Kutsuhexi 6:18 - Kakaɨyari Niukieya

¹⁸ Tixaɨtɨ xepɨkatekumaɨwani peuyewetse naime temɨtetitaiyakɨ, kapa tame xeme meta temakutei 'ixaheritsixi 'axamɨti'ane temɨniupitɨarie temɨneuyehɨiya.

Kutsuhexi 6:18 ပူးပေါင်းရင်းမြစ်များ

1 Wani 5:21

Neniwema, xekeneyukweriwayurieka kakaɨyarixi wahepaɨtsita.

'Epetsutari 5:11

Xepɨkayuxewiriyani mɨkɨ yɨwipa timieme kememɨteyurie wahamatɨa. Tixaɨtɨ pɨkatitixuawere kememɨteyurie. Matsi xekeniwahekɨatani kememɨteyurie.

Kutsuhexi 7:1

Peru, 'ixaheritsixi Yawé mepɨka'anu'eni memɨte'uti'utaxɨkɨ tita memɨtetitaiyakekai, 'Akani Karimi nu'aya Tsawiri teukarieya Tsera tutsieya, mɨkɨ yatipaɨmeme katiniuti'awieta yuhetsiemieme Kakaɨyari tita mɨti'aitakai memɨtetitaiyakɨ. Mɨkɨ tewi Kura nuiwarieyatsie mieme mɨyatiuyurieku Yawé kaniuyeha'ani 'ixaheritsixi wahekɨ.

Kutsuhexi 7:25

Kutsuhexi mɨpaɨ katinitahɨawe: ―¿Titayari 'axapetatiuyuri? Yawé 'ekɨ pɨta 'axapɨmatsiyurieni. Hikɨ yunaitɨ 'ixaheritsixi 'Akani meta niwemama mekaniwarutituaxa tetexikɨ meta mekaniwarutitaiya.

2 Kurinitutari 6:17

«Watsata xekenayekɨneka, xekeneuyupata. Ketita mɨkati'itiya xepɨkatekumaɨwani, ne 'ana nekanixetanaki'erimɨkɨ».

Tsatiyaku 1:27

Matsi xɨka rayexeiyani 'itiyatɨ meta hetsiena karahɨiwakaku Kakaɨyari mɨta'ukiyari kemɨtixeiya, mɨpaɨ pɨta kaniyɨanemɨkɨ: nutuite kaniwanenimayakamɨkɨ meta wiuraxi kememɨte'uximatɨarie kaniwaparewiekamɨkɨ, meta yukweriwayurietɨ tita kwiepa mɨtimieme hepaɨtsita.

Xumatari 12:9

Yakɨ xeikɨa xekayɨatɨ xeketeneyukanaki'erieka. Xe'ixeɨmatɨ tita 'axamɨti'ane, tita 'aixɨa mɨti'anetsie xeketenewiyani.

Kunatsi 1:12

Kunatsi mɨpaɨ katiniwarutahɨawe: ―Xekeneneuwiyaka haramaratsie xekeneneukahɨwa, hikɨ 'ana hamewari katinihayewamɨkɨ xe'anutawayatɨ. Ne mɨpaɨ nepɨtimate, ne ya'aneme newiwiekaku punua wiyeri kwinimieme mɨtitɨrɨkaɨye xehetsie.

Ti'ɨkitame 9:18

Kaneuyeweka matsi waɨkawa mɨtimaiwenikɨ, keyuri tituaxame kuyaxa mieme. Xeimekɨ 'axaxɨkapetiuyurieni pekatinitixɨtɨamɨkɨ 'aixɨa mɨti'ane.

2 Tsamuheri 21:1

Merikɨtsɨ Rawiri ti'aitakaku haaka kaniutaweni haika wiyari. Rawiri Yawé kaniutahɨawe miparewienikɨ, mɨpaɨ Yawé katinita'eiya: «Tsahuri meta nuiwarimama puwanakekai hipame waxuriya memɨtayeurienikɨ, mɨkɨ kawahunitari mepɨwarukwi, 'ayumieme haka kanixuaweni».

Hutarieka 'inɨari 7:26

Tixaɨtɨ yukiita xepɨkate'uti'utani tita mɨtixani'eriwa. Kaneuyeweka mɨkɨ naitɨ mɨreuyehɨiyanikɨ. Xepɨkatenaki'erieka xeketenexani'erieka yemekɨ, nɨkahɨrixɨa xemeta xe'uka'unarienikɨ.

Kutsuhexi 7:15

Kemɨ'ane mɨtitaxeiriyarieni piinite memɨyukwitɨwe tiwapiini mɨtititaiyarienikekai kanitataiyariemɨkɨ meta yunaitɨ tɨɨriyamama meta naitɨ tiwapiinite, 'axamɨtiuyurikɨ Yawé kemɨkahainekai 'ixaheritsixi wahetsie 'axati'aneme mɨ'atɨakɨ.

Hutarieka 'inɨari 13:17

'Ahetsiemieme tixaɨtɨ piini pepɨkarayeitɨwani tinaitɨ mɨkɨ katiniyetuiyani mɨreuyehɨiyanikɨ. Hikɨ 'ana Yawé yuhaxɨa 'ahetsie pɨkapitɨani, matsi pɨta 'aixɨa matixeiyatɨ matsinenimayatɨ, meta yapɨtiyurieni 'anuiwarima yumɨiretɨ memakɨnekɨ, kemɨtiwarutahɨawixɨ meripaitɨ 'atutsima.

Kutsuhexi 7:13

Kenanukukexi. Meke'uyu'itieni teɨteri. Mɨpaɨ ketiniwarutahɨawi 'aixɨa meke'uyuyurieni 'uxa'a nehɨxie memɨti'unikɨ, ne, Yawé, 'ixaheritsixi wakakaɨyari mɨpaɨ nepaine: “'Ixaheritsixi kexemɨteka'unariexime xetsata pɨti'ane. Pepɨkayɨwekaxɨani pemɨwara'iwakɨ pemɨwaraye'unie kepaukake 'aixɨa pemɨtiyurieni 'ateɨterima watsata”.

Hutarieka 'inɨari 23:10

Xɨka xewitɨ xehetsɨa mieme tɨkarikɨ 'axatiheinɨtɨ ka'itiyatɨ hayuhɨtɨani, mɨkɨ xematiteitsie pɨkayuhayewani 'ateewa kanitayerɨmɨkɨ,

1 Tsamuheri 15:9

'Akaki meka'umieka, Tsahuri yukuyaxima wahamatɨa mekaniwaruhayewata muxatsi 'aixɨa memɨ'anene meta wakaitsixi, tsikerutsixi memɨwaiyatɨarietɨka, meta hipame piinite mɨraye'atɨka xeikɨa. 'Ikɨ naime memɨteheuyehɨani mepɨkayuwaɨri, mɨkatiyunaki'erie 'axamɨti'anene xeikɨa mekateneuyehɨani.