Kwikari 2:7 - Kakaɨyari Niukieya

⁷ Ne mɨpaɨ nepɨtixewawirie, 'ukarawetsixi Kerutsareme kiekatari, maxatsi 'ɨimarixi yeuta memu'uwakɨ, 'uka neminaki'erie xepɨkahehɨtɨaka xepɨkahei'uximatɨaka tsepa kepaukake yukɨmana manutanierixɨ.

Kwikari 2:7 ပူးပေါင်းရင်းမြစ်များ

Kwikari 3:5

Ne mɨpaɨ nepɨtixewawirie, 'ukarawetsixi Kerutsareme kiekatari, maxatsi 'ɨimarixi yeuta memu'uwakɨ, 'uka neminaki'erie xepɨkahehɨtɨaka xepɨkahei'uximatɨaka tsepa kepaukake manutanierixɨ.

Kwikari 8:4

Ne nepɨxewawirie, 'ukarawetsixi Kerutsareme kiekatari, xepɨka'ihɨtɨaka meta xepɨka'i'uximatɨaka 'uka neminaki'erie, mɨkɨ yɨkɨmana kepaukake manutaniere.

Kwikari 1:5

'Uka mɨyɨwi nepɨhɨkɨ, peru witsinepɨti'iɨmari, 'ukari 'aku Kerutsaremetari, nekaniyɨwini Tseraxi teɨteriyari waxamaru hepaɨ, witsinekatini'ɨimarika Tsarumuni 'ixuriki kiiyarieya hepaɨ.

Temaiwawemete 5:19

Maxa witsimɨti'ɨimari hepaɨ kani'aneni, kapura yeutanaka 'ɨimari hepaɨ kani'aneni mɨtiyukanaki'erie. Naki'eriyaya kematsitemawieritɨaka. Naki'eriyaya yuheyemekɨ 'ahetsie ketiwiyani.

Kwikari 5:16

Tenieya kanakakani, mɨkɨ witsikani'aneni 'uki. Mɨpaɨ kani'aneni 'uki neminaki'erie, nehamiku, 'ukarawetsixi Kerutsareme kiekatari.

Kwikari 2:9

'Uki neminaki'erie maxa hepaɨ katiniyuxexeiyani, maxa temaikɨ hepaɨ kani'aneni. Paratsɨ xekeneuxeiya, takiiwarie warita kaniutiweni, 'awienierenetɨ maxawariyarietɨkata, yɨkɨ'ɨwiyatɨ mayexaxawata.

Mateu 26:63

Peru Ketsutsi 'atsipɨkahainekai. Hikɨ mawari wewiwamete tiwa'aitɨwame mɨpaɨ katinitahɨawe: —Kakaɨyari mayeniere matsi'eniekaku yaketatineutahɨawi xɨka Kɨritsitu pehɨkɨtɨni, Kakaɨyari nu'aya.

Tsutɨarika 49:21

»Nepɨtahari, maxa 'uka yuxaɨta muyeikani hepaɨ pɨ'aneni, maxatsi tɨɨrixi witsimemɨ'anene yumaama wahepaɨ.

Nɨawari 18:33

ne'ɨkate maxa 'ɨkateya kanayeitɨwani, meta kepauka 'ateewa nemakakanitsie pɨkanetsipitɨa nemanakawenikɨ,

Temaiwawemete 6:5

Keneu'ata'una maxa mɨtiutananautsa hepaɨ hupierienetɨ, meta wiki winiyari mɨtiutawikweiya hepaɨ.

Kwikari 2:17

Tau ka'akayuniwekaku 'akuxi meta 'etɨri ka'akumaweriwekaku 'akuxi, nehetsɨa kani'axeni, 'uki neminaki'erie. Maxa hepaɨ katiniunanautsani, maxa temaikɨ hepaɨ, hɨritsie paitɨ.

Kwikari 8:14

Xeiya keneumietɨ, 'uki nemɨmatsinaki'erie. Keneunautsarɨmetɨ maxa hepaɨ, maxa 'etsimupe hepaɨ, hɨritetsie waritsamukɨ muwiriyarietɨkatsie.

'Awakuki 3:19

Yawé naimekɨmɨyɨwe netɨrɨkariya kanihɨkɨtɨni, maxa kemayɨwe mɨpaɨ ne'ɨkate katinipitɨaka meta 'ameutitewatsie paitɨ ne'uyeikame kanenayeitɨwani. Teyuitɨwamete wa'ukiyari. 'Ikɨ kanaritekɨ ke'utakwikarieni.