Kwikari 1:8 - Kakaɨyari Niukieya

⁸ Xɨka 'atsipekatimaika, 'uka witsipemɨti'ɨimari 'ukari watsata pe'uyeikatɨ, muxatsi waketate kemɨreuyuyune kenanukuweiya meta 'atsipuri tɨɨrixi keniwahɨneni, muxatsi wahɨwemete wakii maku'utsie.

Kwikari 1:8 ပူးပေါင်းရင်းမြစ်များ

Kwikari 6:1

¿Kekuta reuyunixɨ 'uki peminaki'erie, 'uka yemekɨ witsipemɨti'ɨimari? ¿Hakewa kuta petɨa? 'Ahamatɨa te'uhutɨ tepiwauyu.

Kwikari 5:9

'Uka kwinie yemekɨ witsipemɨti'ɨimari, ketatineutaxatɨa, ¿kehepaɨ timatsiɨkɨ 'uki peminaki'erie hipame 'ukitsi watsata? ¿Kehepaɨ timatsiɨkɨ 'uki peminaki'erie hipame 'ukitsi watsata, mɨkɨ pemɨtatsiwawirie?

1 Pekuru 3:6

Tsara meta yakatinikamiekaitɨni 'Apɨrahami kemainekai, ti'aitame katinitamare. Xemeta niwemama xekanakɨne hepaɨna 'aixɨa xeteyurietɨ, xekamamatɨ xɨka xemariutsieka.

Tsatiyaku 5:10

Ne'iwama Kakaɨyari niukametemama xekeniwa'ɨkeni, mete'uka'eniwatɨ meta mekawaɨripietɨ, Ti'aitame hetsiemieme kememɨtekuxatakai.

Tsatiyaku 2:21

Merikɨte tapaapa 'Apɨrahami heitserie pupitɨarie yamɨtiuyurikɨ kepauka yuniwe 'Itsahaki mɨyetua mawari taiyariyaritsie.

Hepɨrayutsixi 13:7

Xekeniwara'eriwatɨ mɨkɨ memanuyetekai, kememɨ'anenekai, Kakaɨyari niukieyakɨ mepɨtexe'utaxatɨa. Xewara'eriwatɨ mɨpaɨ kememɨte'u'uwakai, xekeniwa'ɨkeni yuri kememɨte'eriekai.

Hepɨrayutsixi 6:12

Peuyewetse xemɨkayu'ɨraraxiekakɨ, matsi peuyewetse xemɨwa'ɨkenikɨ mɨkɨ yuri mete'eriekaku 'emeteutewikaku mekawaɨripietɨ, mɨkɨ wahetsie mɨtinakirɨme tita memɨtehahɨawarɨwakai kename meheixeiyanikekai.

'Epetsutari 5:27

Mɨpaɨ pɨtiuyuri yɨkɨmana, yɨhɨxie mɨwati'uitɨanikɨ memɨyutixexeɨriwa witsime'aneneme, mekaheukuyɨyɨwime, mekaheuwiwirawime, tsepa tixaɨtɨ mɨpaɨ mɨti'ane, matsi memɨpatsiekakɨ pɨta wahetsie mɨkarahɨiwanikɨ.

1 Kurinitutari 11:1

Xenetsi'ɨketɨ xekenakɨni, neta Kɨritsitu kenemɨti'ɨke.

Wani 21:15

Merikɨtsɨ mete'ukwaku Ketsutsi mɨpaɨ Tsimuni Pekuru katiniutahɨawe: —Tsimuni 'aku, Wani nu'aya, ¿waɨkawa penetinaki'erie, mɨkɨ 'etsiwa xeikɨa menetsinaki'eriekaku? Pekuru mɨpaɨ katinita'eiya: —Huu, Ti'aitame. 'Ekɨ pepɨtimate nemɨmatsinaki'erie. Hikɨ Ketsutsi mɨpaɨ katinitahɨawe: —Merikɨte, nemuxatsima tɨɨrixi ketiniwarumikwa.

Keremiyaxi 6:16

Yawé mɨpaɨ kanaineni: «Huyeta xekenewa'uti hikɨ xekeneutanierixɨa, xekeneuta'iwau huye meripai mieme hepaɨtsita. Xekeneuta'iwau huye 'aixɨa mɨ'ane hepaɨtsita, hikɨ mɨkɨ xepɨka'uku'e'eiriwani. Mɨpaɨ xepɨte'ikaxeiya 'uxipiya xemuku'eriwa. Peru mɨkɨ mɨpaɨ mekaniutiyuani: “Hawaikɨ tepɨka'enukuweiya”.

Kwikari 4:10

Kwinie yemekɨ witsipa'ane 'anaki'eriya, ne'iwa 'uka nemetsihɨawene. Matsi witsipa'ane 'anaki'eriya, winu kemɨkaha'ane, meta pemuyutawiriwa witsimu'ɨa tixaɨtɨ kemɨkatiɨ'ɨa hepaɨ pepɨ'ɨa.

Kwikari 4:7

Naitɨ 'ekɨ witsipepɨ'ane, 'uka nemɨmatsinaki'erie, naitɨ 'aixɨa pepɨ'ane.

Kwikari 4:1

Kwinie yemekɨ pepɨti'ɨimari 'uka nemɨmatsinaki'erie. Witsipepɨti'axexeiya. 'Ahuxite 'ixuriki pemeukuwera warita, kukuruxi memeutuxa mepɨhɨkɨ. 'Akɨpate tsipuri xeitewayari memeuyɨyɨwi wahepaɨ pɨtiyuxexeiya Karaha hɨriyaritsie memu'uwa.

Kwikari 2:10

'Uki neminaki'erie mɨpaɨ kanetiniutahɨawe: «Kenanukukexi 'uka nemɨmatsinaki'erie, hikɨmɨ kenewaye'a, 'uka witsipemɨti'ɨimari.

Kwikari 1:15

Kwinimieme pepɨti'ɨimari, 'uka nemɨmatsinaki'erie. Witsipepɨ'ane. 'Ahɨxite, kukuruxi memɨyuhuta wahepaɨ pɨtiyuxexeiya.

Temaiwawemete 8:34

'Aixɨa mepɨ'itɨarieni kemɨ'ane memɨnetsi'enie, kemɨ'ane nekitenie memutatei tukarikɨ meta'enanatɨ, mɨranutakɨkatɨretsie meta'ikwewatɨ.

Nɨawari 45:13

'Uka witsimɨti'ɨimari 'aixɨa katiniyuxexeiyani, yukiita wayemietɨ hurukɨ 'utixawatɨretɨ 'iwieya reuxuiyakaku.

Nɨawari 45:11

Ti'aitame witsikepemɨti'ɨimari kamenihiwe'erieka, mɨkɨ meti'aitɨwame kanihɨkɨtɨni, hɨxiena kenanakatutsita.

Nɨawari 16:3

Kwiepa miemete memɨpatsie, memɨmamariwawe wahetsie nepɨnetemawie.

Tsatiyaku 2:25

Yaxeikɨata pɨtiuyuri Xahawi 'uka tuminikɨ muyuwitɨnɨa, tixaɨtɨ mɨtiuyurikɨ heitserie kaniupitɨarieni, kepauka kuyaxi mɨwarutanaki'eri 'awie nenieremete, kepauka xaɨtsie mɨwarenɨ'a xeime huyeyari 'utɨa.