Kutsuhexi 8:1 - Kakaɨyari Niukieya

¹ Yawé Kutsuhexi mɨpaɨ katinayehɨtɨani: «Pepɨkamaka kene'awaɨriyani. Yunaime keniwaranuwitɨki kuyaxi, 'Ahi xekeneutami'a. Ne nepɨxeparewieni ti'aitame xema'iwakɨ meta kuyaximama. Wakiekari xepiinite katinayeimɨkɨ meta naitɨ kwieyari memanu'uwa.

Kutsuhexi 8:1 ပူးပေါင်းရင်းမြစ်များ

Kutsuhexi 1:9

Mɨpaɨ nekamatini'aitɨaka: Kenetɨrɨkaɨyeni ketinayu'iwani. Pepɨkamaka kene'awaɨriyani. Yawé 'akakaɨyari pɨmatsiteɨtani tsepa hakewa pemetɨa».

Hutarieka 'inɨari 7:18

Peru xepɨkawareumakaxeni, xekena'eriwani Yawé xekakaɨyari Parahuni teɨterimama 'Ekipitu kemɨwaruyuri.

Hutarieka 'inɨari 1:21

Xekeneuxeiya, Yawé xekakaɨyari kwie kanixeyetuirieniri. Xekenehu yukwie xekenayeitɨa Yawé kemɨtixehahɨawekai, xetutsima wakakaɨyari. Xepɨkamamaka meta xepɨka'utiweranareni”.

Kutsuhexi 6:2

Yawé Kutsuhexi mɨpaɨ katiniutahɨawe: «Keriku nepɨmatsiyetuiri meta mana ti'aitame metatsiere kuyaximama pemɨwakwinikɨ.

Hutarieka 'inɨari 31:8

Yawé matsi panuyehaitɨaka 'ahɨxie meta 'ahamatɨa puyeikani, hatsuaku pɨkamatsiku'eirieni 'axaɨtame meta pɨkamatsinutuita. Pepɨkamaka meta pepɨka'utaweranareni».

Kitsariyaxi 43:2

Kepauka hapa pemuyani, ne 'ahamatɨa nekaniumiemɨkɨ, kepauka hatuxametsie pemanuyani, haa 'aheima pɨka'uyeuriweni, kepauka taipa pemumieni, pepɨkakwaxe pepɨkatatani,

Mateu 8:26

Mɨkɨ mɨpaɨ katiniwarutahɨawe: ―Teɨteri 'etsiwa xeikɨa yuri xemɨte'erie, ¿titayari xetemama waɨkawa? Hikɨ 'anukukeka 'eka kaniutatieni meta hamewari, hikɨ naitɨ kayuwatɨ kaniutamare.

Tanieri 4:35

Yunaitɨ kwiepa memɨtama nitixaɨtɨ mepɨkatehɨkɨ hɨxiena. Kakaɨyari yapɨtiyuriene kemɨtinake niuki tuayamete wahetsie meta teɨteri kwiepa memɨtama wahetsie. Pumawe xewitɨ tɨrɨkariyaya hɨxie mukeni meta pumawe titayari mɨya petiyuriene mɨrehɨawe.

Tanieri 4:25

'Ekɨ teɨteri watsata pekananayehaniemɨkɨ, yeutari wahamatɨa pe'uyeikatɨ pekanayeimɨkɨ, tewaxi wahepaɨ 'ɨxa pekanitikwaimɨkɨ, 'ahetsie haɨtsi kaniupaparemɨkɨ. 'Atahuta wiyari kananuyeyeimɨkɨ, kepaukake 'Ekɨ ti'aitame mɨpaɨ pemɨretimani kename Kakaɨyari 'Amutewi 'itsɨkame hɨkɨ yunaime kwiepa te'aitamete wahetsie, meta mɨkɨ pɨyɨwe ti'aitame meyeitɨani kemɨ'ane manayexeiya.

