Kwikari 2:14 - Kakaɨyari Niukieya

¹⁴ Nekukuru pemeutuxa, 'ai mukatataritsie pemuyu'awieta, meta hɨri 'amɨtiumariwetsie paitɨ, kenanieri nepɨmatsixeiya, keneutaniu nepumatsi'enieni, 'aniuki 'aixɨa kanimayaka meta witsipekatini'axexeiyani.

Kwikari 2:14 ပူးပေါင်းရင်းမြစ်များ

Kwikari 1:5

'Uka mɨyɨwi nepɨhɨkɨ, peru witsinepɨti'iɨmari, 'ukari 'aku Kerutsaremetari, nekaniyɨwini Tseraxi teɨteriyari waxamaru hepaɨ, witsinekatini'ɨimarika Tsarumuni 'ixuriki kiiyarieya hepaɨ.

Kwikari 8:13

'Ekɨ, tuturi muwa'etsietɨkatsie pemɨti'aita, 'aniuki xeikɨa mekanita'enieka tahamikuma, kenetaniu kuta tepi'enieni.

Kwikari 5:2

Ne nepukutsukai, matsi ne'iyari payenierekai. Hikɨ xeime niuki nekaniu'enieni. 'Uki neminaki'erie kitenie kanatawekaitɨni. «Ne'iwa 'uka nemɨmatsi naki'erie, witsipemɨti'ɨimari nekukuru, keneneupitɨa nemeutahanikɨ. Nemu'utsie haɨtsikɨ nepumu'uhawi, tɨkarikɨ mieme hawiriya nekɨpatetsie panakaxɨrɨwe».

Memeyekɨ 3:6

Ne 'apaapa nekanikakaɨyarieyatɨni, 'Apɨrahami, 'Itsahaki meta Kakuwu. Mɨpaɨ tiu'enaka Muitsexi, kaneuyuku'eima yɨhɨxie, 'utimaka Kakaɨyari 'uxeiyaka.

Matsiɨkɨtɨ kemɨratɨa 5:8

Kepauka xapa muhuritɨarie, yunaukatɨ memayeneniere xeitewiyari heimana yunaukatɨ 'ukirawetsixi yunaitɨ mekaniutihɨxima'uni Muxa hɨxie. Yuxexuitɨ haripa mekaniu'ɨkaitɨni huru xakɨyari mepu'ɨkai 'ɨkwakɨ hɨpɨneme, 'ɨkwa Kakaɨyari teɨterimama wanenewieri kanihɨkɨtɨni.

Hepɨrayutsixi 4:16

'Ayumieme tekamamatɨ 'ahurawa teke'akɨne kemɨ'ane 'aixɨa mɨtiuka'iyari 'uwenieya manuwe 'aurie, temɨnenimayatsiekakɨ, temɨparewiyanikɨ kepauka mɨpaɨ temɨteheuyehɨwa, mɨkɨ 'aixɨa tiuka'iyarikaku.

'Awiriyaxi 1:3

kepemɨtiyuta'ɨre pekaniu'akwamana. 'Aita pemɨkiekɨ kwinimieme mutɨtɨtsie, 'akiita 'ateewa paitɨ pe'akanieretɨ, mɨpaɨ pekatini'akuhɨaweni: ¿Kemɨ'ane 'ena kwiepa pɨnetsi'a'iwa?

'Etsekieri 7:16

Kemɨ'ane memuyuta'una hɨritsie mepuyuhayewa kukuruxi wahepaɨ, yuxexuitɨ me'utitsuatɨ 'axakememɨte'uyurikɨ.

Keremiyaxi 49:16

'Ekɨ 'aita mukatataritsie pemɨkiekame, meta hɨri 'amanutitɨtɨtsie: pepɨ'akwamanaxɨ hipame pewamariutatɨ meta 'a'iyari 'uyuta'ɨrekaku. Tsepa 'ateewa paitɨ pemɨyuti'itɨatɨa kwixɨ hepaɨ, mana paitɨ nemenanakahɨamɨkɨ —Yawé mɨpaɨ kanaineni—.

