Kutsuhexi 7:24 - Kakaɨyari Niukieya

²⁴ Kutsuhexi meta 'ixaheritsixi 'Akani mekanewitɨni, Tsera tutsieya, 'Akuhuxi reyetewakaku mekaneiwitɨni, pɨrata 'ixuriki tuwaxayari 'amɨtewi huru meta niwemama 'ukitsi 'ukari, tewamama, 'ixuriki kiyari naime tipiinieya. Kepauka mayeweritsie 'Akuhuxi memu'axɨa,

Kutsuhexi 7:24 ပူးပေါင်းရင်းမြစ်များ

Temaiwawemete 15:27

Kemɨ'ane waɨkawa mɨrexeiyanikɨ mɨtihiwe'erie 'aixɨa pɨka'ane tɨɨriyamama wahetsiemieme, matsi tumini mɨka'anu'ɨwe hetsiena mɨraka memɨteheuyehɨwirienikɨ mɨkɨ yuheyemekɨ tukari hexeiyatɨ payani.

'Utseyaxi 2:15

'Ana nekaniyetɨiriemɨkɨ kaxie haraweriyari, mayeweritsie waɨkawa Kemɨtiuka'eniwakai 'aixɨa 'aneme nepayeitɨani memanukɨka Mɨnetsitakwewiekɨ. Mana pɨnetsita'eiya temaikɨyari hepaɨ, kepauka 'Ekipitu mayetɨatsie hepaɨ.

Kitsariyaxi 65:10

Neteɨterima kemɨ'ane memɨnetsikuwautɨwe, Tsaruni makuweritsie wamuxatsima mepu'uwani, 'Akuhuxi mayeweritsie, wawakaitsixi mepɨye'uwani.

Kutsuhexi 15:7

Manata Rewixi hepa, mayeweritsie 'Akuhuxi, kanekutunikaitɨni teikɨmana Kirikari hepatsie, 'Arumini hɨxie teikɨmana, mayeweritsie hetɨa. 'Enitsemetsi 'akiyari 'utɨa kaneutayunekaitɨni mana kaniye'akaitɨni 'Enixukeri paitɨ.

Kutsuhexi 7:26

Hikɨ wahetsie tetexi 'anekame mekananukeni hikɨ 'akuxi kaneyuhekɨaka. 'Ayumieme mana pɨrayetewa 'Akuhuxi, 'uximatɨarika 'akiyari manuyɨne. Mɨpaɨ Yawé katiniuyunɨtɨani.

Memeyekɨ 20:5

Mɨkɨ wahɨxie pepɨkatitunumakekani, pepɨkawarayexeiyani. Ne, Yawé 'akakaɨyari nemɨtiyukakwerie nekanihɨkɨtɨni. Kepauka wapaapama 'axamemɨte'u'iyari kepauka memɨnetsixani'erie, ne waniwema nepɨwa'uximatɨa, wateukarima, watutsima meta mɨkɨ waniwema.

Ti'ɨkitame 5:13

Hikɨ tukaritsie nepɨtixeiya waɨkawa 'axamɨti'ane: waɨkawa tumini muti'utakɨ xeikɨa kemɨ'ane miti'utaxɨ mu'uximatɨarienikɨ,

Kuwi 20:15

Waɨkawa mɨrexeiyanikɨ kemɨranukaxɨ kanitahayamɨkɨ, Kakaɨyari yakatiniyurimɨkɨ yuhuriepa menatihayanikɨ.

Kutsuhexi 7:1

Peru, 'ixaheritsixi Yawé mepɨka'anu'eni memɨte'uti'utaxɨkɨ tita memɨtetitaiyakekai, 'Akani Karimi nu'aya Tsawiri teukarieya Tsera tutsieya, mɨkɨ yatipaɨmeme katiniuti'awieta yuhetsiemieme Kakaɨyari tita mɨti'aitakai memɨtetitaiyakɨ. Mɨkɨ tewi Kura nuiwarieyatsie mieme mɨyatiuyurieku Yawé kaniuyeha'ani 'ixaheritsixi wahekɨ.

Kutsuhexi 6:21

Yunaime mekateniwarukwini 'ixiparakɨ 'ukitsi, 'ukarawetsixi, temari meta 'ukirawetsixi, yaxeikɨata mekaniwarukwini wakaitsixi, muxatsi meta puxuri, yunaime memɨte'ayenenierekai naitɨ kiekari kaniuka'unarieni.

Kutsuhexi 6:18

Tixaɨtɨ xepɨkatekumaɨwani peuyewetse naime temɨtetitaiyakɨ, kapa tame xeme meta temakutei 'ixaheritsixi 'axamɨti'ane temɨniupitɨarie temɨneuyehɨiya.

Tsutɨarika 18:25

Mɨpaɨ pemɨtiyurieneni matsi 'aixɨa pɨka'ane. Heitseriemekɨ yamɨtikamie xɨka 'umieni 'axamɨtiyuriene hamatɨa meta yaxeikɨa memɨte'anuyehuni yunaitɨ. Mɨpaɨ matsi hatsuaku pepɨkatiyurieneni. 'Ekɨ 'itsɨkame pekanihɨkɨtɨni 'ikɨ kwie naime hetsiemieme. ¿Tamɨ kemɨtiheitserie pekatiyurieni?

Kutsuhexi 7:23

mekateniwatipini Kutsuhexi hetsɨa mekatenepini meta 'ixaheritsixi, mɨkɨ Yawé hɨxie mekatenitipini.

Kutsuhexi 22:20

Puyuri kepauka 'Akani Tsera nu'aya 'axamɨtiuyuri kepauka mɨtiunawa 'iya naime temɨtehauyehɨanikekai, Kakaɨyari haxɨaya tanaime tahetsie 'ixaheritsixi katiniunake. Yaxeketenemaika 'Akani xeikɨa pɨka'umɨ 'axamɨtiuyurikɨ.