Tanieri 2:21

Mɨkɨ tukari pukupata naime kemɨtiyeyɨxime, pɨwaranuka'uitɨwa pɨwaranakaxɨrɨwa te'aitamete. Temaiwawemete memɨtemaiwawenikɨ pɨwapitɨa. Kwinie memɨteheutamaiwawe, memeitimaitɨkɨkanikɨ pɨwapitɨa.

Keremiyaxi 46:27

»Peru 'ekɨ, Kakuwu neti'uximayatsiriwame, pepɨkamaka, pepɨka'utimamaweni, 'Ixaheri. 'Ateewa pe'uyeikame nekamenitawikweitsitɨamɨkɨ, xeime kwieyaritsie pehanuhanieyu. Kakuwu kayuwatɨ pehexeiyatɨ pekanayeimɨkɨ, 'aixɨa 'iyari pe'uyeikatɨ pekanayeimɨkɨ.

Kitsariyaxi 12:2

Kakaɨyari netsiwikweitsitɨwame kanihɨkɨtɨni. Hetsiena yuri nepɨti'erieka meta nepɨkaheumaka. Yawé netɨrɨkariya kanihɨkɨtɨni, Yawé nekwikari pɨhɨkɨ, mɨkɨ netsiwikweitsitɨwame kanihɨkɨtɨni».

Nɨawari 46:11

Yawé Naimekɨmɨtɨrɨkaɨye tahamatɨa kaniuyeikani, hetsɨana temɨta'awieta Kakuwu Kakaɨyarieya kanihɨkɨtɨni.

Nɨawari 44:3

Wa'ixipara pɨkatiuyuri kwie mema'iwaxɨ, yukɨmana mepɨkate'uyuri memɨte'ayu'iwaxɨ: matsi 'atɨrɨkariya pɨtiuyuri, 'amamá 'atserieta mieme pɨtiuyuri, 'anierika xawatɨriyaya pɨtiuyuri, 'ekɨ pemɨwanaki'eriekaikɨ.

Nɨawari 27:1

Yawé nehekɨariwiwame kanihɨkɨtɨni meta netsiwikweitsitɨwame, ¿kemɨ'ane nepumakaxeni? Yawé netukari mɨ'ɨwiya kanihɨkɨtɨni, ¿kemɨ'ane 'aku pɨnetsi'utimariutawe?

Kutsuhexi 7:9

Kananeutsixi mepɨtetamarieni kiekari 'ahurawa mumanetɨkatsie mepɨtehetamarieni, hikɨ tahetsɨa mepɨye'axɨani mepɨtatsikwini. Hikɨtari keraniuwani 'ahepaɨtsita.

Kutsuhexi 10:7

Kutsuhexi Kirikari kanayeyani yunaime yukuyaxima warawitɨtɨ, yemekɨ memɨ'ayumiemetetɨkai.

Kutsuhexi 10:8

'Ana Yawé Kutsuhexi mɨpaɨ katiniutahɨawe: «Pepɨkamaka wahɨxie, ne nekameniyetuiriemɨkɨ. Nixewitɨ mɨkɨ mepɨkamatsiha'iwa».

Keremiyaxi 49:3

»Keneutatsuakani, Hetsiwuni, karikɨ 'Ahi kiekariyari muka'unariekɨ. Xekeneutihiwani Xawaha niwemama 'ukari. Hiwerika kamixayari xekenanakatɨtɨkani, xekeneutitsuanani, kuraru 'amatitewa taɨta paitɨ xekenewanautsatɨweni, Muruki kakaɨyariyari 'ateewa paitɨ kananutɨkiemɨkɨ, yunaitɨ mara'akatemama meta waparewiwamete.

Hutarieka 'inɨari 7:21

Xepɨkawamakaxeni mɨkɨ, matsi Yawé xekakaɨyari, mɨmariwe mumakaxiwa xehamatɨa kaniuyeikamɨkɨ.

Kutsuhexi 2:24

«Yawé pɨtatsiyetuiriri mɨkɨ kwie naime. Yunaitɨ teɨteri mekanimamaka metatsixeiyatɨ».