Keremiyaxi 48:28

Muhawi kwieyaritsie kiekatari, yukiekaritetsie xekenayekɨni, 'aita xekeneuteni. Kukuruxi wahepaɨ xekene'aneni 'aitekɨa memuyuti'ituatɨwa.

Kitsariyaxi 60:8

»¿Kemɨ'ane mepɨhɨkɨ hai hepaɨ memanuyekɨka, meta kukuruxi memeutuxa wahepaɨ yu'ituatsie memekɨka?

Kitsariyaxi 51:3

Yurikɨ, Yawé Tsiyuni kaninɨtɨamɨkɨ, mɨti'u'uni naime katininɨtɨamɨkɨ. Makumawe 'Ereni kanayeitɨamɨkɨ, Yawé yuharaweri pɨtawewieni kwie makuwakitsie. Mana temawierika pɨtixuawere, pamɨpariyutsi meta kwikari nɨawari.

Kwikari 1:15

Kwinimieme pepɨti'ɨimari, 'uka nemɨmatsinaki'erie. Witsipepɨ'ane. 'Ahɨxite, kukuruxi memɨyuhuta wahepaɨ pɨtiyuxexeiya.

Kura 1:24

Kakaɨyari muyuxewi, tatsiwikweitsitɨwame, mɨyɨwe mɨxe'ɨwiyani xemɨka'atixɨrɨwenikɨ, meta mɨyɨwe mɨxe'aye'atɨanikɨ kemɨ'ane witsimɨ'ane hɨxie xehetsie katiuhɨiwakaku meta xeyutemamawiekaku,

1 Pekuru 3:4

Matsi xekenemariwani kexemɨ'anene yutaɨta hakewa mɨkahematsiɨkɨ herie, yu'iyaritsie pɨta. Xɨka xe'iyari ka'ayu'eriyani xɨka kayuwatɨ 'umaka, mɨkɨ matsi witsipɨrekemari mɨkapɨniwekɨ, kemɨ'ane mɨpaɨ mɨ'ane, Kakaɨyari kwinimieme mariwemekɨ 'aixɨa pɨtixeiya.

Hepɨrayutsixi 10:22

Merikɨtsɨ mɨpaɨ mɨ'anekɨ 'ahurawa teke'akɨkani, ta'iyari yemekɨ yuxewikaku, yemekɨ yuri tete'erietɨ, ta'iyari 'itiyakaku 'axatekateyurietɨ kapa ta'iyari tatsi'utatienikɨ tita 'axatemɨte'uyuri hepaɨtsita, tawaiyari meta hauxinariekaku haa 'aixɨa mɨ'anekɨ.

Kurutsetari 1:22

Hikɨrixɨa 'aixɨa xetexeiyarietɨ xekanayeitɨarieni, mɨkɨ tewitɨtɨ yuwaiyaritsie mumɨkɨ, mɨpaɨ katiniuyurieni mɨxe'aye'atɨanikɨ Kakaɨyari hɨxie, hetsiena mieme xepatsiekaku, 'aixɨa xe'anenekaku, xehetsie karahɨiwakaku.

'Epetsutari 5:27

Mɨpaɨ pɨtiuyuri yɨkɨmana, yɨhɨxie mɨwati'uitɨanikɨ memɨyutixexeɨriwa witsime'aneneme, mekaheukuyɨyɨwime, mekaheuwiwirawime, tsepa tixaɨtɨ mɨpaɨ mɨti'ane, matsi memɨpatsiekakɨ pɨta wahetsie mɨkarahɨiwanikɨ.

Mateu 10:16

Neri nepɨxeheutanɨ'axɨa muxatsi wahepaɨ 'ɨrawetsixi watsata. 'Ayumieme, xeketenemaiwaweni kuterixi wahepaɨ, peru xepɨka'inɨka tita 'axamɨti'ane kukuruxi wahepaɨ.

