Kutsuhexi 7:26 - Kakaɨyari Niukieya

²⁶ Hikɨ wahetsie tetexi 'anekame mekananukeni hikɨ 'akuxi kaneyuhekɨaka. 'Ayumieme mana pɨrayetewa 'Akuhuxi, 'uximatɨarika 'akiyari manuyɨne. Mɨpaɨ Yawé katiniuyunɨtɨani.

Kutsuhexi 7:26 ပူးပေါင်းရင်းမြစ်များ

'Utseyaxi 2:15

'Ana nekaniyetɨiriemɨkɨ kaxie haraweriyari, mayeweritsie waɨkawa Kemɨtiuka'eniwakai 'aixɨa 'aneme nepayeitɨani memanukɨka Mɨnetsitakwewiekɨ. Mana pɨnetsita'eiya temaikɨyari hepaɨ, kepauka 'Ekipitu mayetɨatsie hepaɨ.

Kitsariyaxi 65:10

Neteɨterima kemɨ'ane memɨnetsikuwautɨwe, Tsaruni makuweritsie wamuxatsima mepu'uwani, 'Akuhuxi mayeweritsie, wawakaitsixi mepɨye'uwani.

Hutarieka 'inɨari 13:17

'Ahetsiemieme tixaɨtɨ piini pepɨkarayeitɨwani tinaitɨ mɨkɨ katiniyetuiyani mɨreuyehɨiyanikɨ. Hikɨ 'ana Yawé yuhaxɨa 'ahetsie pɨkapitɨani, matsi pɨta 'aixɨa matixeiyatɨ matsinenimayatɨ, meta yapɨtiyurieni 'anuiwarima yumɨiretɨ memakɨnekɨ, kemɨtiwarutahɨawixɨ meripaitɨ 'atutsima.

Hiwerika 3:53

Ne'ayeniereme mekaneniteukikuni tetexikɨ menetsiheukananike newatiyanikɨ.

2 Tsamuheri 18:17

Kwitɨwata 'Awitsaruni kaxarieya me'utikweka, hewatixawakaku mekaneikahɨani makuxiuyatsie tetexikɨ mekanenukanani. 'Ixaheritsixi meta mekaneuyuta'unaxɨani yukie.

Kutsuhexi 8:29

Meta 'Ahi kiekariyaritsie ti'aitame kaniuta'aita mɨkawiyanikɨ kɨyetsie, meta mɨpaɨ kaniutayɨni mana muyewiekakɨ kepaukake tau makayunekekai. Hikɨ 'akayuneku, Kutsuhexi katiniuta'aita ti'aitame kaxarieya makahanienikɨ kiekari kitenie memeiyehɨanikɨ. Yaxeikɨata katiniuta'aita tetexi mukuxeɨriyanikɨ hetsiena. Mɨkɨ tetexi mukuxeɨriya hikɨ 'akuxi kaneyuhekɨaka.

Kutsuhexi 7:24

Kutsuhexi meta 'ixaheritsixi 'Akani mekanewitɨni, Tsera tutsieya, 'Akuhuxi reyetewakaku mekaneiwitɨni, pɨrata 'ixuriki tuwaxayari 'amɨtewi huru meta niwemama 'ukitsi 'ukari, tewamama, 'ixuriki kiyari naime tipiinieya. Kepauka mayeweritsie 'Akuhuxi memu'axɨa,

Tsakariyaxi 6:8

Merikɨte niuki tuayame kaneniuta'inieni mɨpaɨ kanetiniutahɨawe: «Neuxei, mɨkɨ memekɨ tayeta kwieyaritsie mana nehaxɨa mekaneunɨtɨayuni mɨkɨ kwieyaritsie».

Kuheri 2:18

Merikɨtsɨ Yawé matsiɨkɨme kanayeitɨani kemɨtinaki'eriekai yukwie hetsiemieme, katiniwareuyehɨwirieni yuteɨterima.

