Kuwi 2:3 - Kakaɨyari Niukieya

³ Yawé tawarita mɨpaɨ katinita'iwawiya: ―¿Kuwi neti'uximayatsiriwame hepaɨtsita kepetiku'eriwa? Xewitɨ mɨkɨ hepaɨ 'anetɨ kwiepa kaniumaweni, tewi heitseriemekɨ yamɨtiyuriene meta hetsiena mɨkarahɨiwa kanihɨkɨtɨni, kenemɨrehɨawe kaneni'enieka meta 'axamɨti'anekɨ kaniyɨ'ɨwiyani, tsepanetɨ 'ekɨ waɨriyarika pemɨnetsi'utawawiri 'axanemiyurienikɨ tsepa 'atsikatiuyuri, matsi 'akuxi mɨyatɨtɨ nehetsie yuri pɨti'erie.

Kuwi 2:3 ပူးပေါင်းရင်းမြစ်များ

Kuwi 1:8

Hikɨ Yawé tawarita kanita'iwawiya: ―¿Keri petiku'eriwa neti'uximayatsiriwame Kuwi hetsiemieme? Nixewitɨ mɨkɨ hepaɨ 'anetɨ kwiepa kaniumaweni, tewi 'aixɨa mɨtiuka'iyari meta hetsiena mɨkarahɨiwa kanihɨkɨtɨni, kenemɨrehɨawe kaneni'enieka meta 'axamɨti'anekɨ yukweriwayurietɨ.

1 Pekuru 1:7

Huru, tsepanetɨ mɨxɨwe, taikɨ kwaxiyarietɨ waɨkawa kanixawatuni. Xemeta yuri kexemɨte'erie mɨpaɨ pɨ'ane, huru kemɨkaraye'axe matsi mɨkɨ waɨkawa katinaye'aka, mɨpaɨ xete'inɨatsietɨ matsi xeyɨwawetɨ xekanakɨnikuni, Kakaɨyari 'aixɨa pɨtayɨni xehepaɨtsita, meta witsipɨtixexeiya kepauka Ketsutsi Kɨritsitu matsiɨkɨtɨ mayani.

Tsatiyaku 1:12

'Aixɨa kani'itɨarieka kemɨ'ane tiuka'eniwatɨ mumie, mɨkɨ mɨpaɨ tita'inɨatsieme, tukari kurunayari kaniyetuiriyariemɨkɨ Kakaɨyari kemutayɨ kemɨ'ane meminaki'erie wahetsiemieme.

Temaiwawemete 16:17

Kemɨ'ane heitseriemekɨ yamɨtikamie huyetana 'axamɨti'ane pɨtiumawe, kemɨ'ane yutukari mɨwikweitsitɨamɨkɨ, kaniyɨ'ɨwiyani kemɨtimie.

Kuwi 9:17

'Eka naime mɨti'unawekɨ pɨnetsi'umiewe, 'etsitipemekɨtɨtɨ waɨkawa mɨnetiuka'enitsitɨiya pɨyɨwe.

Piriputari 3:12

'Akuxi mɨpaɨ nepɨka'ane, 'akuxi nepɨka'aye'awe. Kɨritsitu Ketsutsi pɨnetsi'u'axixɨ, neta nemi'axenikɨ tita mɨnetimini. 'Ayumieme nepɨnemexɨitɨa, yanemɨraye'anikɨ.

Wani 9:3

Ketsutsi mɨpaɨ katiniwaruta'eiya: —'Ikɨ 'axamɨtiuyurikɨ pɨka'ane, meta paapamama 'axamemɨte'uyurikɨ pɨka'ane. Matsi Kakaɨyari kemɨtiyurieni hetsiena mɨmatsiɨkɨrekɨ pɨta kani'aneni.

1 Pekuru 5:10

Mɨkɨ meta, Kakaɨyari naimekɨ 'aixɨa katiniuka'iyarini, mɨkɨ kanixe'uta'inieni hepaɨna witsixe'aneneme mɨxe'ayeitɨanikɨ yuheyemekɨ Kɨritsitutsie xetewiyakaku, mɨkɨri yapaɨmexɨa xetekwineyu kanixehekwariyamɨkɨ, meta xetɨrɨkawime kanixe'ayeitɨamɨkɨ, kanixetseiriyamɨkɨ, xekitɨa mieme tetsariya kanitakemɨkɨ.

