Kutsuhexi 7:15 - Kakaɨyari Niukieya

¹⁵ Kemɨ'ane mɨtitaxeiriyarieni piinite memɨyukwitɨwe tiwapiini mɨtititaiyarienikekai kanitataiyariemɨkɨ meta yunaitɨ tɨɨriyamama meta naitɨ tiwapiinite, 'axamɨtiuyurikɨ Yawé kemɨkahainekai 'ixaheritsixi wahetsie 'axati'aneme mɨ'atɨakɨ.

Kutsuhexi 7:15 ပူးပေါင်းရင်းမြစ်များ

Tsutɨarika 34:7

Kepauka Kakuwu niwemama memu'axɨa mekateniutamarieni kemɨtiɨyɨkai, pɨkawarunakixɨ waɨkawa meha'atɨ mekaniuyuhayewa. Tsikeni waɨkawa 'axakatiniuyuriekaitɨni 'Ixaheri hepaɨtsita niweya munanaimakɨ, pɨkaheuyewekai matsi mɨpaɨ mɨtiyurienikɨ.

'Itsɨkate 20:6

Hikɨ neheitikweka, nekaneitixitexɨani kememɨyupaɨme 'Ixaheri nuiwarimama wahetsɨa nekaneitanɨ'axɨani, mɨkɨ 'axati'anekame memɨteheutiwiwiexɨakɨ 'Ixaheri kwieyaritsie.

2 Tsamuheri 13:13

Xɨka mɨpaɨ penetsi'uyurieni ne 'anepuyeikani neyutewiyatɨ. ¿'Ekɨta kepe'aneni? 'Ekɨ 'Ixaheri kwieyaritsie 'axatiyuruwame hepaɨ xeikɨa pepɨtixeiyarieka. Ne nepɨmatsiwawirie ti'aitame hamatɨa pemɨtitaxatakɨ, yurikɨ mɨpaɨ nepaine mɨkɨ pɨkata'imani 'a'ɨya nemayanikɨ.

1 Tsamuheri 26:21

Hikɨ Tsahuri mɨpaɨ kaniutayɨni: —Ne 'axanepɨtiuyuri, Rawiri neniwe nehetsɨa kenenua. Nepɨkamatikwinitɨaniri. 'Ekɨ matsi pepɨkanetsi'umi pepɨnereuyehɨwiri, ne matsi nemɨka'uka'iyarini hepaɨ nepɨyɨane.

Kutsuhexi 7:11

'Ixaheritsixi 'axamekateniuyurieni kenemutayɨkai yamepɨkatekakɨ. Memɨwaraye'unie tiwapiini mekatenepini xemɨtetitaiyakekai mekateniuti'awieta yupiinitetsata.

Kutsuhexi 7:16

'Uxa'arieka, ximeripaitɨ, Kutsuhexi kaniwara'iniexɨani, yuxexuime, 'Ixaheri nuiwaritemama, 'ana Kura hetsie katiniunake 'inɨari.

'Itsɨkate 20:5

Tɨkarikɨ teɨteri Kiweya kiekatari kiwarie mepaketɨkɨ, menetsimienike. 'Ana ne'ɨya hamatɨa mekanekahini waɨriyarika meheipitɨaka 'atsita kepaukake memɨ.

'Itsɨkate 20:10

Yunaime nuiwaritetsie xeitsienituyaritsie tamamata teɨteri tekaniwaranuyehapakuni, xeimiriyaritsie xeitsienituyari teɨteri, tamamata miriyaritsieta xeimiriyari, 'ikwai memɨtekuwaunikɨ kuyaxi wahetsiemieme. Kepauka kuyaxi Kiweya Wenikamini kwieyaritsie memɨye'axɨani yameniwayurikuni 'axamemɨte'uyurikɨ 'Ixaheri kwieyaritsie.