Mateu 3:16

Hikɨ Ketsutsi 'uka'ɨyarieka, kwitɨ hapa 'anatiyaku. 'Ana taheima muyuawitsie katineuyepiere, hikɨ mɨkɨ Kakaɨyari 'Iyarieya kaniuxeiya heimana 'akamiekame kukuru hepaɨ 'anetɨ, hetsiena yuhayewake.

Tanieri 9:7

»”'Ekɨ Yawé, heitseriemekɨ yapepɨtikamie. Tame matsi, tewiyarika xeikɨa tepexeiya 'ikɨ tukaritsie, tame Kura kiekatari, Kerutsareme kiekatari meta naitsarie 'Ixaheri kwieyaritsie kiekatari, 'ahurawa temu'uwa meta 'ateewa temu'uwa, naitsarie hipame kwieyaritsie hakewa pemɨtatsihetaxɨriexɨa temɨmatsi'uku'eirikɨ.

Kitsariyaxi 6:5

Hikɨ nekaniutahiwa: «Xɨa'ui ne, nehetsie pɨrahɨiwa. Tewi nepɨhɨkɨ neteta mɨkati'itiya pɨrayeneika meta teɨteri 'axame'utiyuaneme watsata nepuyeika, matsi Ti'aitame nepuxei, Yawé Naimekɨmɨtɨrɨkaɨye».

Kitsariyaxi 2:21

Tetexi terɨyarita kaneutahamɨkɨ meta 'ai mukatatarita, Yawé me'ayemakatɨ meta witsikemɨ'anekɨ mariwetɨ, kepauka mɨkɨ manukukeni kwie mɨwatayuitɨanikɨ.

Kwikari 1:8

Xɨka 'atsipekatimaika, 'uka witsipemɨti'ɨimari 'ukari watsata pe'uyeikatɨ, muxatsi waketate kemɨreuyuyune kenanukuweiya meta 'atsipuri tɨɨrixi keniwahɨneni, muxatsi wahɨwemete wakii maku'utsie.

Temaiwawemete 15:8

Yawé 'axateyuruwamete wamawari kani'uxiwe'erieka, matsi puyutemawie heitseriemekɨ yamemɨtekahu wanenewierikɨ.

Nɨawari 110:3

'Akuyaxima mepuyuwaɨriyani tukaritsie kepauka xemuyutakwini, hɨrite mɨpatsietɨkatsie me'u'uwatɨ. Tau 'ɨrɨya manatinexɨanitsie, kepauka 'ahetsie mɨtinake hekwamekɨ pɨmatsitɨrɨkariya.

Nɨawari 74:19

Memayu'eririya wahetsiemieme 'akukuru mɨtakwaiyanikɨ pepɨka'iyetuayani, pepɨkawaratɨtɨmaiyani, hikɨ nihatsuaku, tixaɨtɨ memɨkatehexeiya watukari.

Nɨawari 68:13

kukuru 'anateya pɨrata mɨkawiriyarietɨka, 'anɨteya huru mɨxawawatɨ pɨhɨkɨ. 'Ekɨ pepeuku muxatsi watsata».

Nɨawari 50:23

Kemɨ'ane pamɨpariyutsi mɨnetsipitɨa, 'aixɨa mɨnerahɨawe, kemɨ'ane yuhuye 'ɨwiyatɨ mumie, newikweitsitɨarika nekanipitɨamɨkɨ».

Nɨawari 45:11

Ti'aitame witsikepemɨti'ɨimari kamenihiwe'erieka, mɨkɨ meti'aitɨwame kanihɨkɨtɨni, hɨxiena kenanakatutsita.

Nɨawari 22:3

'Ekɨ matsi pepɨpatsie, 'ekɨ pepɨti'aitame, 'ekɨ 'ixaheritsixi pepɨwakwikari.

Kuwi 9:16

Tsepa ne'itahɨaweyu mɨkɨ mɨnetsi'uta'ei, peru mɨnetsi'enieni nepɨkara'eriwa,

Nɨawari 45:12

'Ukari Tiru kiekatari mekani'axɨakuni 'imikieri mete'upitɨ, teɨteri mana kiekatari memɨxikutsixi 'aixɨa mepɨmetexeiyani.