Kwikari 1:5 - Kakaɨyari Niukieya

⁵ 'Uka mɨyɨwi nepɨhɨkɨ, peru witsinepɨti'iɨmari, 'ukari 'aku Kerutsaremetari, nekaniyɨwini Tseraxi teɨteriyari waxamaru hepaɨ, witsinekatini'ɨimarika Tsarumuni 'ixuriki kiiyarieya hepaɨ.

Kwikari 1:5 ပူးပေါင်းရင်းမြစ်များ

2 Kurinitutari 5:21

Kemɨ'ane 'axamɨkatiyuriwekai Kakaɨyari 'axatiyuruwame hepaɨ pɨtixei, tame mɨkɨ hetsie tetewiyatɨ Kakaɨyari heitserie kataniupitɨani.

Rukaxi 15:22

Paapaya matsi mɨpaɨ katiniwarutahɨawe te'uximayatamete: “Xeiya 'aixɨa, 'ixuriki matsi 'aixɨa mɨ'ane xekenanakatɨtɨa, hanira xekenakamaniri mamayatsie, meta xekeneukakaitɨaxɨa.

Kwikari 5:16

Tenieya kanakakani, mɨkɨ witsikani'aneni 'uki. Mɨpaɨ kani'aneni 'uki neminaki'erie, nehamiku, 'ukarawetsixi Kerutsareme kiekatari.

Kwikari 5:8

Ne mɨpaɨ nepɨtixewawirie 'ukari Kerutsareme kiekatari, xɨka 'uki neminaki'erie hawaikɨ xehekaxeiya, mɨpaɨ xeketenetahɨawi kename netikuye ne'inaki'erietɨ.

Kwikari 2:14

Nekukuru pemeutuxa, 'ai mukatataritsie pemuyu'awieta, meta hɨri 'amɨtiumariwetsie paitɨ, kenanieri nepɨmatsixeiya, keneutaniu nepumatsi'enieni, 'aniuki 'aixɨa kanimayaka meta witsipekatini'axexeiyani.

Kwikari 2:7

Ne mɨpaɨ nepɨtixewawirie, 'ukarawetsixi Kerutsareme kiekatari, maxatsi 'ɨimarixi yeuta memu'uwakɨ, 'uka neminaki'erie xepɨkahehɨtɨaka xepɨkahei'uximatɨaka tsepa kepaukake yukɨmana manutanierixɨ.

Nɨawari 120:5

Xɨa'ui ne, 'ateewa nemuyeika Metseki kwieyaritsie, 'ena nemuka Tseraxi 'ixuriki kiiyari mati'u.

Xumatari 13:14

Matsi xekenanakatɨkɨni kemɨ'ane Ti'aitame Ketsutsi Kɨritsitu mɨhɨkɨ. Xepɨkayuha'aritɨaka yaxemɨteyuriekakɨ kememɨte'ukahiwe'erie teɨteri wahepaɨ xete'u'iyaritɨ.

Rukaxi 13:34

»Kerutsareme, Kerutsareme 'aku, 'ahetsɨa kiekatari mekaniwatakukuyani Kakaɨyari niukametemama meta mekaniwatituaxani Kakaɨyari nɨ'arimama 'ahetsɨa memɨ'axe. Mɨixa nepɨnewaɨriyakai nemɨwakuxeɨrienikɨ 'atɨriyama, wakana yuniwema kemɨtiwakuxexeɨriwa yu'anatɨa hepaɨ, peru mepɨkayuwaɨri.

Mateu 22:11

»Merikɨte ti'aitame kepauka meutaha waxeiyake memuta'inierie, xeime tewi kaniuxeiya muwa 'ayekaime neɨkiyapa mieme 'ixuriki mɨka'anakatɨkɨkai.

Mateu 10:25

'Aixɨa kani'aneni xɨka tiyɨ'ɨkitɨwame ti'ɨkitame hepaɨ 'anetɨ 'ayani xeikɨa, xɨka ti'uximayatame yukutsiyari hepaɨ 'anetɨ 'ayani xeikɨa. Merikɨte, kiekame Weheritsewu xɨka tiuterɨwarieni, matsi tɨɨriyamamata kemeteterɨwarieni.

'Etsekieri 16:14

Witsipeti'ɨimaritɨ peputamariwaxɨ naitsarie nuiwaritetsie, netsɨ 'aixɨa nekameniukuyurieni kenemɨtimariwekɨ. Yawé naimekɨmɨyɨwe mɨpaɨ kanaineni.

Kitsariyaxi 61:10

Yawé hetsiemieme nepɨnetemawie yemekɨ waɨkawa, nekakaɨyari hetsie temawierika nepexeiya. Mɨkɨ wikweitsitɨarika kamixayari mɨnetsi'anakatɨtɨakɨ meta tita mɨtiheitserie matayari pɨnetsiwakuketɨa. Neneɨkeme hepaɨ nekani'aneni witsimɨrekemari, yatɨni wikiwame hepaɨ nekatinekukani.

