Kwikari 1:13 - Kakaɨyari Niukieya

¹³ 'Uki neminaki'erie, mixaxi witsimu'ɨa purutsata mɨyeka hepaɨ kani'aneni, netawitsie kaneukukutsuni neheikukwekaku.

Kwikari 1:13 ပူးပေါင်းရင်းမြစ်များ

'Epetsutari 3:17

mɨkɨ meta, kexepitɨaka Kɨritsitu xe'iyaritsie mɨyekanikɨ yuri xete'eriekaku. Xeteyukanaki'erietɨ xekenetseiriyarieka, kɨye kemɨtitse'i hananatɨ, kii kemɨtitse'i tetsariyatsie wetɨ.

Wani 19:39

Nikuremu manata kaninuani meripaitɨ hetsɨana munua yɨwikɨta. Mɨkɨ mixaxi meta 'aruhe witsimu'ɨa yunɨkame kani'atɨani merieneka hepaɨ paɨmeme.

Nɨawari 45:8

Mixaxi 'ɨakariyari, 'aruhe meta kanera, mɨpaɨ pu'ɨatɨka 'akemarite, paratsiyu witsimɨtiuye'anetsie 'umetekɨ tiwaku'utɨkaimeta pe'ayekaiku, pɨmetsitemawieritɨa kanari yuariyaya.

Kwikari 5:13

'Auriteya waritsamu 'etsiyari hepaɨ pɨ'anene, tupiriya witsimu'ɨatɨka 'etsiyari. Teniteya tuturite 'atsutsena kanihɨkɨtɨni muwa matineika mixaxi.

Kwikari 5:5

Ne'anukukeka 'uki nemɨnaki'eirie nekatineuyepirieni, mixaxi nemamatetsie kanikakukekaitɨni. Ne'itɨwametetsie paitɨ kananuyetsukekaitɨni mɨreuyepieriketsie paitɨ kanikaxɨrɨwekaitɨni.

Kwikari 5:1

Neharaweritari nekaninuani, 'uka ne'iwa nemɨmatsi naki'erie, muwa nepikaxei mixaxi waritsamu meta, muwa xiete kwaiyarikɨ ne'iyari paye'axe. Muwa nepikaxexeiya waɨkawa winu meta retsi, naitɨ 'ikɨ pɨtinehetsiemieme. Hamikutsixi, xeketenekwaka xeketene'ieka, xekeneutitarɨwai naki'eriyakɨ.

Kwikari 4:14

naitɨ kɨyexi muwatsuayatɨka witsimu'ɨatɨka, naaru meta 'atsapɨrani, karamu meta kanera, mixaxi meta 'aruhe, witsimɨti'anene xeikɨa naitɨ.

Kwikari 4:6

'Akuxi kakɨyɨriwekaku, 'akuxi 'etɨri katipariwekaku, nekananutiyeimɨkɨ mixaxi yemuriyaritsie, meta 'ɨkwa witsimu'ɨa hɨriyaritsie.

Kwikari 3:5

Ne mɨpaɨ nepɨtixewawirie, 'ukarawetsixi Kerutsareme kiekatari, maxatsi 'ɨimarixi yeuta memu'uwakɨ, 'uka neminaki'erie xepɨkahehɨtɨaka xepɨkahei'uximatɨaka tsepa kepaukake manutanierixɨ.

Kwikari 2:7

Ne mɨpaɨ nepɨtixewawirie, 'ukarawetsixi Kerutsareme kiekatari, maxatsi 'ɨimarixi yeuta memu'uwakɨ, 'uka neminaki'erie xepɨkahehɨtɨaka xepɨkahei'uximatɨaka tsepa kepaukake yukɨmana manutanierixɨ.

Tsutɨarika 43:11

Hikɨ 'Ixaheri wapaapa mɨpaɨ katiniwarutahɨawe: —Kamɨtsɨ mɨpaɨ xeketeneuyuri, yu'iwa xekenanuwitɨki. Takwiepa mɨtixuawe 'aixɨa mɨti'anene xeketeneuka'ikata yukuxitariteta. Xeketenanutɨkiri 'iya tewi, xekenemikwa waritsamu 'etsiwa, xiete, witsimu'ɨa, mixaxi, pitsitatsi, 'erimenitɨra nuetsi hepaɨ mɨ'anene.

Kwikari 3:6

¿Titatihɨkɨ makumawetsie mɨretineika kɨtsi 'amuweni hepaɨ tiyuxexeiyatɨ, mixaxi meta 'ɨkwa witsimu'ɨa tsata, meta waɨkawa witsimu'ɨatɨka nɨtɨ?

Kwikari 4:16

Kenanutanieri, 'eka tayeta mieme. 'Eka tatsutɨa mieme, niwa kenaye'a. Neharawerita xekeneuka'ekawi, witsikemɨtiuye'ɨa xekeneutawiwiexɨa. Yuharawerita 'uki neminaki'erie kehamieni muwa mieme 'ikwaxi witsima'ane keha'inɨata.