Kwikari 1:3 - Kakaɨyari Niukieya

³ Witsimu'ɨata pemɨ'akawiriwa, yemekɨ puwanake, 'ekɨtɨtɨ pekanihɨkɨtɨni waritsamu witsimu'ɨa. Kauka 'ayumieme 'ɨimarixi memenenaki'erie.

Kwikari 1:3 ပူးပေါင်းရင်းမြစ်များ

Ti'ɨkitame 7:1

Matsi tewi 'aixɨa peketixeiyarieka, keyuri witsipe'u'ɨatɨ. Matsi katiniyunaki'erieka kepauka temɨkwinitsie, keyuri temɨtinunuiwatsie.

Wani 12:3

Hikɨ Mariya naaru witsimu'ɨa hɨkɨame waɨkawa mɨraye'axe kane'ɨni, meriyu kiruyari hepaɨ paɨmeme, Ketsutsi ketateyatsie kanikawirieni. Ketateya kaniukawatsiɨxa yɨkɨpakɨ. Naitsarie kiita witsikatiniuye'ɨakaitɨni naarukɨ.

Kwikari 4:10

Kwinie yemekɨ witsipa'ane 'anaki'eriya, ne'iwa 'uka nemetsihɨawene. Matsi witsipa'ane 'anaki'eriya, winu kemɨkaha'ane, meta pemuyutawiriwa witsimu'ɨa tixaɨtɨ kemɨkatiɨ'ɨa hepaɨ pepɨ'ɨa.

Matsiɨkɨtɨ kemɨratɨa 14:4

Mɨkɨ mekanihɨkɨtɨni memɨkayutsewixima, 'ukarawetsixi memɨkawarukumayɨa. Muxa 'utɨma memuku'uwa tsepa hakewa meutɨa. Mɨkɨ teɨteri memutinanaiya mexɨakame 'ikwaxi hepaɨ, Kakaɨyari meta Muxa nuiwarieya memakɨnekɨ.

Piriputari 4:18

Nekanitanaki'erieniri xe'imikieri naime, kananuyuhayewani, katinaye'ani tita nemɨreuyehɨakai, 'Epapɨruritu netsi'u'ɨitɨaku tita xemɨteheyenɨ'a. Kexemɨte'uyuri, mɨkɨ 'imikieri witsimu'ɨa hepaɨ kaninaki'eriwani, mɨkɨ mawarika Kakaɨyari kaninaki'erieka.

Nɨawari 133:2

Mɨpaɨ xɨkati'aneni witsipɨti'ane, hatseiti mawari wewiwamete wahetsiemieme mɨ'ukweni hepaɨ, witsimɨtiukuke 'Aruni mɨxiyayatsie, wamu'utsie 'akaneikatɨ wakemari manukanenieretsie paitɨ mukaneika.

Nɨawari 45:14

Kemari ranakapitɨ 'aixɨa mɨti'anenekɨ reuxuiyatɨ kanewitɨwani ti'aitame hɨxie, 'ɨtɨmanata 'ɨimarixi me'eweiyatɨ.

Mateu 25:1

»Kakaɨyari mɨra'aitatsie 'ipaɨ katiniyɨmɨkɨ, kememɨyɨ mɨkɨ tamamata 'ɨimarixi yɨkɨxeme me'utihapaka memekɨ me'enunakeke neneɨkeme.

Kitsariyaxi 61:3

Tsiyunitari memɨte'uka'eniwa nemɨwatɨrɨkariyanikɨ. Pɨnetsiheyenɨ'a kuruna nemɨxe'anutiketsirienikɨ naxiri pɨkahɨkɨtɨni, temawierika hatseitiyari nemɨxekawirienikɨ nutuixiyari pɨkahɨkɨtɨni, kamixa 'ixɨararipa mieme nemɨxe'anakatɨtɨanikɨ 'iyari mɨkayuwaɨriyari pɨkahɨkɨtɨni. Tuaxa tita mɨtiheitserie mɨrexeiya xepɨteterɨwarieni, Yawé 'iteɨrieya, kɨmana witsitixeiyarietɨ mayuyeitɨanikɨ.

Kwikari 5:13

'Auriteya waritsamu 'etsiyari hepaɨ pɨ'anene, tupiriya witsimu'ɨatɨka 'etsiyari. Teniteya tuturite 'atsutsena kanihɨkɨtɨni muwa matineika mixaxi.

2 Kurinitutari 11:2

Hikɨ kenemɨti'ɨtetsa xeme xehetsiemieme, mɨkɨ Kakaɨyari hetsɨa kanimiemetɨni. Nepɨxeyetua xeime hetsɨa, Kɨritsitu hamatɨa xemɨyuxewinikɨ, yaxeikɨa 'ɨimari kemɨtiwikitɨariwa 'uki yuxewitɨ xeikɨa mitiwitɨnikɨ.

Kwikari 3:6

¿Titatihɨkɨ makumawetsie mɨretineika kɨtsi 'amuweni hepaɨ tiyuxexeiyatɨ, mixaxi meta 'ɨkwa witsimu'ɨa tsata, meta waɨkawa witsimu'ɨatɨka nɨtɨ?

Temaiwawemete 27:9

Mixaxi meta witsimɨtiu'ɨatɨka 'iyari kanitemawieritɨwametɨni, 'ekɨta witsikepemɨtiwaxeiya 'iwatamete mɨkɨta waɨkawa pewaparewiekaku mekaniyuwaɨriyani.

Kwikari 5:5

Ne'anukukeka 'uki nemɨnaki'eirie nekatineuyepirieni, mixaxi nemamatetsie kanikakukekaitɨni. Ne'itɨwametetsie paitɨ kananuyetsukekaitɨni mɨreuyepieriketsie paitɨ kanikaxɨrɨwekaitɨni.

Memeyekɨ 33:12

Muitsexi Yawé mɨpaɨ katiniutahɨawe: —'Ekɨ peyutemawietɨ pepɨnetikɨhɨawe kename newarayewitɨni 'ikɨ teɨteri, perutsɨ 'atsipepɨkanerahɨawe kemɨ'ane pepanunɨ'ani nehamatɨa. Mɨpaɨta peputaine kename ne 'ahamiku nehɨkɨ meta kename penetsiparewiwame.

Kwikari 6:8

Tsepa haika tewiyari 'ukari te'aitamete wa'ɨitama memakɨne, tsepa nauka tewiyari 'ukari memɨhɨkɨ ti'aitame hutarieka 'ɨitamama tsepa mekate'inɨaritɨ 'ukari 'ɨimarixi,

Memeyekɨ 33:19

Yawé mɨpaɨ katinita'eiya: —Ne 'aixɨa nepɨtiuka'iyari nepɨnewaɨriya nepɨmatsixeitsitɨani meta kenemɨtitewa pepeitimani. 'Aixɨa nepɨtiuka'iyari kemɨ'ane hamatɨa nemɨnewaɨriya, nepinenimaya kemɨ'ane nemeunenimayatamɨkɨ.