Kitsariyaxi 60:7

Yunaitɨ Tseraxi muxatsimama 'ahetsɨa mepuyukuxeɨrieni, meta Newayuti hetsɨa miemete muxatsi 'ukitsi mepɨmeteta'uximayatsirieni, mawari witsimu'ɨa hepaɨ nemawari taiyametsie mepanutikɨne, Ne witsitiyuxexeiyame nepayeitɨani netuki mɨmariwe.

Kwikari 6:4

'Ekɨ 'uka nemɨmatsinaki'erie, witsipepɨti'ɨimari kiekari Tiritsa hepaɨ, witsipe'anetɨ kiekari Kerutsareme hepaɨ, pemɨmariwe xurawetsixi wahepaɨ.

Kwikari 4:3

'Ateni hɨiyame mɨxeta hepaɨ pɨtiyuxexeiya, 'aniuki pɨnetsihehana. 'A'aurite 'ixuriki pemeukuwera warita, xikɨti hixɨata mɨxitekieka hepaɨ pɨtiyuxexeiya.

1 Wani 3:1

Neuxei ta'ukiyari ketatinaki'erie, mɨkɨkɨ Kakaɨyari niwemama teputaterɨwarie, niwemama tepɨhɨkɨ. 'Ayumieme kwiepa memɨtama mepɨkatatsimate mɨkɨ memɨkaheitimaiwawekaikɨ.

'Epetsutari 5:26

Yuhetsiemieme mɨwapatakɨ mɨpaɨ katiniuyurieni, wa'itietɨ hakɨ niukikɨ.

Karatsiyatari 4:26

Xewitɨ pɨta Kerutsareme taheima mieme, mɨkɨ muyɨnɨ'a kanihɨkɨtɨni, tame kanitamaamatɨni.

Kitsariyaxi 53:2

Mɨkɨ hɨxie putawerixɨ yɨrari mɨyɨri hepaɨ, makuwakitsie tiwiyatɨ. Witsipɨka'anekai meta pɨkamariwekai, kemɨtiyuxexeiyakai pɨkaheiwa'anekai meta witsipɨkatiyuxexeiyakai pɨkaheiwe'eriwakai.

Kwikari 8:4

Ne nepɨxewawirie, 'ukarawetsixi Kerutsareme kiekatari, xepɨka'ihɨtɨaka meta xepɨka'i'uximatɨaka 'uka neminaki'erie, mɨkɨ yɨkɨmana kepaukake manutaniere.

Kwikari 3:10

Matiwetɨka Pɨratakɨ kaniutiwewieni, hurukɨta mitseiriyatɨka. 'Ɨpariyarita kaniutawipa taɨraɨyemekɨ, taɨtana mekaniwaku'utɨani me'inaki'erietɨ 'ukari Kerutsareme kiekatari.

Kwikari 3:5

Ne mɨpaɨ nepɨtixewawirie, 'ukarawetsixi Kerutsareme kiekatari, maxatsi 'ɨimarixi yeuta memu'uwakɨ, 'uka neminaki'erie xepɨkahehɨtɨaka xepɨkahei'uximatɨaka tsepa kepaukake manutanierixɨ.

Nɨawari 149:4

Yawé muyutemawiekɨ yuteɨterima wahetsiemieme, tixaɨtɨ memɨkatehayuyeitɨa memɨtehayu'iwanikɨ puwapitɨa.

Nɨawari 90:17

Tati'aitɨwame takakaɨyari ketatsiparewieka. 'Aixɨa kenaineni ta'uximayatsika hetsiemieme, huu, 'aixɨa kenaineni ta'uximayatsika hetsiemieme.

Nɨawari 45:9

'Ukari te'aitamete waniwema witsimemɨ'anene memɨmetsiparewie watsata mekaniye'uwani, 'atserietata 'uka ti'aitame kanakani huru 'Upixi miemekɨ 'utixawatɨretɨ.

Kitsariyaxi 21:16

Yawé mɨpaɨ kanetiniutahɨawe: «Xeiwiyari ka'anuyeyeiwekaku, ti'uximayatame mɨtiu'inɨnɨata hepaɨ ti'inɨatsieme, Tseraxi kemɨtimariwekai naitɨ kaneutiparimɨkɨ.

'Etsekieri 27:21

'Ahetsɨa memɨtenanetɨwe mepɨhɨkɨtɨkai 'Arawiya meta yunaitɨ te'aitamete Tseraxi miemete, mɨkɨ mepɨmatepitɨakai muxatsi yakɨ memɨpapakɨ, muxatsi 'ukitsikɨ meta tsipuri wahekɨ.