Temaiwawemete 15:8

Yawé 'axateyuruwamete wamawari kani'uxiwe'erieka, matsi puyutemawie heitseriemekɨ yamemɨtekahu wanenewierikɨ.

Kuwi 1:1

'Utsi kwieyaritsie tewi xewitɨ kaniukateitɨni heitseriemekɨ 'aixɨa tiyurienetɨ meta hetsiena karahɨiwakaku, Kakaɨyari 'ayemakatɨ meta 'axamɨti'anekɨ yupatatɨ. Mɨkɨ tewi Kuwi pɨtitewakai.

Temaiwawemete 14:2

Kemɨ'ane 'aixɨa 'anemekɨ mumie Yawé kanayemakaxeni, kemɨ'ane Yawé xani'erietɨ mumie mɨkɨ 'axakatiniyurieneni.

Temaiwawemete 13:6

Heitseriemekɨ yamɨtikamie pɨ'ɨwiyarie, matsi 'axatiyuruwame 'axamɨti'ane pika'una.

Temaiwawemete 11:8

Heitseriemekɨ yamemɨtekahu mepɨwikweitsitɨarie kwaniwemetsata, matsi 'axatiyuruwame haweri pɨranuyeyani.

Nɨawari 41:12

'Aixɨa nemɨtiuyeikakɨ pepɨnetsituikani, 'ahɨxie yuheyemekɨ ne'uyeikame pepɨnetsi'ayeitɨani.

Nɨawari 37:37

Kwi keniwaruxeiyata 'aixɨa memɨtekahu: tukari 'upamie kayuwatɨ memɨkuwautɨwe wahetsiemieme.

Kuwi 13:15

Tsepa mɨnetiumi. Ne hetsiena nepɨtitakwewie. Matsi hɨxiena kenemɨtiuyeikakɨ yanepɨtayɨni.

Kuwi 9:20

Tsepa 'aixɨa 'anemekɨ nemuyeika, neneni kanenanutahɨamɨkɨ, tsepa 'atsinemɨka'utaine, nehetsie katinahɨiyamɨkɨ.

Kuwi 1:11

Matsi xɨka 'amamá pe'utatsera meta tita mɨrexeiya naime petinawairieni, hekɨatsɨ 'axamɨkatayɨni 'ahɨxie.

2 Tsamuheri 20:20

Kuhawi mɨpaɨ kaniutayɨni: —Hawaikɨ. Kakaɨyari kenetsiparewieka mɨpaɨ nemɨkatiyurienikɨ, nemɨka'ika'unakɨ.

Tsutɨarika 6:9

'Ikɨ Nuhexi kemuyɨ pɨ'ɨxatsiyari. Nuhexi 'aixɨa katiniuka'iyarikaitɨni, yakatinikamiekaitɨni yuteɨterima wahamatɨa. Kakaɨyari hetsiemieme 'aixɨa katiniuyeikakaitɨni.

Nɨawari 26:1

Yawé, heitseriemekɨ ketineuyuri nehetsiemieme, ne 'aixɨa nepɨtiuyeika, Yawé, 'ahetsie nepɨtiwiya nekahekawaɨtsetɨ.

Kuwi 2:2

Yawé mɨpaɨ katinita'iwawiya: ―¿Hakewa pepeyetɨa? Kauyumarie mɨpaɨ katinita'eiya: ―Naitsarie kwiepa nekanakuyani, naitsarie kemakuyewa.

Kuwi 2:4

Kauyumarie mɨpaɨ kaniutayɨni: ―Xɨka matsi 'akuxi xewitɨ katiukwinitɨarieni hakewa meikukukuinetsie tixaɨtɨ pɨkareuyehɨwa. Peru matsi yutukari mɨtawikweitsitɨanikɨ, tewi tita mɨrexeiya naime katiniyetuamɨkɨ.

Kuwi 1:6

'Ana tukari kanaye'akaitɨni Kakaɨyari niwemama Yawé hɨxie memɨ'axɨanikɨ, mɨkɨ wahamatɨata Kauyumarie kaninuani.