Kutsuhexi 7:12 - Kakaɨyari Niukieya

¹² 'Ayumieme 'ixaheritsixi mepɨkayɨwaweni memɨwaraye'unie wahɨxie matsi mekaniutinanautsakuni. Yɨkɨmana mekanitiwauni kememɨtekwini. Xɨka mɨkɨ piinite mana mɨtikupine xekate'utitaiya, ne xehamatɨa nepɨka'uyeikani.

Kutsuhexi 7:12 ပူးပေါင်းရင်းမြစ်များ

Kitsariyaxi 59:2

'Axaxemɨte'uyuri kanihɨkɨtɨni xekakaɨyari hetsɨa 'ateewa mɨxeti'uitɨa. Mɨkɨ 'axamɨti'ane katiniyurieneni nierikaya meukunama mɨkaxe'eniekakɨ.

'Itsɨkate 2:14

Hikɨ Yawé kaniuyeha'ani 'ixaheritsixi wahekɨ, kaniwarupitɨani memɨwaraye'unie wapiinite memɨtewanawatsirietɨwenikɨ. Niwayetuani waneɨkixiwima wahetsɨa wa'aurie memutetɨkatei meripaitɨ memɨkawara'iwaxɨ.

'Inɨatsie 14:45

Hikɨ 'amarekitsixi meta kananeutsixi mana memɨkiekataritɨkai mekaniwarutakwini mekaniwara'iwa, mewaruweiyatɨ Kuxima mɨrayetewatsie paitɨ mekaniwaye'atɨani.

Kutsuhexi 6:18

Tixaɨtɨ xepɨkatekumaɨwani peuyewetse naime temɨtetitaiyakɨ, kapa tame xeme meta temakutei 'ixaheritsixi 'axamɨti'ane temɨniupitɨarie temɨneuyehɨiya.

Hutarieka 'inɨari 7:26

Tixaɨtɨ yukiita xepɨkate'uti'utani tita mɨtixani'eriwa. Kaneuyeweka mɨkɨ naitɨ mɨreuyehɨiyanikɨ. Xepɨkatenaki'erieka xeketenexani'erieka yemekɨ, nɨkahɨrixɨa xemeta xe'uka'unarienikɨ.

'Awakuki 1:13

'Ahɨxite yemekɨ pɨ'itiyatɨka 'axamɨti'ane pepɨkareuxeiyawe, pepɨkayɨwe pemɨwaxeiyani hipatɨ menanaimariekaku. ¿Titayari kamɨtsɨ 'axamemɨte'u'iyari 'atsipekatiwayuriwe? ¿Titayari kayuwatɨ petiuma mexi 'axamemɨte'u'iyari 'aixɨa memɨte'u'uwa mewakwa'a?

'Utseyaxi 9:12

Tsepa tɨɨri memɨwaxeiya hipame mewawereme, ne nepɨwarakuyeitɨani 'ena kwiepa. Xɨa'ui kepauka mɨkɨ memɨxeku'eirieni.

Keremiyaxi 23:33

»Xɨka 'ikɨ teɨteri, ya xewitɨ Kakaɨyari niukameya, yatɨni mawari wewiwame, xɨka mɨpaɨ mera'iwawiyani: “¿Ke'aneme Yawé niukieya pepɨtatsitaxatɨani?”, 'ekɨ mɨpaɨ pepɨtiwata'eiya: “¿Ke'aneme niuki xepɨxata?” Ne nepɨxeku'eirieni —Yawé kanaineni—.

Keremiyaxi 6:8

Keneu'apata, Kerutsareme, nemɨkamatsi'uku'e'eiriwanikɨ. Xɨka mɨpaɨ peka'ɨyɨni, makumawe nepɨmatsihayeitɨani, xewitɨ mɨka'anuyeika».

Temaiwawemete 28:1

'Axatiyuruwame kaniuyu'unarɨmeni tsepa xewitɨ mɨka'iweiya, matsi heitseriemekɨ yamɨtikamie kayuwatɨ 'apuyeika maye hepaɨ.

'Itsɨkate 2:4

Kepauka niuki tuayame Yawé hetsɨa mieme mɨpaɨ mɨtiwarutahɨawixɨ yunaime 'ixaheritsixi, mɨkɨ teɨteri mekaniutitsuani karima.

'Inɨatsie 14:39

Kepauka Muitsexi mɨtiutahayewaxɨ mɨpaɨ tiwakɨhɨawetɨ yunaitɨ 'ixaheritsixi mekaniutitsuanakaitɨni karima meyuhiwerietɨ.

'Itsɨkate 16:20

Hikɨ kanitahiwieni: «Tsanitsuni mana piritsiteutsixi». Tsanitsuni 'anutaniereka mɨpaɨ katiniu'erieni: «Nepɨneta'unata hikɨ, nepɨwatawikweiya». 'Atsipɨkatimaikai kename Yawé 'iku'eiriekai.

1 Tsamuheri 14:38

'Ayumieme Tsahuri mɨpaɨ kaniutayɨni: —Xeme yunaitɨ kuyaxi tewa'aitɨwamete 'ahurawa xekenakɨni, xeme hikɨ xekeneutinieri kemɨ'ane 'axapɨtiuyuri.

Nɨawari 44:10

Mɨtatsi 'aye'unie hɨxie tema'iwarienikɨ yapepɨtiuyuri, mepɨtatsi 'ayewei memɨtatsi 'aye'unie mepɨtate'unawatsiri.

Nɨawari 60:10

'Ekɨ pekanihɨkɨtɨni, Kakaɨyari, kemɨ'ane mɨtatsi'uku'eiri, Kakaɨyari, tawariri takuyaxima wahamatɨa pepɨka'ayeyeika.

'Inɨatsie 14:42

Xɨka xeheukɨne xekana'iwariekuni, Yawé xehamatɨa mɨka'uyeikakɨri.

'Inɨatsie 14:43

'Amarekitsixi meta kananeutsixi wahamatɨa xekaneyutakwikuni, mɨkɨ mekanixekwikuni 'ixiparakɨ. Xeme Yawé xemuku'eiri, mɨkɨ pɨkaxeparewieni.