16 Kwinimieme pepɨtitemaikɨ, 'uki nemɨmatsinaki'erie. Yemekɨ 'ekɨ pepɨnetsinake. 'Ɨxa mɨtsitsiɨrawi ta'itari kanayeimɨkɨ kepauka temɨyutiwitɨnitsie,
'Uki neminaki'erie kepauka hipame 'ukitsi watsata muyeika, xikɨti 'ɨtsitsata mɨkawe hepaɨ katiniyuxexeiyani. Kaneninakeni hetɨana nemɨ'etɨpieka, witsikatinakakani takariyari.
'Ekɨ tewi witsipemɨti'axexeiya pekanihɨkɨtɨni, witsipekatiniuxaxatani, Kakaɨyari 'aixɨa pɨmatsiyurie yuheyemekɨ.
'Aixɨa pɨti'aneni meta witsipɨti'aneni naitɨ. Tɨriku temari metɨrɨkawime puwarayeitɨani, meta kaxie winuyari mɨhekwa 'ukari 'ɨimarixi puwatemawieritɨani.
Neuxei, Tsarumuni kaxetaya kaniyɨaneni. Haika tewiyari kuyaxi me'eweiyatɨ mana pamie, 'ixaheritsixi kuyaxiyaritsie memanayexeiyarie kwinimieme yeme memɨteheuyutakwiwawe.
'Akuyaxima mepuyuwaɨriyani tukaritsie kepauka xemuyutakwini, hɨrite mɨpatsietɨkatsie me'u'uwatɨ. Tau 'ɨrɨya manatinexɨanitsie, kepauka 'ahetsie mɨtinake hekwamekɨ pɨmatsitɨrɨkariya.
Kwinimieme pepɨti'ɨimari, 'uka nemɨmatsinaki'erie. Witsipepɨ'ane. 'Ahɨxite, kukuruxi memɨyuhuta wahepaɨ pɨtiyuxexeiya.
'Uki neminaki'erie maxa hepaɨ katiniyuxexeiyani, maxa temaikɨ hepaɨ kani'aneni. Paratsɨ xekeneuxeiya, takiiwarie warita kaniutiweni, 'awienierenetɨ maxawariyarietɨkata, yɨkɨ'ɨwiyatɨ mayexaxawata.
Ne nepukutsukai, matsi ne'iyari payenierekai. Hikɨ xeime niuki nekaniu'enieni. 'Uki neminaki'erie kitenie kanatawekaitɨni. «Ne'iwa 'uka nemɨmatsi naki'erie, witsipemɨti'ɨimari nekukuru, keneneupitɨa nemeutahanikɨ. Nemu'utsie haɨtsikɨ nepumu'uhawi, tɨkarikɨ mieme hawiriya nekɨpatetsie panakaxɨrɨwe».
Ne'anukukeka 'uki nemɨnaki'eirie nekatineuyepirieni, mixaxi nemamatetsie kanikakukekaitɨni. Ne'itɨwametetsie paitɨ kananuyetsukekaitɨni mɨreuyepieriketsie paitɨ kanikaxɨrɨwekaitɨni.
Yemekɨ kwinie pepɨti'ɨimari, 'uka nemɨmatsinaki'erie, 'ukaratsi witsipemɨtiuka'iyari pepɨhɨkɨ.