane “kayuwatɨ mumakakɨ” mukuxata, kemɨ'ane niuki 'aixɨa manɨyɨne mukuxata, kemɨ'ane wikweitsitɨarika mukuxata, kemɨ'ane Tsiyuni mɨpaɨ mɨrahɨawe: «'Akakaɨyari pɨti'aita».

Kwikari 2:17

Tau ka'akayuniwekaku 'akuxi meta 'etɨri ka'akumaweriwekaku 'akuxi, nehetsɨa kani'axeni, 'uki neminaki'erie. Maxa hepaɨ katiniunanautsani, maxa temaikɨ hepaɨ, hɨritsie paitɨ.

Nɨ'ariekate 14:10

karima mɨpaɨ katinitahɨawe: —Kenanukukexi, 'a'ɨkate keneutixutsera. Mɨkɨ kaniutitsuna, kuyeikatɨ kanayani.

Nɨ'ariekate 3:8

'Anukutsunaka kaniutakeni, kuyeikatɨ kanayani. Wahamatɨa kaneutahani tukita 'utitsukwakatɨ 'aixɨa 'utaitɨ Kakaɨyari hepaɨtsita.

Keremiyaxi 48:27

'Ekɨ Muhawi, neteɨterima 'ixaheritsixi pepuwananaimakai, pepɨwakuxatakai pewayuriyatɨ, tenawayamete wahamatɨa pemuwarutaxeiya hepaɨ.

Kitsariyaxi 44:23

Muyuawi taheima mieme temawierikakɨ xekeneutikwikani, Yawé 'ikɨ katiniuyurieni. Karima xekeneutihiwani, meukatewatsie kwieta. Hɨrite xekenekwikani, meta muhukuya, naitɨ yukɨyeximatɨ. Karikɨ Yawé Kakuwu kaniutawikweitsitɨani, Kakaɨyari kemɨtimariwe 'Ixaheri kaniuhekɨatsitɨiya.

Kitsariyaxi 35:6

mɨka'uyeiwe kanititsunamɨkɨ maxa hepaɨ, meta mɨkaniuwe temawierikakɨ kanitahiwamɨkɨ. Makumawetsietsɨ haa kanitinexɨamɨkɨ, waɨkawa haa kanetinexɨamɨkɨ makuwakitsie.

Kwikari 5:2

Ne nepukutsukai, matsi ne'iyari payenierekai. Hikɨ xeime niuki nekaniu'enieni. 'Uki neminaki'erie kitenie kanatawekaitɨni. «Ne'iwa 'uka nemɨmatsi naki'erie, witsipemɨti'ɨimari nekukuru, keneneupitɨa nemeutahanikɨ. Nemu'utsie haɨtsikɨ nepumu'uhawi, tɨkarikɨ mieme hawiriya nekɨpatetsie panakaxɨrɨwe».

2 Tsamuheri 6:16

Hikɨ kepauka Yawé kakunieya Rawiri kiekarieyatsie meutahaximekai, Mikari Tsahuri niweya yukiitsie wapaitɨ kananiere, hikɨ kepauka Rawiri muxei 'utitsukwakame meta tineineme Yawé hɨxie, waɨkawa kanitixani'erieni.

Rukaxi 6:23

»Xekeneyutemamawieka waɨkawa 'iya tukaritsie, xeketeneuye'ani, waɨkawa taheima mieme xekana'iwakuni. Wa'ukiyarima yaxeikɨa mepɨwaruyuri Kakaɨyari niukametemama.

Kwikari 4:16

Kenanutanieri, 'eka tayeta mieme. 'Eka tatsutɨa mieme, niwa kenaye'a. Neharawerita xekeneuka'ekawi, witsikemɨtiuye'ɨa xekeneutawiwiexɨa. Yuharawerita 'uki neminaki'erie kehamieni muwa mieme 'ikwaxi witsima'ane keha'inɨata.