Kutsuhexi 7:1 - Kakaɨyari Niukieya

¹ Peru, 'ixaheritsixi Yawé mepɨka'anu'eni memɨte'uti'utaxɨkɨ tita memɨtetitaiyakekai, 'Akani Karimi nu'aya Tsawiri teukarieya Tsera tutsieya, mɨkɨ yatipaɨmeme katiniuti'awieta yuhetsiemieme Kakaɨyari tita mɨti'aitakai memɨtetitaiyakɨ. Mɨkɨ tewi Kura nuiwarieyatsie mieme mɨyatiuyurieku Yawé kaniuyeha'ani 'ixaheritsixi wahekɨ.

Kutsuhexi 7:1 ပူးပေါင်းရင်းမြစ်များ

Kutsuhexi 22:20

Puyuri kepauka 'Akani Tsera nu'aya 'axamɨtiuyuri kepauka mɨtiunawa 'iya naime temɨtehauyehɨanikekai, Kakaɨyari haxɨaya tanaime tahetsie 'ixaheritsixi katiniunake. Yaxeketenemaika 'Akani xeikɨa pɨka'umɨ 'axamɨtiuyurikɨ.

Ti'ɨkitame 9:18

Kaneuyeweka matsi waɨkawa mɨtimaiwenikɨ, keyuri tituaxame kuyaxa mieme. Xeimekɨ 'axaxɨkapetiuyurieni pekatinitixɨtɨamɨkɨ 'aixɨa mɨti'ane.

1 Kemɨtiuyɨ 21:7

Metatsiere Kakaɨyari hepaɨtsita mɨkɨ 'aitsika 'axapɨ'anekai, 'ayumieme 'ixaheritsixi 'axapuwaruyuri.

Kutsuhexi 22:18

¿Titayari yaxeikɨa Yawé xekateheu'enie? Hikɨ xɨka xe'iku'eirieni mɨkɨ, 'uxa'a haxɨaya teyunaime 'ixaheritsixi tahetsie punuani.

Kutsuhexi 22:16

―Yunaitɨ Yawé hetsɨa memuyukuxexeɨriwa mepɨtemaiku, ¿titayari xete'iku'eiri 'ixaheritsixi takakaɨyari, titayari Yawé xekate'enie xete'iku'eiri, mawari taiyame titayari xete'utawewi?

Kunatsi 1:7

Hikɨ nawiya nɨ'awamete meyunaitɨ mɨpaɨ mekateniuxata: ―Neuxei, tsipara tepuyuta'iwa, kemɨ'ane rahetsie pɨtinake, mɨpaɨ temɨtehetimanikɨ kemɨ'ane rahetsiemieme temeuyehɨiyaxime. Mɨpaɨ mete'uyurieku, 'ana Kunatsi hetsie katiniunake.

'Etsitɨraxi 9:6

nenewierikɨ mɨpaɨ nekatinitahɨawe: «Nekakaɨyari, nepuyuxamurie meta nepeunetewiya nemɨmatsi'anutixeiyakɨ, ke'axatemɨte'uyuri mutimɨirixɨkɨ matsi pɨtatsi'anukateukixɨ teyunaime, tahetsie ketemɨte'uhɨpa muyuawitsiepairi kaniye'ani.

2 Kemɨtiuyɨ 24:18

Yawé tukieya mekaniuku'eirieni, yu'ukiyarima wakakaɨyari, hikɨ 'Atserá 'ɨkiyarite mekaniwarayexeiyakaitɨni pɨta meta kakaɨyarixi memɨwewiyatɨka. Mɨkɨkɨ 'axamemɨte'uyurikɨ, Kakaɨyari yuhaxɨa kaneyenɨ'ani Kuratsie kiekatari wahetsie meta Kerutsaremetari.

2 Tsamuheri 24:1

Merikɨtsɨ Yawé 'ixaheritsixi wahetsiemieme tawarita kaniuyeha'ani, Rawiri mɨpaɨ katiniu'eritɨani teɨteri wahetsiemieme mɨpaɨ mɨtayɨnikɨ: «'Ixaheri kwieyaritsie kiekatari meta Kura kwieyaritsie kiekatari kuyaxi xekeniwaruti'inɨata».

Tanieri 9:7

»”'Ekɨ Yawé, heitseriemekɨ yapepɨtikamie. Tame matsi, tewiyarika xeikɨa tepexeiya 'ikɨ tukaritsie, tame Kura kiekatari, Kerutsareme kiekatari meta naitsarie 'Ixaheri kwieyaritsie kiekatari, 'ahurawa temu'uwa meta 'ateewa temu'uwa, naitsarie hipame kwieyaritsie hakewa pemɨtatsihetaxɨriexɨa temɨmatsi'uku'eirikɨ.

Mawari 10:6

Hikɨ Muitsexi 'Aruni meta niwemama 'Eriyatsaxi meta 'Itamaxi mɨpaɨ katiniwarutahɨawe: «Xeme xekamu'utsikietɨkaitɨ xepɨka'u'uwani meta yukamixa xepɨkaheukatsanani. Mɨpaɨ xeme xepɨkakwini meta Yawé pɨkayeha'ani teɨteri yunaime wahetsiemieme. Xe'iwama 'ixaheritsixi hiwerika mekaniwewikuni Yawé tai mutaiyaxɨkɨ.

2 Te'aitamete 5:24

Kepauka memuta'axɨa yemuri mematitekaitsie, Kihetsi mɨkɨ huta kuxitariyari kaniuti'awieta yukiita, hikɨ 'ana kaniwarutateutɨani mɨkɨ teɨteri tsiriyutsixi Nahamani hetsɨa mekanekɨne.

Tsutɨarika 34:27

Hikɨ hipatɨta Kakuwu niwemama mekaniu'axɨani, mɨkite watsata me'utakɨneka, kiekaritsie naime wapiini mekatene'arieni wa'iwa munanaimariekɨ.

Kuwi 35:8

Tsepa 'axapemɨtiyuriene yatɨni 'aixɨa pemɨtiyuriene, kemɨ'ane yamemɨ'itɨarieni 'ahepaɨ teɨteri wahetsie katininakimɨkɨ.