Kuheri 2:13

Yu'iyaritsie xekeneuyukatsanani yukamixatsie pɨkatixaɨ. Yawé yukakaɨyari hetsɨa xekeneu'axɨa, mɨkɨ pɨtiuyukanenimaya pɨkahayu'eriya, naki'eriyakɨ pɨhɨne kwitɨwa pɨka'uyeha'arɨwe, pɨyuwaɨriya naime mɨreuyehɨwirienikɨ meta pɨkarakwinitɨani.

Kitsariyaxi 40:2

Kerutsareme witsixeketenekɨhɨaweni, mɨpaɨ xeketeneutahɨawi 'ari mekatenaye'atɨani mete'uximayatɨ, 'axamɨtiuyurikɨ 'ari katiniuyutuani, 'ari Yawé kaniwaru'uximatɨani 'axakememɨte'uyurikɨ matsi waɨkawa hepaɨna paɨmemekɨ.

2 Tsamuheri 21:14

Mɨpaɨ katiniukateukieni Tsahuri meta Kunatani wa'umeteyari, Kihitsi teukiyapa Tsahuri mɨpaapayatɨkai, Tsera mɨrakutewatsie Wenikamini kwieyaritsie. Naitɨ mɨpaɨ katiniɨyɨni ti'aitame yatiu'aitaku, hikɨ 'anake Kakaɨyari mɨkɨ kwieyaritsie kiekatari kaniwarutinenimayata.

Kutsuhexi 10:27

Tau 'akayunirɨmekakuke Kutsuhexi katiniuta'aita wakaxari makahapanienikɨ, terɨta memayu'awietakaitsie memeutaxɨriyanikɨ. Hikɨ mekateneunani terɨta tetexi 'anenekame mekaneuyatsa, hikɨ 'akuxi kanehekɨaka.

Memeyekɨ 32:12

¿Mɨpaɨ memɨka'utiyuanenikɨ 'ekipitutari, kari mɨkɨ pɨwarayewitɨ wakwimɨtɨ yeuta paitɨ, 'ena kwiepa memeuyewenikɨ? Pepɨkaha'aka ketineunewi. Keneuyɨnɨtɨa, 'ateɨterima wahetsiemieme 'axapepɨkatiyurieneni.

'Inɨatsie 25:8

mɨkɨ tewi kananukuweiya, xamarutana kaneutahani kaniwarutimɨni 'uki 'ixaheri meta 'uka. Mɨpaɨ tiuyɨku 'ixaheritsixi kememɨtekwi'ikai katineuyunuani.

Hutarieka 'inɨari 13:18

Mɨpaɨ katiniyɨmɨkɨ, kepauka naime 'ikɨ 'aitsikate xemaye'atɨani hikɨ nemɨxeyetuirie, meta kepauka heitserie yapemɨtiyurieneni Yawé 'akakaɨyari hɨxie.

2 Kemɨtiuyɨ 29:10

»Ne hikɨ tɨratu nekaniwewimɨkɨ Yawé 'Ixaheri kakaɨyarieya hamatɨa, tahepaɨtsita mɨkaha'akakɨri.

'Etsitɨraxi 10:14

Mɨpaɨ tepaitɨka tame 'aixɨa katiyɨni te'aitamete memanuyetei xeikɨa memɨyuhayewa, yunaitɨ kemɨ'ane takiekaritsie memɨtitetɨka 'ukarawetsixi hipame memɨwarutiwitɨ mɨkɨ tukari ke'utipiyani kepauka memayenexɨani, 'itsɨkate mɨkɨ kiekaritsie miemete wahamatɨa me'aye'utɨ, kepaukake takakaɨyari mɨkahaxɨapieni 'axatemɨte'uyurikɨ.

Nɨawari 85:4

Tawarita matsi 'aixɨa ketaneuyuri, Kakaɨyari tatsiwikweitsitɨwame, ketineuhayewa 'axakepemɨtatiku'eriya.

'Utseyaxi 2:17

Ne nepɨmeratɨmaiyatsitɨani tawarita pemɨkawakuxatanikɨ memɨkayuri kakaɨyarixi, hatsuakuri pemɨkawatahɨawe.

Kunatsi 1:15

Hikɨ Kunatsi me'uwiyaka hapa mekaneikahɨani, 'ana panukanuatɨya hamewari.